Sya Lam Mission Trip To Mindat

From:YSBC Mail Group

Ivory Coast Ngam Buai

Ivory Coast ngam zongh kumhpi le alang pang pawl buai in, Khuapi Abidjan, ah alang le lang kikap aa, mi atulsimh thilaw hi.

Maangkaangte Heak Mawmawt Kimaina Lukhamh Tawh Saatpoai

Lukhamh tawh kisaatni se April 2, 2011 ciang USA Newyork Khuapi Union Square vawt sawm kik laleau hi.
Hi Lukhamh taw kisaatpoai se, 2003 kumh in kipanh in, Leitung ngam tatuam ah kizel zo Amsterdam, Brussels, and Bordeaux. te ah zongh vawt hamtang zo hi.
Kimaina sung ah, thukun om in,
Lukhamh tawh a-natu in kisaat ngawl tuh.
Camera taw kisutha ngawltu
Lukhamh ngawl nadang kizangh thei ngawl
Midaal thua thei ngawl tuh citeng hi.

UKLF Kumh 16 Photo Pawlkhat

Photo From: Zogam.com

UKLF Kumh 16 Photo Pawlkhat

Photo From: Zogam.com

Wine Suh Khaing Thein Photo

Naunei Lungdamh Puina

America ngam Kansas City a teang

Pa Khai Cin Dal ( Dalsan s/o Rev.Thang Za Kap) le Nu Ciang Seen te tung Topa letsong piak a hi tapa:

KAP THIAN SAANG

na leitung khuavak March 29, 2011 ni zingsang nai 8 in hong mu ci ki za hi.

Topa na hi tano tung a thupha namcin hong buak suk ta hen!

Ngocinthawng Suantak

Thaingam Thangsang Ah Tuikhang Mincimh

Thai ngam thangsang Nakhansi Thamarat ah nung nipi pan kipanh ngua nasia tatak zuu in, nangthuam huu in mincimh aa, tui khang lalai ahikom mi 20 val thilaw hi. Thai kumhpi sang panh Tourish te mi 800 se amun dang ah kikhin sak ci'n son aa, abo leh liam se sonna nei ngawl lai hi.

Apa Heak Ngawl In Apa Inn Zuaksak

USA Florida Shady Hill ah Christopher D. Wilson 25 in apianna pa Inn (Mobile home= Akikhiin thei Inn) Dollar 1000 manh khat se, Dollar 100 tawh zuaksak ahikom thukhen zumh kithen hi ci'n St. Peters burg Times sung kisua hi.

Apa se tulaitak palik te ngilbeam sung ah a om laitak hi in, a omthei na a ahang zongh se, atapa se a omna inn ah lawmnu aten pui ngawllai sia tawh om in, alawmnu in, apa ii battery nguuksak hi ci'n apa in, ngaw aa, sawnpuuk ahikom apa thong taak law zo hi.

Apa ii sonna ah, Inn bek hi ngawl in, inn sung ah om, vanh manpha pawlkhat, computers, camera, air compressor le vanh zak tatuam te le angunkuang no 2 zongh zuak sak ci'n ngaw hi.

Photo : Mobile Inn Khat(Souce Sung Innsia hi ngawl)
Read more: http://www.upi.com/Top_News/US/2011/03/30/Son-charged-with-selling-parents-home/UPI-48841301513950/#ixzz1I7tolVQ2

Isreal Rader Nasia Thong Zei

Isreal Air Force IAF te in, March 30, Gaza sang ah om, Rocket Launcher tawh Isrealte omna akaapsawm khat se, bomb tang khat khiat suk zeau in, Tuapa thi in, adang khat zongh liam hi ci'n Palestenian sang le Isrealte sang panh pulaak hi.

Source:worthynews, anuailim bomb akhiat laitak March 30

Malaysia UNHCR Zumh Amu Ngeingawlte Atuh

News In Picture

Meitei te khuapi Phai ah, Lampi tung ah March 28, 2011 in, mawtaw paitu akikhaam kawm panh apai mawtaw khat se, patang kumh 13 kiim te ngangawn in, zongh Kiitaak na nei ngawl in, Mawtaw khat suangtawh deensawm laitak.
Photo from:ifp

Buanman Tuiphum Pawlpi Biak Inn thak Honpawi Saapna

Hanciam tek tawng ei////

SOM Panh Tapa/Tanu Taimangn Pawlkhat

Anuai aa teng ii Pamin Numin, Phone Nambat te Amanlaang in SOM zumh ah zaaksak kiktu kisamh hi.

Datpung ngangawn ih kepthaak ngawl teng se anuai abangh hi.

1. Min Thang 4/10/1981
2. Kam Cin Khup 1/20/1987
3. Thang Mung 2/20/1966
4. Tual Pau 5/2/1985
5. Thang Za Khup 2/16/1987
6. Tuang Za Dal 8/8/1948
7. Uap Cin Khai 6/25/1965
8. Tual Kho Lian 10/7/1945
9. Vung Khan Neam 8/3/1965
   
10. Ih Heaktu: Atung aa min list teng se UNHCR Register ngaa natu in akisam(Appointment Ngaa) hi ngawl aa, Angaa natu in akiseau sak tu hi pheang hi.
    

Information(016-9747679)
Siyin Organization of Malaysia
Contact Ngaa Ngawl Honkhat ma omlai aa, Hong kizasak laitu hi.

Tuni Thein Sein Kam Kiciamna Vawt

Kawl kumhpi in, ngam bup kitealna aman zawk kumhpi thak tung ah, thunei na theampo aap natu in, akaa thak ngam lampui pipa Prime Minister Thein Sein ii Tongciam vawtna se, March 30, 2011 in, Naypyidaw Minister hall ah, Kumhpi naseam thunei tatuam te, Lawyerte, Thukhen Maangpite, USDP party lampuite mai ah vawt hi.

March 29, 30 Zinhliin-nateng

UKLF Te Kumh 16 Cinh Hizaw

UKLF te ii rising day kumh 16 cinh se, zeini 15 cinh in ki at khial tha hi. Kumh 16th hi zaw hi. Risingday vawtna munh zongh Nazareth (Muvan Phoi) Manipur State ii nisuana sang Khanborol, Chandel district sung hi.

Source:ifp

Patangno Kumh4 Abuanhuu Thong Kumh 20

Malaysia ngam Penang ah Ewe Peng Lip, 48, se patang numeino kumh 4 khat buan ahikom kumh 20 thong kitaak sak tu aa, ciangtawh 10 vei saat tu in, Georgetown Sessions Court in March 29, 2011 in thu khen hi.

Patang numei no nu se tu kumh 7 cingzo aa, tua mibuan in, 2008 January - April tha sung in kison hi.

Section 376(2)(e) of the Penal Code bangh hi leh kumh 30 thong leh, saatdan ngaa tu hi in, thumaan ason huu leh, hesuak nget huu in, kumh 20 bek taaksak hi. Ewe Peng Lip se, taa 3 neisa khat hi in, Ama ii hon Kindergarten saang sya hi na tawh hi bang in ngamtaa hi.

Patangno Kumh4 Abuanhuu Thong Kumh 20

Malaysia ngam Penang ah Ewe Peng Lip, 48, se patang numeino kumh 4 khat buan ahikom kumh 20 thong kitaak sak tu aa, ciangtawh 10 vei saat tu in, Georgetown Sessions Court in March 29, 2011 in thu khen hi.

Patang numei no nu se tu kumh 7 cingzo aa, tua mibuan in, 2008 January - April tha sung in kison hi.

Section 376(2)(e) of the Penal Code bangh hi leh kumh 30 thong leh, saatdan ngaa tu hi in, thumaan ason huu leh, hesuak nget huu in, kumh 20 bek taaksak hi. Ewe Peng Lip se, taa 3 neisa khat hi in, Ama ii hon Kindergarten saang sya hi na tawh hi bang in ngamtaa hi.

UKLF Kumh 15 Cinh Rising Day

Thado ngalkap kipawlna United Kuki Liberation Front (UKLF) in, March 29, 2011 in, kumh 15 cinh rising day amate ii ngiaphual ah vawt hi.

Thado lampui, hausa, upa leh kumhpi naseam zanei pawlkhat le biakna sang panh upate pawlkhat zongh sam hi. SS Haokip, commander-in-chief of the UKLF thusonna nei in, Mailam sang Thado(Kuki) te ii kalsuan zia tu leh abosa hunte maakngil vawt tu thupi in, Kuki(Khulmi) development council ii lampui na tawh, Manipure state sung ah, kumhpi sang kihelzawk natu thu zongh kikumh hi.

Source: IFP

Pa Khupi ii Sizangnet Mail Report

Dear Mipui te,

Tusung teng, U-tube ahi zong News sung pan ahizong, Japan ah Zinling le Tsunami hang in mi hing tam mama thina bo na, Ngilkial dang tak na te ih sim tek a, ih mu tek zo hi. Bang za in khuangai huai ziam? Tualpi nu nasep pui te Nupi khat bang in, ka khua bup in bo siat, a nungta khat zongh tudong kimu ngol hi ci in kakap hi. A minam, a khuapui meal heak theam po a bo hi zazen a, ngai sut sak leng bangza khua ngai huai ziam?

Japan sia Zinling taciang sia Minor hi lel ahihang, Tsuna mi taw hong kithua ciang, ki lau mama hi.

Tua lai tak a kilau bel sia, Neclear Plant hong puak tham zawk ciang Radio Reactor sia vuisung ah theng in, tua tung pan hong piang kik tu natna ki kilau tek mama hi. Ihngawng (Longtawl) Cancer ci khawng, Tuap (Lung) Cancer ci khawng maisang hong piang tu hi tuak hi. Tua Cell te ih pumpi sung hong tum thei ngawl natu in, Mask kithua vazai tek hi. An te tung, Tuisung ngangawn ah theng siat zo ahiman, ih ki dop dan tu zong a kihe non ngol hi zo hi. Tui nangawn ih ne thei ba le bang ih law non tu ziam, thin kham huai mama sung a kitheng hi.

A ki muthei ngol Vuisung pan hong leang te ih pumpi sung hong tum thei ngol na tu in kidal na a tatuam in kivawt tek hi. A hihang, Vuisung pan ma a kimu thei ngol Ih Biak Topa, Ih pumpi sung ah hong tum theingol tu in ih kidal thak ngol tu thupi kasa hi. Tua ih biak Topa in ih pumpi sung hong thet theingol tu in kidal na nam tam mama taw kidal tek in ka mu hi. Zu neak na taw kidal, Leilot thu son in ngual theam in nungta, Miteng son sia, Kam le muuk bek tawh, ki piangthak sak (Zui nuam ngol) etc;- cibang teng taw ih kidal thak ngawl tu hong hawm sawn nuam ing. Thu nong nget sak tek na uh zong lungdam hong ko ing.

Thu dang Khat,

Malaysia pan Suapui John Pum no mail sung ah, Bawlung (Soccer) ki dem na tu na vai hawm uh thupi hong sa mama ing. Tu bang ma in khat le khat ki Fellowship na tu le, tua ni ciang khat le khat kimu kik na sia thu pi sa mama ing. Vui sung pan ma Thupiang khat ah Tua Soccer ki dem na ah, US pan Tualpi pa (Thawng Suantak) te Team zongh hong kihel tu ci-in za a, a man takpi ma ziam?

Tualpi pa
(Khuppi te inn kuan)
Japan

2011 February Tha 31 Pha (Cimhphawng)

February tha se, kumh 4 ciang khat vei ni 29 om aa, ahihang 2011 ciang, Australia Pert Sizaang pawlpi 2011 atu a calender vaithak na sung ah, Calendar vawt te in, ni 31 om sak thong aa, Alamdang pi khat hong suak laleau hi.

Thutatuam news group panh bangbangh in, february tha sung ah ni 31 om thei ziam maw? ci in, google search, yahoo search sung panh zonh citak in akizon hang mu zo ngawl ahikom aki kakat ciang, Calendar vawt lai in, Acomputer tung panh Computer ii belap dan hong suak cithu kizaa hi.

Alian in amunuam te in anuai a lim sia click thei.

Khonumthung News Thusua ALP Te Lungkim Ngawl

Khonumthung news sung ah March 24,2011 date tawh, Arakhan (Rakhaing) Ngalkap APL te in, Tapidaw thuhilsya te man ci 'n kisua aa, tua thu alungkim ngawl APL in, mipi ii heaktu in, thuzasak kik ahikom khonumthung news in, mipi heak tu in, mawmai ngen kik hi.

Malaysia Ah Kawlmi Khutdaw Ngente Kiman

Malaysia ngam THE Federal Territory Welfare Department (JKMWP) in Kuala lampur khuapi sung om khutdaw ngen 18 man in, kipua phat na center Desa Bina Diri in Kuala Kubu Baru ah puak hi.
Kawlngam mi pawlkhat zongh kihel aa, Kumh 18-59 kilaklaw te se Desa Bina Diri for rehabilitation ah puak in 18 nuaisia teng se Rumah Kanak-kanak/Rumah Budak Laki-laki ah puak hi.kumh 60 val akeam tu om ngawl te se Rumah Seri Kenangan. acina ah puak hi. Kawlngam mi akiman te se, apasal te ii nusiat sa in kison hi.
Tua akiman numei no khat in, Bahasa Malay kam phatatak in pau thei aa, " KO UNHCR panh huuna hong pia nawn ngawl in, ka nu la sum azon hang in tawmbek ma mu hi, tua ahiciang khutdaw ngen ngawl in bang an ne thei tu khu ziam" ci hi. "Nasep thei natu athu la om ngawl ka hi uh ciang, khut daw nget thei natu bekma om" ci hi
Sennupi khat leh India pasal khat se ama te omna inn ah puak kik hi. Apumpi tung bup zaa kinoai pasal 3 se nasep nei ngawl in, hi bang in khutdaw ngen aa, ama te sung panh alampui pa se Mujah akicipa hi.

Suang Meihol Muanmawk Saang In Tamzaw Tuh

Zongam nisuana sang Khampat panh tai 20 na khua khat ahi Darthwekyauk chaung a ci na munh ah Suang meihol muanmawk sang in, tam zaw ahikom Kawl kumh pi in, Dagon Mining (Senngam panh) ate khut sung ah aap hi.

Bokkan panh tai 6 na Mintami khua ah, Dagon mining te sinsanh munh laa in, tuak naina teng ah, om suang meihol teng laaksiat sawm hi. Hi munh nai teng ah, suangmei hol factory hong om leh, electric mei pa kipanh power station sakna te ah support piak thei tu hi.

Map : Dr Vumson (Geologist) Report & Photo : Thawngthawng (Geologist)

Isrealte Ngalvanh Thak Nei

Palestenian te leh, Muslim paikhial pawl in, muanmawk ngawl laitak rocket launcher tawh kaap thei ahikom, Isreal te sang panh Iron dome anti rocket system akici ngalvanh thak khat vawt in, munh tatuam ah March 26, 2011 ni panh kipanh koi kakawi zo hi.
Ninoni in, Beersheba (Isreal thangsang khuapi) ah koi in, Gaza strip leh, Jordan west bank Jerico khua kiim, leh saksang munh pawl khat zongh ah koi sawm hi.
Hi ngalvanh thak sia se, $200-million manh in, radar, control system, monitor le launcher te kihel in, Rocket tangkhat Isreal te sang akikaap radar sung panh amu leh tua thautang leekaap kik thei ci hi.

Pa Kappu Nuamtuam

Malaysia ngam ah Nung nipizawk ni 5 ni march 25 nitak nai 6:00 pawl in, omna inn TV Intoner adjust kawm in inntung panh taak in, aliam Pa Kappu S/o Tual Cin Thang (Hiangzing) se, tulaitak Klang Zatopi ah anaak talh na bek khui ngawl lai in, aliamna dang teng se khuisiat zo in, khua zongh phawk zo hi.

ZIM Laihawm

ACR Laihawm

ACR News (27.3.11)

Japan Ngam Nuclear Ngaaltawk

Visit msnbc.com for breaking news, world news, and news about the economy

Shanngam Sang Zinhliin Huu In Kisiatna

Lebanon Biakinn Khat Bomb Puaktham

Lebanon ngam Zahle khua Orthodox biakinn St' Mary Church se, March 27, 2011 in, biakinn puasang panh TNT bomb khat biakinn puasang panh kamhsa in kikoi aa puaktham sak ahihang thi le liam se kison ngawl hi.

Kawlngam Pagoda Lian Mama Khat Cimh

Kawlngam zinliin huu in Shanngam Tachilek saksang tai 28 nan Mong Lin, khua Kawlte pagoda khat sia cimhthamh ahikom March 27, 2011. Kawl ngalkapte in thiangtho sak kik hi.

Germany Mipi In Nuclear Power Dei Ngawl

Germany ngam khuapi 4 panh mipi 250,000 val tu khawng in,"Fukushima = Nuclear power kisamh nawn ngawl, dei ngawl." ci in, kitaangko hi.

Khuapi 4 te se Hamburg, Cologne, Munich leh khuapi Berlin ah taangko ngeeingai ahikom palik te zongh buaina khat papo apiantu lau in kinging sa in koi hi. Tutung Japan ngam ii thuakteng se heakna in ih nei tu kilawm mama ci'n mipi sang panh mu ahikom Germany ngam ii Nuclear power tawh kisai in, bangh mama asep tu mipi sang panh dei nawn ngawl dan hi.

Source Ref:Yahoo News