Zongam Khuapi Aizawl Ah, "Kawlza Pheak Zak Ngawl Ni" Zangh

Zongam Khuapi Aizawl ah May 31 kha World "No Tobacco Day" (Kawl Zapheak Zak Ngawl Ni) se State Tobacco (Kawl Zapheak) Control Society leh Indian Society on Tobacco & Health, Mizoram Chapter te ii lampui na tawh YMA Hall ah vawt in, Chief Minister Lal Thanhawla'n thuson na nei hi.

Source: vanglaini

Mopoai Siim Bus Suakkhial Mi 30 Thilaw

India Assam ngam Guwahati ah, Mopoai siim tu in apai bus khat se suakkhial in, mi 30 khawng in thilaw hi.
Mopoai vawt tu in akuan Mopa, Apa, Asuapui nu, Amakpa, atupa pa le atunu nu te kihel in, mealheak le lawm le ngual te taw akuan bus khat se, Leih khat kiil taih tha in, Leinuai aa Tuili Pi 40 athuuk sung taak suk in, Bus zongh tui sung theng aa, tuita in thi siat hi.
Maw taw tung ah ato se bang za tatak ziam kihe ngawl aa, luanghawm se, news khat le khat ason dan ki bang ngawl lai aa, 30 val tu ki umh hi.

Source:AFP, Asaam News, Indiannews,

Malay Ah Heilei Te Khat Mei In Kaang Lumh

Malaysia ngam ah Mawtaw hawl Heilei te khat se, a mawtaw hawl omna Lobuuk kaang in, thilaw aa, May 31 , 2011 in kihui hi.

Pa Nang Ngo Lian (32) hi in, Kuantan akicina sang ah mawtaw hawl in angiak na lobu se zan alup laitak nung nipi khuavak ni in, ama zong kaang aa, ni 3 sung zato ah lumh in, dam zo ngawl aa hong nusia in, May 31, Klang Meru thaan ah Phumna kinei ci hi.

SCC Trienial Meeting Akhatvei Na

SCC__Taingen_EC

SCC OB Meeting

SCC__Taingen_EC

SCC Laihawm (By Sya Nangkhai)

SCC__Taingen_EC

Joseph Thaan Ah Thungente Leh Isreal Ngalkapte Buai

Isreal ngam nisuana sang Jordan ngam nitumna sang Nablus akicina ah Kumhpi Joseph thaan ah May 30 , 2011 in, thungen mi 1600 khawng leh, Isreal ngalkapte kibuai hi.

Thungen atam zaw se, Isreal te hi zaw in, Isreal in Palestine te kung ah apiak kik sa, ngam kaan tan in, pai aa, Palistine te tawh akibuai lausak ahikom Isreal ngalkap te in hi bangh in kham hi.

Isreal ngalkap te in, akhaam ciang, mi 50 tukhawng kikhaam thei ngawl ahikom zawkthawk thu tawh cia sak kik in, tua sung panh 3 se thusit tu in man hi. Hi mi 1600 khawng se Tapidaw Orthodox te hi.

Iran Ngam Mi 300 Ngui-awk-lum Sak Tu

Iran ngam in, Khamhthei Bingh azuak le azangh mi 300 se ngui awk sak tu hi, ci'n Iran ngam thukhen zumh in, thusua hi.

1979 kumh panh kipan Iran ngam ah, Binghzangh/ zuak, Tualthatte, Tatsiate, Numei Buante, Phalak te leh

Hi bangh in ahon in ngui-awk nataw thidan pia aa, atambel athat ngam se Senngam hi in, Ning kumh sung mi 252 thakhat thu in ngui-awk lumh sak hi.

Source: Reuters

Akisealte Kipholaak Tu Hi.

Senngam Jilin Province ah Changchun akici lui khat tung ah akisak leih khat se cimh ahikom lei tung ah apai Truck mawtaw khat se lui sung ah awk lui lamh hi.

May 29 ,2011 ni, Hi suakkhial huu in truck tung ato passenter 2 liamlaw hi.

Source: Reuters

Hun Ih Khen Thei Natu Khuasak Ah Hunkhenna Khansuang Thak

Khuasak khua tumna Ngalluu Lamka ah Khansuang thak sitset khat May 17, 2011 in, honna nasia tatak in kinei hi.

Nu Cin Khua Vung(Neamtak Nu) ii Topa a it na leh Zaangsi ngam lei sung a veina tawh, Hunkhenna ( Dispensation) teng se Mabel pheak taw 7'x 4' azai sung at laimal san silsial tawh at sak sinsen hi.

Anuai cement tawh phatatak in foundation kho tak in phut aa, Jesus Christ Jubilee ci'n poaipi zongh khaamna nei aa, Sialkhat, Vokkhat ngo in, Pathian naseam pawlkhat zongh sam hi.

Report: Pr. Kimno(KS)

Zaangsi Vaangkhua Vanhmanh Pawlkhat

Arlu Toaikhat............700
Sathau Toaikhat .....3,200
Voksa Toaikhat........4,500
Akpumh Khat .........5,500
Khuaimei...................250
Kawlpi- Taingen .....2,000
Kawlpi- Thuklai .......2,500
Kawlpi- Khuasak, Pumva, Buanman 3,000
Taang ( ii-yar-min ) Pikhat...........900

Report: Pr Kimno(KS)

Nupinu In Kumhpi Thak Thato Tu Ziam?

Daw Aung San Suh Kyi zongh ahai ngawl in, Yangon khuapua sang amun dang ah paisawm hi ci'n Mizzima news sung ah kisua hi.

Yangon khuapua apusua sim in, kawl kumhpi sang panh nawngkai sak tawntung in, tutuung zongh Kumhpi thak sia bangza taa khaupai tu ziam? ci'n thato(Challenge) taw kibang kisa hi. Amataw hawlpa hi leh nidang aa, atawkthak teng tudong ma lautuak ngeu-ngo lai in kison hi.

Anuai Ah nidang avakngeinateng (Click leteh alianzaw in kilawt tu hi)

Mawtaw Hawlpa Lusu In Suakkhial

Zongam Khuapi Aizawl ah May 27, 2011 in, Sumo mawtaw khat tuasiat huu in, Kawlpi Munlai khua mi khat thi law hi.
Aizawl khuapi athet mahiat Keen na pi 50 sung sumo mawtaw taak suk in, Kap Lian Mawi 56 thilaw in adang 5 zongh liam aa, 3 se nasia tatak in liam ci hi. Mawtaw se Zo khua thar panh Aizawl azuan hi in, Tuirial khua panh zing nai 4:00 pawl in hi bangh in tuasiat ci hi. Mawtaw hawlpa mawtaw hawl laitak lusu tha hi tu in muang maw hi.

Source : Khonumthung

Imphal Khuapi Bomb Kikam

Kawlngam India ngam ngi khuapi Imphal ah May 28 , 2011 Kumhpi zumh Autonomous District Council (ADC), Meitei thau toai te in, bomb kam in, mi 3 liamlaw in, aliam teng 3 se, innkuan khat hi.

Source:IFP

Malaysia ACR Laihawm

Thu Tatuam News (29.5.11)

SOM Breaking News

UNHCR in ACR tungtawn in, Mithak list , Inkuan tumpui tu DS list le Thongtaak te ii min list May 29, 2011 in hong ngen aa, May 30, 2011 ciang aap kik tu kici hi.

Mithak list 483 kipha in, Innkuan 30 khawng atu kitin sak aa, thongtak teng ii min list ki-aap hi. Atin nuam lai teng in, ACR card no tawh tuangpu 016-9747679 le 012-6041414 ah zasak tek tawng. May 29, MSCCF pawlpi kikhop man zawk ciang, zumh ah min kikhum thei lai tu hi.

SOM

Zato Ah Ki-aat Tuh In Ki-aap

Tin Lam Cing D/o Pa Thang Khat Pau Limkhai se Ngilpeang natna taw Malaysia ngam Kuala Lumpur Khuapi UKM zato pi ah ki-aat tu in kiap hi thunget na ah phawk tek tawng.

Ama zongh UN register ngaa ngawllai hi.

Zokam Laisiangtho Kingah

A beisa i suahsak lai in iPhone-te ah Zokam LST pen Aw(Audio) bek ahikeh Kammal(Text) bek kingah hi. Tu-in anih in kingahkhawmta hi.

Akicingin:

Zokam LST(Audio&Text), Thukhun Thak(New Testament) pen iPhone, iPad, Androids, Smartphones Apps tuamtuamte ah, AW(Audio) bek lo a LAIMAL(Text) tawh, kisimkawm le kingaikhawm thei ta hi.

Ngahna ding: Computer/Internet le Phone-te ah,

• BIBLE.is ah pai in,
• tua pan LST version telna mun-ah
• Zokam ahikeh ZIV

Hih BIBLE.is Apps pen download le cin, wifi connection om ta kei leh, OFFLINE in kisimthei, kingai thei ding hi.

A ban-ah:

Thukhun Lui le Thak(OT,NT) na sim nop leh hihtak ah,

http://www.youversion.com/bible/ziv/ps/23/1

ahikeh

www.youversion.com

Lungdam.

ZOKAM BIBLE TEAM

thangpilmung report

Mexico Mingilote Tualngal

Mexico ngam zatui khaam/ khamhthei khaam taw naseam Catel leh Zetus gangs te kilaklaw ah Tualngal a om huu in, Mi 29 thilaw hi.
May 25 in, Mexico ngam nitum na sang ah, Catel gangte Ngalkap bang kiheang in, apaina lampi ah Zetus Gang te in, suam in, alang le lang kikaap ahikom 29 thi hi.
Hi Drug Gang kipawlna te 2 se, Bingh taw naseam in, nidang pekpan kipanh tualngal anei nginge hi.

Ngamvai Ngalvai Kikumh

India le Kawl ngam ngii tawh kisai in, Naypyidaw ah May 26 2011 in, India Ambasador pa H. E. Dr. Villur Sundrarajan Seshadri se Kawl kumhpi te tawh kikup na nei in, Kawl te sang panh kumhpi thak naseam te taw kimu ngawl in, Ngalvai in vaisai pawl ahi General Kyaw Nyunt le Col Aung Taw te taw kimu khop na nei hi.
Tonzaang le Cikha khawk sang ah, Kawl kumhpi in Meitei thautoai te, ngia phual apiak tawh, khua asaat sak tawh teang sak ahikom tua vai zongh kikumh tu in ki muangmaw hi.

Topa Taw Maangkhawm

PU LIAN NGO kum ( 87 )
Sua ni 28.3.1925
Thi ni 27.5.2011
Vui tu ni 29.5.2011


HONG NUSIATNA THU ATOM
THIKHANG NATNA LE THIN NATNA


ASUNG PAN PIANG TA TE TENG

1.NU NUAM KHAN UAP
2.PA NGO CIN PAU
3.NU CING KHAW DIM
4.NU PUM CIN NEAM
5.PA NGO CIN MANG
6.NU NIANG ZA MANG
7.PA THANG PAU CIN KHAI

Report Hong Pia: Suapuipa Usuankhai Tung ah lungdam

Makai nam 4te by Dr. Jamang Paupu

Iran Ngam Tuilii Cii-khalhpui Suak

IRAN ngam OROUMIEH Tuilii se kumh 3-5 sung tuiteng khalh siat in, cii suaksiat ahikom Iran Kumhpi zongh khuangai mama hi.

Hi OROUMIEH Tuilii se, Iranngam ii nitum-saksang ah om in, Tai 370 zai aa, nidang lai pek panh Sapit, Apple, Alu, Kaison san/ kaang te ciin na in minthang hi.

Source: AP

Sudan Ah Tapidaw Le Muslim Tualngal Tho

Sudan ngam Saksang Arab te tamna le Tapidaw te omna thangsang ate kilaklaw tualngal tho kik ahikom May 25 2011, Tapidaw te tam tatak ngaltai hi.

Nung nipi sung ah alang le lang tai 50 akikhuala Abyei Town sung kisim aa, tuniciang dong tat thei ngawl lai hi. Mi 20,000 tu bangh ngaltai hi. May 20 in, Saksang Arab te ii Top tang taw kaap ahi kom tapidaw tam tatak thilaw hi.

Advocacy group Christian Solidarity Worldwide (CSW) te sondan hi leh, May 9, in, Hawa Abdalla Muhammad Saleh akici pa in Laithaingthobu saksang muslim te tung ah ahawm huu in, tualngaal kipanh hi.

Source:worthynews

Mexican Ah Mi Ngilote Kiita In Ngaltai

Mexican ngam Michoacan state nitumna sang ah, Binghtaw naseam te alau huu in mi 500 tu khawng se, ngaltai ci hi.

May 24, 2011 in, Cartel Gang te sung ah kitelkhial in thau tawh kikaap ngawp ahi kom, Buenavista Tomatlan khuami 500 tukhawng ngaltai in, Mixican kumhpi in, Vawttawm Tuilii khat hui ah teang sak phot in, Tui, An le Puanvan pawlkhat pia phot hi.

Ning kumh november tha in, hi bang ma in, mi 400 khawng se ngaltai ngei aa, tutuung asia tawh, ngaltai mi atambel a 2 veina hong suak hi.

Source: AP

GCCF Centreal Committee Thai-ngam Ah Vawttu

Leitungbup Chin Christian kipawlna (Global Chin Christian Felloswship) GCCF central comittee in 4-9 June 2011 hunsung GCCF Thaingam Chiangmai ah kimu khopna vawtsawm hi.

Lampui pipa Dr. Stephen Hre Kio in, aciil sawng in, Yangon or Aizawl ah kimu tu in vaihawm sawm hi ka leh, vai tatuam hang in, Thaingam Chiangmai ah kimu khopna vawt tu aa, Kawlngam sung Tapidaw convention tatuam panh kihel tu in, kinging zo in, Vanleang ticket alei zong om zo ci hi. Siyin Region Baptist Association (SRBA) pan General Secretary zongh kihel tu hi.

Thawng Thawng Nuamtuam

Tagyan manh zawk ciang Yangon pan Innsang vilto in acia Thawng Thawng S/o Dr. Thang Za Lian @ Dr. Liankok se aliam na panh nuam tuam kik hi.

Ama se, Tuibuakpoai man zawk April last week sung Cycle taw suakkhial in, nipi khat sung zato lumh in, ameal hem tu bangh phial ahi hang tu in, nuamtuam kik aa, nidang avak acia ngei bang vak kik thei zo hi.

Zukhamte Kimat Hang In, Ki Patau Kheukho

Malaysia, Kuala Lumpur, Maluri ah, May 23, 2011 nitak in, hun zukham honkhat kimat huu in, veang sung om ngamdangmi teng patau kheukho hi.

Nitak 6:45 khawng pan kipanh Maluri LRT hui Taman Miharja Flat apartment huangsung Patangte kimai natu akivawt, Kimaina Tual (Play Ground) sung ah, Ngamdang mi (Kawlngam mi or Indonesia te hi tuh upmawk) te in, Kimaina Tual sung tokhum tung ah, Zuthawl tawh to ahikom akhia ki om aa, Palik te in, nai 7:20 pawl in, Tua kimaina Tual sung a omteng mansiat aa, tua kiim ah avaak acia Zukham tuh in amuan mawk pawlkhat thusit siat ahikom Maluri veang sung om ngamdang mi UN card toai, Toai ngawl, Passport nei / nei ngawl pawl khat patau in amun dang ah tai kheukho hi.

MMC biakinn akici na ah Zomi pawlkhat ngaltaai in om aa, thunget na service khat hong suak pai hi. Sizaang pawlpi MSCCF pawlpi ii veang kikhop Nu Ngiak Khan Dim @ Dimno of Limkhai te inn ah kikhop kipat tu in ki kaikhop laitak hi in, MMC pawlpi panh suapui te khat in thu telthiang ngawl in, Innteak nu mun " Noma omna Building hong sit laitak hi, aman laang in MMC biakinn ah hong beal tan" ci in deisak na tawh sam ahikom MSCCF ii veang kikhop zongh kiphiat thong hial hi.

Maluri veang sung ah Nungnipi zawk ni 4 ni in, Binghzuak zuak nasep aseam Kawlngam mi 2 kiman in Veang sung ah Zomi Inn 50 tu khawng om hi.

Akimat laitak Amu
Tuangpu (Thu Tatuam)

Nikhatthu Bankcard Vawt Sizaangmi 43

Malaysia ngam Kuala Lumpur, PJ ah, Hardford academy te lampuina tawh, ngambeal kipawlna community min tawh ngambeal in a omte Hongleong Bank te tung ah Bankcard vawtsakna May 24, 2011 in kinei hi.
Zing nai 9:30 panh nitak nai 8:00 dong vawt sak aa,

1. Dai Community panh 38,
2. Somali Refugee Organization pan 24
3. Zomi Innkuan of Malaysia 27
4. Siyin Organization of Malaysia pan 43
5. Alliance of Chin Refugee min taw 25
6. Burma Muslim min tawh 16
7. Karen Refugee Org pan 22 te in bankcard vawt thei hi.

Mualpi Hausapa Cycle Taw Suakkhial

Mualpi Hausa pa sia (17 May 2011) ni in, Tedim township Education Head pa in Saang taw kisai proposal tin tu in a sapna taw kizui in, Motor Cycle taw Tedim paitu in a pai le Naatang khua sak ah Tedim pan in hong tuaksuk Motor khat taw kiphul tha hi. Topa Pathian ii kepna taw thingawl in tawm khawng liam hi. A Cycle sia kisia cip in Motor owner te in vawt kik sak hi.

Topa Taw Maangkhawm

1)Yangon, Shwepyita ateang U Mangcinthang(nusiazo,YSBC zum lai-at lui pa) le Nu Dimciang te ii tanu 5 le tapa 1 anei sungpan atanu a thum na ahi Lia Vungkhanniang(kum 46) in tuni(23.5.2011) 2 pm hun in anu/apa inn pan leitung hongnusia hi.
2)Aluanghawm shya Yeevuai thaan biakpiakna buk ah biakpiakna vawtzawkciang anuai abang in kihui tu hi -
a) Ani 24.5.2011 ( Tuesday)
b) Ahun - 1 pm
c) pawlpi - YSBC
3)Thungetna ah phawktek tawng.

From: Bo Kamno's sizangnet report

Pa Ngin Pau Vakthakna Photo

Pa Ngin Pau Taangthu Atom
Pu Dongh Ngin le Pi Vung Khua Man te innkuan in 1938 kumciang Khuasak khua panin Theizaang khua ah tuan hi.
Pu Dongh Ngin le Pi Vung Khua Man tate teng
a. (Pa Pau Khua Zam)
2. (Pa Khaam Za Nang)
3. (Pa Pum Kam)
4. Upa Ngin Pau

Upa Ngin Pau sia Oct 15, 1946 kumh in Theizaang khua ah suak in, Dec 23 1968 kumh ciang Nu Ngin Cing taw kiteang hi.

1. Pa Ngin Do Mang(PSI) Nu Man Sial Cing
2. Pa Kam Khua Thawng + Nu Cing Khat Pau
3. Pa Ngo Thawng(USA) + Nu Cing Khat Cin
4. Pa Nang Khan Cin + Nu Ngo Lun Neam

Hongthak : Rev Laangpu Tung Ah Lungdamh Thu Ihciamtee hi.

Mualpi Crusade

Sizaang kual Theizaang Uk Mualpi khua ah, May 22, 2011 in, YSBC panh Pastor Dim Kaang, Pastor Siam Go Mung@ Sya Mungpi, Sya Cinpau(pupu) le Voklak pan pastor Esther Cingh Khan Dim te ii lampui na tawh, "NASEP KUM" thu lu tawh crusade nei hi.
Hi khop na sung ah Drama tatuam lak in, Sya Pupu in Lathak hilna nei aa, Sya Mungpi patang te tawh hilna tatuam nei in, Pastor Dim Kaang in, Ngupna leh, Tapidaw nasep na tawh thapiak na kam mal te hong nei in, Topa sung ah Mualpi khuapui te in, thathak ngaa peuma ci thu ki zaa hi.

Report Rev Laangpu