USA Sizaangte Kumhthak Muak

Post By: Kampu

Thutatuam Panh 2011 Sung Nang Atu Deisakna

Hong pai tu Kumh 2011 sung ah

Tha 12 in Nang atu lungdam na leh

Nipi 52 sung cidamna

Ni 365 sung Topa ii hong piak husanh theina tawh

Nai 8,760 sung nungtaa in,

Minit 525,600 sung na masuan ziatu Topa in

Setkan 3,151,600 sung atu hong vaihawm sak zo hi.

Damngawl In Zato Lumh

Tulaitak Malaysia ngam om Lia Hau Man Cing se Dam ngawl in Melaka Zatopi ah azun eak thiak in kul aa lumh ci hi.

Ama se, ( Pa Mangpi Khuasak & Nu Nuampau Limkhai ) te ii tanu hi in, December 31, 2010 in, Zato lumh hi. Thunget na ah phawk tek tawng.

Mopoai Zaaksakna

Tulaitak Malaysia ngam Kuala Lumpur Khuapi om Lia Man Dik Huai
D/o Pa Tuang Za Thang & Nu Cing Do Niang
Tahan khualui Pumva ) te ii tanu leh
Tg. En Suan Khai
of Tedim Myoma te ii pumkhat suana mopoai se,
Malaysia ngam Kuala Lumpur khuapi,
Roman Catholic Biakinn ah December 29, 2010 in, vawt cithu kizaa hi.

Malay Sizaang Numei Kipawlnate Kimutu

Malaysia Sizaang Numei kipawlna SOM-Women Dept in January 2, 2011 in, KL, Pandan Jaya ah, Kimuna nei sawm hi.

Nipi ni Sizaang biakinn MSCCF kikhop manzawk in, Pandan Jaya Upa Tualpi inn ah, kimu sawm in, Money Management leh Leadership thusin na ah akaa te in thusinna akaa nathu teng sonkikna nei sawm in, Mailamsang kalsuan zia tu zongh kikup sawm cithu kizaa hi.

Tulaitak SOM-Women Dept Lampui teng se

• Chairman: Sm Nuam Man Cing
• V-Chaairman: Nu Hung Khua Huai
• Secretary : Sm Cing Do Hung
• Asst- Secretary: Sm Nang Kaang Niang
• Treasurer : Sm Niang Thian Cing
• Treasurer : Cing Lamh Dim
• Accountant : Sm Lydia Lundim

India In Kawlte Ngalsimdan Hil

India kumhpi in, Kawlngalkap 20 val tu khawng se, December 4- 24 , 2010 sung teng ah, Mizo ngam leh, Asam ngam ngii kilaklaw ah ngalsindan hil ci hi.

Hi munh se, US te ii Afaganistan asim mahiat in, ngalsimh sinna munh ci hi. Hi bangh in ahil na ahang se, India kumh pi alang panh, Naga leh Meitei te kawlngam panh motsiat natu in, India kumhpi sang panh ngealna ci hi.

Hi ngalsim sinsakna munh se, Ikah 600 bangh zai in, Asia ngam atu azai bel ngalsim kisinna hi ci in, BBC news sung ah ki-aat hi.

Source From: BBC

Pathian Vaangletna

MSCCF Kumhthakni Kikhin

Malaysia Sizaang biakinn MSCCF in, Jan 1 in vawtsawm ngawl aa Jan 2 in kumh thak kikhop se ahun khiin kik hi.

December 31 nitak ciang Kumhthak muakna leh,zankim kikhop kivawt sawm in, 31 nitak huu in mut nangh tektu ahikom kumhthak kikhop se, January 1, 2011 kivawt sawm ngawl in January 2, 2011 nipi masa ni in Kumhthak kikhop leh, Nipi kikhop vawtkhop kisawm hi.

Mittang Atu Mittang, Bil Atu Bil

Iran thukhen zumh in, December 29 in, Mihing khat ii Acid tawh abuak huu in Amit leh bil kizangh thei ngawl khat atu in, Abuakpa ii Amit khei keak in, abil ngon sak natu thu khen hi.

Acid abuak pa se Hmid ci in, abuak thuak pa se, Davoud ci hi. thukhen maangpa Aziz Mohammadi in, athu khen na ah, Mittang asup law huu in, amit akhei keak kul tu aa, akhua zaakna bil ngong ahi huu in, abil akingon sak kul tu ci in, Kayhan Newspaper sung kisua hi. Athuak pa ii kiou kik natu sum zongh avawtsia pa in aleau siat kul tu ci hi.

Source From: AFP & MWCnews

Isreal Numeite Arab Tetawh Kitentu Kikhaam

Isreal ngam Arab minam te tawh akiteang numei 27 se Isreal National Service (INS) te'n sam in, Arab te tawh kiten ngawl tu, na zongh sep khop ngawl natu thukimna Sign thoe sak hi.

Asap na lai sung ah, " Nang ma atu leh nasuan leh na paal te atu haksatna natawk tha ngawl natu thu kong nget sak uh aa, hesuak hong ngen ung"

" Jew te tawh kiciam na nei heak in, na zongh seam khawm heak in"

"Arab te natenpui leh Vawtsiatna haksatna leh thinkiam na in hong zui tu hi"

"Arab te se amate min se Isreal min laih thei hi." " Amate in, nang ma hong neak tu in, thin nop hong pia tu hi, ahi hang hi thu te se, tawmvei sung bek ma hi" " ama te khut sung na thet ciang, akhua sung ama te thu nei na sung na thet ciang anatheampo kilaih siat tu hi" ci hi.

Hi Sign thoe te sung ah Othodox sya khat ii tanu zongh kihel cihi.

Mualpi Ah Kumhthak Muaktudan

Theizaanguk Mualpi khua ah, december 31 nitak 2011 kumhthak muak poai se, khuathing in, nopci mama in vawt sawm hi.

Vokkhat ngawsawm in, Meiawi (Bone Fire) in, biakpiak kikhop na vawtsawm ci thu kizaa hi. Tulaitak mualpi khua ah, Inn 32 khawng pha hi.

Malayte Bawlung Zawhuu Holiday Ci

Suzuki Company ii vaihawm natawh Suzuki cup South East Asian ngam teng bawlung kimai na ah, Malaysia in, Ngualzo ahi kom, December 31 se Public Holiday in kiphuang hi.

Malaysia leh Indonesia se akampau kibang siat phial in, Anau khat bangh in om ahi hang, kidem na pawl khat ah asung thu in, kilem ngawl aa, khat le khat kingaal vilvel hi.

Suzuki cup Final kidem na se, Indonesia ngam Jakarta Karno Stadium ah vawt in, Poai en te sung panh Malaysia ngam sang apang puan asilngam zongh om ngawl liang aa, Jakarta om malaysian te in, Mudang panh en ngam ngawl Malaysia Embassy ah enliang hi.

Hi bawlungzawna thu tawh kisai in, Malaysia Prime Minister pa Najib in, bawlungzaw lungdamh pui ni ci'n December 31 se, zumh theampo khaak tu ci in, phuang hi.

Naypyidaw Ah YSBC-YF Te Excursion Pai

Yangon Sizaang Biakinn Panh Khangnote (YSBC-YF) Nyipidaw ah December 27 in Excursion pai aa, Khangno 31 pha in December 28 nitak sang hong cia kik uh hi.

ReportBy : Zoheisa

Thunget Cialna

Myothit Myanmar, Kalay Myo ah SRBA E&M lampuina taw in Sya Nyian Thwe le Sya Tint Lwin te zangh in Crusade(Salvation) sia 29.12.2010 pan 2.1.2011 ni dong kivawt tu aa, thum um ngawl lai Kawl te kaikhawm in, 29.12.2010 ni in mi 5 tintan hong kaa thei aa, hong paithua tuteng taw mi 15 bang pha thei tu in lametna kinei hi. Khanlawna hong pianna tu in thungetna ah phawk tek tawng.

Khuangai Thu

Tulaitak Mualpi khua om Sya Hang Za Thang(B.Sc.), Kum 63, in December 27 ni zing nai 9:00 in hong nusia hi.

Ama se Bu ??? le Nu Ciin Neam te ii tapa lianbel hi.Sya Thian Cin ThangEvangelist) ii upa hi in, December , 28 2010 ni 2:00 PM in kivui hi.

Report: Rev Laangpu

Nau Tapa Nei Lungdamhpui Na

Tulaitak Malaysia ngam om Pa Thang Kaih Mang & Nu Didim ( Vunglian ) te nupa in, Kuala Lumpur Khuapi UKM Zato ah nau tapa nei hi.

Pa Thang Kaih Mang se Malaysia thet zawk ngei zo aa, UNHCR card zongh ngaa zo hi. Adam chiang natu in, akua mapo in, thunget na ah ih phawk tek tu Pa Kaih Mang hong ngen hi.

Malaysia Refugeete Bankcard Neithei Zo

Malaysia ngam ah Ngam beal aa aom te in zongh Malaysia Kumhpi bank ah sum kikhol thei zo hi.

Nidang in se , Refugee te akua akua in Bank card nei thei ngawl in, UNHCR te thuthiam na tawh, UNHCR ii social protection fund te in, community te atu vawt sak masa hi.

2010 September tha khang ciang panh kipanh Refugee card angaa sa theampo in, Bank laibu leh, ATM card zongh kivawt thei zo ci thu kizaa hi.

Australia Queenland Ah Tuikhang

Isreal Ngalvanleang Saang Patangte

Isrealngam thang sang Beershaba khuapi ah December 28 in, Isreal ngaal vanleang saang man poai nasia hial in vawt hi.

Akilau Ngawl Korea Unaute 2 ii Hatzia

Ivory Coast Ngam Ah Tualngaal

Africa Continent nitum nasang ngam khat ahi Ivory Coast ngam sung ah tual ngal piang in mi 20,000 tu khawng se, aveangngam khat ahi Liveria ngam ah peam in tai ci hi.

Ivory Coast ngam sung ah Tual ngal se Kumh pi leh alang panh te kilak law ah nasia va ial ahi kom UNHCR panh huuna pia in, tu laitak UNHCR te tung ah register vawt mi 15,120 pha ci'n UNHCR panh son hi.

Source Ref: thesun, BBC

Malaysia, Melaka Ah Meikaang

Malaysia ngam Melaka, Langkawi khua Bukit Malut akicina ah december 27nitak nai 11:30 pawl in Mei kaang in, Inn 57 kaang tum ci hi.

Ih kahna ahang se kison ngawl in, RM 1 million manh tuh vanh, sum leh nei-leh-lamh pawlkhat kaangtum hi. Athi om ngawl in, The Sun news sung ah mi 400 se, ngimh law ci aa, th star news sung ah mi 200 ngimh ngaa ci hi.

HI Bukit Malut se, Ngabeng( Fisherman ) khua khat hi in, tuipi hui ah teang ci hi. Inn 57 akah zawk ciang, adang te zongh akizop suak tu lau ahikom Inndang 243 tu khawng zongh suthamh mangn hi.

USA Ah Mawtaw Accident

Copepi (S/o Lt. Hang Khua Khai-Suangdaw=Tamdeang) leh Singpi S/o Khai Khan Niang & Pu Hungh Za Cin ( Muizawl ) te se, December 25 nitak in mataw tuasia ci hi.

Tuasiat na munh se, a omna inn naina munh khat panh ma hi in, Vokngaw zawk anneak natu vanh naneng lei in apusuak na panh Mawtaw hawl Cope Pi (Khuppi) se lusu tha in, Lam langkhat daai taihtha hi.
Mawtaw tuasiat hang in, Mawtaw se zaancip ahihang amate 2 se banghma tat ngawl bilbel hi.

Topa pa in, atate 2 hong kepsak ahi man in, Topa tung ah lungdamh ih ko hi.

Mualpi Khua Topa Jesu Piannathu Taangko

Dear,

Kum 2010 Christmas Poai Ni in Mualpi Siyin Baptist Church ah, Mandalay pan in Kawlte pawlkhat Mualpi Phongyi saang ah ahaw in hong pai aa, tua te in Biakinn ah pawlpi ii sapna taw kizui in poai siim in hong pai uh aa, Pawlpi keam Syapa in "Joy to the World the Lord Has Come" kawllai in a kivawt tracts khat tek pia aa simtek uh hi. Mogok Phongyipa le Tedim Phongyi pa zong kihel uh aa Pawlpi in Christmas anvakna nei uh hi.

Phongyipa in Xmas letsong Phakneal khat pawlpi pia aa, Pawlpi te in zong limlagh khat, samchi khat le Bible Society te ii vawt Calendar khat pia uh hi.

Dec.26,2010 ni in Naypyidaw pan in Pgongyi lianbel pa le phongyi pawlkhat hong pai in Mualpi khua om sangpatang te laibu le moh letsong in pia aa, khuasung mite tangman ngaanhul tw vak in Zongeina lap taw a muakteng letsong in sum Ks. 80,000 /- pia uh aa, tua sungah Chin State Religious Dept. pan a lianbel pa zong hong kihel thei hi. Amate zong Zo ngeina lap a lam te sungah kihel in lam khawm uh aa, nuam sa mama uh hi. Khuasung mite a tu in puan pawlkhat zong pia uh hi.

*Pastor H.S. Langh Go Laang (Laangpu)*
*Secretary* */* *Director*
*Evangelism and Missions Department** & Men's Fellowship
Siyin Region Baptist Association (SRBA)
Phone : 0947175014
Website: http://www.laangpu.multiply.com

Malaysia ZIA Laihawm

ZIM Awging 37 December 26, 2010

Malaysia ZAM Laihawm Thupuak

THUPUAK Volume 9, Issue 27_December 26, 2010

Laipian Te Pau Cin Hau Suani Vawtsawm

Christian te in, Topa Jesu suakni ci'n Lungdamh vawt(Christmas) poai avawt bangh ma in, Zongam sung ah, Laipian pawlte in zongh Pau Cin Hau
suakni muak poai vawtsawm hi.

Pu Pau Cin Hau se December 28,1859 ni piang aa, December 28,1948 in thi hi. Ama se pathian in lai-at zia pia ahiman amasia Laimang ki na hi.Lai ii pian na bulpi ahiman akipawlna sia Laipian pawlpi ki ci hi.

Tulai tak Laipian pawlpi ii District level thunei te se
1. Khawh laisang(tuiphum le thiansua cite seamthei hi)
2. Laisang huh
3. khawk thuvanpi
4. thuvanpi huh
5. sumkeam
6. lai at
7. upa1
8. upa2
9. upa3
Atung aa, upa mihing 9 teng sia tuithiang taw kiciam sak hi.

Kawlngam bup mi 250,000 member nei aa, khawk 8 in kikhen hi.
1. Tedim Khawk
2.Thaangkai(suangpi) Khawk
3. Mualbeam - Liimkhai khawk
4. Muizawl Khawk
5. Zaangngam (Kale-Tamu)khawk
6. Tuithang Khawk
7. Vongmual khawk
8. Cikha Khawk
Falam ngam sung ah zong member pawlkhat om lai hi.
Pau Cin Hau Museum
Pau Cin Hau Museum sia Leipui veang ah om aa,et nop huai le thupi mama ngeina van kep cing na khat ahihi.

From: Salai Thawngpau's Northern Chin Textiles

USA Ah Mawtaw Tuasia In Bangma Tatngawl

Copepi (S/o Lt. Hang Khua Khai-Suangdaw=Tamdeang) leh Singpi S/o Khai Khan Niang & Pu Hungh Za Cin ( Muizawl ) te se, December 25 nitak in mataw tuasia ci hi.

Tuasiat na munh se, a omna inn naina munh khat panh ma hi in, Vokngaw zawk anneak natu vanh naneng lei in apusuak na panh Mawtaw hawl Cope Pi (Khuppi) se lusu tha in, Lam langkhat daai taihtha hi.
Mawtaw tuasiat hang in, Mawtaw se zaancip ahihang amate 2 se banghma tat ngawl bilbel hi.

Topa pa in, atate 2 hong kepsak ahi man in, Topa tung ah lungdamh ih ko hi.

USA Sizaang Te Lungdamh-vawtpoai

Photo Hong Thak Rev. Cinno Tung Ah Lungdam

Taunggyi GTC Saanginn Cimh

December tha 15 khawng in, Taunggyi GTC saang se Cimh aa, Athi leh aliam se om tuak ngawl bilbel hi.

Kumhpi te sak innthak te se, Expert engineer te ii sep ngei bangh seam ngawl (Seamen khawng ani ciangtat zaa dong akotu Ngak ngawl) in tungsia project om bangh bang ni man hamtang ci sia taw babek kalsuan ahikom akisial leh alal se tam peuma hi.

Thu hong puak Nanmuu(thingunau) tung ah lungdam

YSBC-YF Te Naypyidaw Excursion Paitu

Yangon Sizaang biakinn khangno kipawlna YSBC-YF te in, Naypyidaw ah excursion paisawm cithu kizaa hi.

Tulaitak khangno lampui se Tg. Thawng Khawm Mung(thumung) S/o Rev.Dr. Thuam Khua Pau hi in, Secretary se Vung Sial Dim Mang(pipi) D/o Pa Ngo Tual Lian hi

Tulaitak YSBC Khangno minnei papo se 150 bangh phatu ki umh in, tutung se 45 khawng pai thei tu ki muangmaw hi.December 27 pai in, 29 ni zingsang ciang Yangon ah cia kik sawm hi.

Cimhphawng

Ui Leh Ngeau Cimhphawng

Cimhphawng Ngeaungaw

Meitei Te Hangin Zomi-Meitei Tualngal Omkik Thei

Zongam saksang Lamka khuapi ah, December 13 in, Pasal neisa nupi kumh 56 khat se apumnguak in, athisa aa kimu in, ZRA in tua tualthat te zongh man kik ci hi.
Tualthat mi 3 tung ah lungkim ngawl in mipi(Zomi) in, a omna inn haltum sak ci hi.

Source From; zogam

December 26, Malaysia Sizaang Biakinn

Yangon YSBC Christmas

Special Thankz: TC Tual

Malaysia Sizaang Christmas

Malaysia Sizaang Lampui Kitealna

Malaysia ngam Sizaang Pawlpi MSCCF (Malaysia Siyin Chin Christian Fellowship) & SOM ( Siyin Organization of Malaysia )Lampui kitealna December 25 Lungdam vawt ni in kinei aa,
Advisor: Upa JM Tualpi, Upa Vungh Cin Pau, Upa JM Dalno
Chairman : Upa Thawng Khen Pau (Thawngpau)
Vice Chairman: Hau Cin Nang (Nangtak)
Secretary : Tuang Pum Dal (Tuangpu)
Join Secretary : Pau Thawn Khai (Aapu)
Treasurer : Upa Vungh Khan Pum (Vunghpu)
Accountant : James Vunghpu
Member
Upa David Mungno, Upa Tual Nang, Upa Thang Khan Pau ( Tharpau), Upa Thang Khan Pau (Thangpui), Upa Nang Do Lian(Pipi), Upa Khup Khan Do (Khup) teng kisee aa, January 2, 2011 in, Topa tung ah Ki-aap na neitu hi.

Yangon YSBC Christmas

Pudu Veang Christmas

Malaysia ngam KL Pudu veang ii Lungdam vawt poai se, December 24 nitak in vawt hi.

OPE Kikhak Tu

Malaysia ngam UNHCR ah ngambeal seam te atu in, December 24-31 dong se OPE tawh kisai bangh mama kikan thei ngawl tu ci thu UNHCR in thu zaaksak na hong nei hi.

December 26, ACR News

ACR News (26.12.10)

Malaysia Voklak Veang Christmas

Malaysia ngam Kuala Lumpur Khuapi Cheras (Voklak Veang) Ulex in, December 21, 2010 in, Veang Christmas poai vawt in, Kimai na tatuam tawh Upa Thawng Khen Pau in lampui aa, Pastor Rev Philip in Topa kammal tawh tha piakna nei hi.

COBEM In Christmas Vawt

Malaysia ngam om Kawlngammi tatuam refugee kipawlna COBEM in December 19, 2010 in, Join Christmas vawt aa, Kawlngam panh Malaysia ngam ah apai Refugee kipawlna tatuam te kihel tek hi.

Thuman Thutak Atu Romania Ngammi Khat Hanciam

Romania ngam Paliman te meeting avawt laitak December 23 , 2010 in, Mihing khat se ameeting vawtna sung ah inntung panh leangsuk ci hi.

Alensuk na ahang se, Prime minister pa kihel in, mipi te atu noptuam thasum te sung panh shia in don sawm ahi kom lungkim ngawl hi. Meeting room se dawl 2 saang in, banghma tat ngawl ci hi.

From: chinanews

Indonesia Meimual Tawlnga Ngawllai

Indonesia ngam ah Bromo akici meimual se apuathap zawk thakhat valzo ahi hang tuni dong tawlnga ngawl lai in, December 24 in, akhuu meter 1000 bangh saangto in, zaamto lai ci hi.

chinanews:

Pu Ngul Za Nang In Hong Nusia

Pu Ngul Za Nang (Mangzong) Kumh 8? Thuklai in, December 23 nitak in, a omna inn Tahan panh hong nusia ci hi.

Hong nusit na ahang se, athunget laitak ahuusamh in, huu diik thei nawn ngawl aa, hong nusia suak ci hi.
(Pu Hang Khua Zam)
(Pi Thuam Za Cing) hi in,Tapa 5 leh tanu 4 nei hi.

Ama se Munlai ah om in, nidang aa, Munhlai Falam Tuiphum pawlpi ah member tum ahihang tunung tatak ma in, Tahan Sizaang tuiphum biakinn ah pawl tumna nei ci kizaa hi.

Malaysia ZOMUS Working Committee Thak

Malaysia ngam Zomus ( Zomi Music Uplift Soceity) kipawlna in 2011 atu lampui kisee na nei aa lampui tuteng se anuai abangh hi.
Chairman: David Henkhup ( MMC )
Vice-Chairman: Tuangpi ( MMC )
Vice-Chairman 2: Khampu ( Cannan )
Secretary: Biaktung ( Cannan )
Assistant- Secretary: Tuangpu ( MSCCF )
Assistant-Secretary: Suihlun ( Cannan )
Treasurer : Khualtawng ( Cannan )
Treasurer : Taapi ( Cannan )
Accountant : Honpi ( MMC )
Accountat : Maamang ( MSCCF )

Azi Naamtawh 208 Holh In Inntung Paleang

Senngam Hongkong Khuapi ah, December 22 in, Chan Ka Piu 44 aci khat in, azi naam tawh 208 vei holh zazan in ama zongh condominium tung panh leangsuk ci'n China Press sung ah ki-at hi.

Chan Ka Piu se azi tung ah nidang in athinkiam mama na om tuak dan in kison aa, azi Liew Pui Mun 43 alup laitak naam tawh holh zazan ci hi. Naamtawh aholh zawk ciang azi zongh alupna room sung panh taikeak in ahi leh, apasal zongh Inntung panh leangsuk pai ci hi.

Source From: the Star

Khaikam Pawlpi Atu Lungdamhpui-na

U S A ah a om Puno Lian Suan Khai S/o Pu Vum Cin Thang [yangon] in Khai Kam Siyin Baptist Church ii anei ngei ngawl lai ahi, Sound Box 2 le Amplifier a kithua One-set khat le Mic khat tawh Pendrive 2GB khat tawh hong lei sak hi.

(Hiteng lei natu sum Ks. 127,500/- Upa Hau Kip (Leipui) tung ah thak a, Asum thaak angaa uh December 23, 2010 ni ma in, Kawlpi pan in hi vanh teng lei pai uh hi.

Soundbox le Amplifier tawh Mic tawh lei zawk ciang a val lai teng tawh Pendrive khat leilai in, Pawlpi mi te in 24 Welcome Christmas nitak in thungetna tawh apna zangh paitu ci thu kizaa hi.

Report by: Sya Khaikhai(TSBC)

Numei Kithat Khat ZRA Te'n Athatte Mankik

Zongam saksang Lamka khuapi ah, December 13 in, Pasal neisa nupi kumh 40 tukhawng khat se apumnguak in, athisa aa kimu in, ZRA in tua tualthat te zongh man kik ci hi.

Lamka khua pan panh km 3 bangh aki khuala Yaiphakol khono khat hui ah hi in, thizawk ciang Phai(Imphal) ah kipuak in, akua ziam ci aa heak zawk ngawl ciang, Palik te in, December 18, 2010 (5:00PM) hun pawlin mei tawh haltum hi.

December 19, 2010 ni-in athisia kihe kik (identified) aa, Takvom khua ateang Pa Song Za Mang Guite ii a zi Nu Hatkholhing (Kum-56) ci hi.

Zomi ci akiheak ciang ZRA panh hi thu akat kik leh, akibuan(rape) ci in, kan aa abuan te zongh ZRA panh thukan pawl in december 11 nitak nai 2:00 pawl in Meitei te 3 man kik hi.
Amat uh mi 3 te se
(1) Ibochou (kum-20), son of Tiken Konthoujam- Thingkangphai a leader,
(2) Wangkhem Tomba (Kum-40), Son of Angou- Yaiphakol
(3) Inao Chinnganbam (Kum-30), son of Ch.Ibocha
ci hi.

From: Zogam.com

RFA Te ii Nipisim Laihawm

Newsletter 12-23-10

South Korea In North Korea Thato(Challenge) Ziam

South Korea ngam ah December 23 sun nai 2:43 (Korea hun) in, Korea ngam ii kipawlpui ngam pawlkhat tawh, ngalsim kisin-na (Military exercise) vawt hi.

Hi ngalsim- kisin na se, South Korea ngam atu in anasia bel hi ci'n China news sung ah ki at hi. Noth Korea te ngi hui vacin ah vawt phei aa, ngalkap 800 kihel ci hi.

Ngalvanleang F-15 leh, KF-16 fighter jet, Tanks K-1, AH-1s helicopters , K-9 self-propelled artillery, anti-tank missiles leh multiple rocket Launch systems tawh adang nam 105 apha thau kaa na te zangh ci hi.

Kumh 23 Lampai Theingawl Numei Khat Lampai Kik

Maangkang numei Delia Knox ci khat se 1987 kumh christmas ni in, apumzaw aa, lampai thei nawn ngawl khat se, Pathian in Pastor Nathan Morris aci khat ii lampui na tawh avawt Bay of the Holy Spirit Revival in Mobile, Alabama. panh damna pia ci hi.

Kumh 46 cing zo in Kumh 27 sung lampai thei ngawl aa, alamdang tatak in, Topa in thaa puukna zangh in, damthiangtho na pia ci hi. 1987 kumh christmas ni in, Canada ngam , Toronto biakinn panh acia na lampi ah mawtaw tuasiat huu in, apumpi lang zaw in, amak pa leh asuapui te khat se tawm tek liam in ama se tua hun panh kipanh akawng nuai sia zangh thei nawn ngawl aa, Leangtokhum tung babek to suak hi.

Thuhil Sya Nathan Morris in thu anget sak ciang Pathian in alamdang tatak naseam in, amase lampai thei suak ci hi. Alter call asap sung Pastor Nathan Morris ii thunget sak laitak damh khat sua in, ama zongh lamdang sa peuma hi.

Thunget sak laitak Thathiangtho in, ding in la lampai in ci ahikom damsuak ci hi. Ama ii damna nalamdang amu mipi tam tatak se, thitui luang in Topa tung ah lungdamh ko lialua ci hi. Hi nalamdang se youtube sung panh a en mi 200,000 valzo hi.

Iran Ngam Zinhling

Iran ngam ah December 20, 2010 nitak nai 10:35 pawl in, 6.5 zinhling ahikom mi 11 thilaw in, adang 45 liamlaw hi.

Nitak sang hi in, lupna tung ah alumh zo pawl zongh om aa, Inn 1,800 kisia aa, Khua 30 se, zinhliin na hang in, buailaw hi.

Zaaksak Kikna

Khuangai thu December 20, 2010 ni in, Limkhai Zongal ah om Pi Cing Khua Hau-Suante (93) se, khangham natna tawh, hong nusia ci in,, Malaysia Sizaang pawlpi MSCCF pastor pa tung ah thutatuam sung sua sak tu in hong kizasak hi.

Hi thu tawh kisai in, Pi Cing Khua Hau tupa Ngin Lamh Cin S/o Hum Pum tung tawn in aki zaa hi in, thutatuam panh thu akizaak bangh hong kisua sak hi. Pi Cing Khua Hau se tu dong ma damsinsen in, Limkhai Zongal ah om lai ci thu kizaa hi.

Tua ahikom, thu tatuam ii thu zaakkhial natung ah, nong telthiam tu in, akua mapo tung ah hesuak kong ngen uh hi.

Christmas Naizo "Silent Night " Tawh Kisai

Laa minthang "Silent Night " se Austria ngam RC father Joseph Mohr in lamal phuak aa, alaa-aw (melody) se Austrian saang syapi Franz Xaver Gruber in 1859 kumh lai 6/8 time tawh aphua hi. John Freeman Young in, hi la se Maangkam in phen kik aa tuni ciang dong kisaa hi.

Carol laa in December 24 , 1818 in Austria ngam ah kisa masa in, Father Joseph Mohr in, 1816 in a lamal aphua hi.

Laa-aw Atpa ii Lim leh, Ama ii Carol laa Autograph
Acing zaw in asim nuam te in tusia na click vun>>> Wikipedia Panh hi.

Tulsa FGA Te Crusade Vawtsawm

Full Gospal Assembly (Tulsa) in Dec 23-25,2010 sung nitak sim Pathiian thusonna Rev Dam Suan Mung (Sya Mungtawng) lampui na tawh nei sawm ci thu kizaa hi.

Abosa hun in Tulsa Select Hotel ah avawt ngei na munh ah vawtkik sawm hi. Thuson nate se Live Broadcast in FGATulsa UStream TV Pan hisawm ci hi.

Amunh
Open Bible Fellowship
1439 East 71st.Street
Tulsa, OK 74136

ReportSuumpy Jenks,OK

Mopoai Ah Mopa In Monu Leh Moliapa Thatlumh

Brazil ngam ah, December 18 in, Mopoai khat ah, Mopa in, Monu leh, Moliapa thautawh kap lumh in, ama leh ama zongh thau tawk kaplumh hi.

Mopa se Kumh 29 apha Rogerio Damascena, a sales manager in Camaragibe, outside the northeastern Brazilian city of Recife, hi in, hi mopoai mahiat in, khialna bangh ma om ngawl in kison hi.

Monu se kumh 25 apha Renata Alexandre Costa Coelho hi in, Modinpui pa se, Marcelo Guimaraes hi. December 20 ciang Palik te ii son dan hi leh, Mopa in ama se "mihing thupipa" ci'n akison zawk bek ciang hi athau dawkkeak in, that lumh ci hi.
Monu ii naunu in, " ka unu se apasal nei tu lungdam mama, lawp mama ve" ci in, son hi.

From: http://www.independent.co.uk/news/world/americas/groom-murders-bride-and-best-man-at-wedding-2165731.html
http://www.worthynews.com/redirect.php?url=http://feeds.abcnews.com/click.phdo?i=d60153b8cb00fbe3866f862757b85365
http://m.ctv.ca/world/20101220/brazil-wedding-murder-101220.html

Tongsan Laihawm 48

Tongsan-Lom5-Hawm 48

Columbia Tuikhanhuu Mi Million 200 Ngimhngaa

Tusungteng nguatui tam huu in, South America , Colmbia ngam se tui in khuum in, kumh 50 sung tuikhan anasia bel suak hi.

Columbia ngam ii Khawk 32 sung panh Khawk 28 se tui in khuum in, mihing million 200 se hi tuikhan huu in, ngimhngaa aa, inn tamtatak ma kisia aa, tui sung khuum hi. Mihing 260 luang kimu in, 75 se bo ci'n Columbia kumhpi sang panh thusua om ci'n Chinanews sung ah kisua hi.

Aungsan Tapa ii Inn

General Aungsan tapa Aungsan Oo in Bagan ah, a omna tu inn khat sa in, man dadek zo ci thu kizaa hi.

Aungsan Oo ii inn sak natu se, Kawl Kumhpi sang panh huuna pawlkhat ngaa in kison aa, bangzaa tatak huuna pia ziam kison ngawl hi.

Aungsan Oo se Aung San Suh Kyi ii ngamvai taw kisai na asep se, thukim pui ngawl bek dom ngawl in, A omna innvai tawh kisai sutnuam lalai ahikom, Kawl mipi te in, Aung San Oo se, mitdongkhol mama hi.

KNU Te Statement December 21

KNU Statement

Cinghsau Singapore Tung Lungdamh Kona

Tulaitak Singapore ngam om Suapui nu Cinghsau D./oPa Hau Cin le Nu Cingno in, thutatuam sim te atu report hong pia tawn tung Pastor Langh Go Laang(Mualpi Senior) se Digital camera Nikon-COOLPIX L.22, 12.0 Megapixels, 3.6X Zoom, AA-Size, Easy Auto Mode khat tel in hongpiak sak ahikom thutatuam sim te, thutatuam report hong pia te ih vekpi atu in, lungdam na thu ih ciamtee hi.

Kikhop Laitak Phalak Tawk

Malaysia Cameron HighLand Ah Bus Tuasia In Mi 27 Thi

Malaysia ngam Cameron Highland ah Thai ngam panh excursion aa hong pai Thai minam Khualzinte ii tona mawtaw(bus) khat se, December 20 in tuasia in mi 27 thilaw hi.

Bus se manlang tatak in hawl aa, ahatna keamcing kik zo nawn ngawl ahikom, amai ii taina thaa tawh ki lumliik in kison hi. Athi atam zaw se, Numei babek ci hi.

YSBC Lampui KItealna

YSBC ah 2011-2012 Pawlpi Upa (Deacon) tu kitealna, 19 Dec 2010 ni kinei a, a kiteal upa 25 teng le a panmun a nuai a bang ahi hi.

Chairman - Upa Maj Kam Cin Lian
Vice Chairman - Upa Dr. Thang Za Lian
Secretary - Upa Dr. En Cin Pau
Jt. Secretary - Upa Mang Khan Pum
Treasurer 1 - Upa Son Khup
Treasurer 2 - Upa Capt. Khai Nang
E&M Co-ordinator - Upa A. Zam Cin Pau
MF Co-ordinator - Upa Ngp Tual Lian
WF Co-ordinator - Upa Sm Ciang Khai
YF Co-ordinator - Upa Do Khan Sing
CE Co-ordinator - Upa Tun Khua Mang
Auditor - Upa Mang Pau

Upa Biak Sang
Upa Cin Khua Kam
Upa Dennis Taw Zin Naing
Upa Dongh Pum
Upa Hau Cin Dal
Upa Capt. Khai Lian Cin Thang
Upa Khup Lamh Cin
Upa Lian Kop Cin
Upa Pome Ko Khai
Upa Pum Sial Pau
Upa Thang Cin Tual
Upa Thian Khan Dal
Upa Vum Thian Mang

Reserves:
Nu Ciang Lamh Cing
Nu Dim Pau
Dr. F. Vai Pau
Kam Do Dal
Nu Niang Za Hau

Pawlpi upa kiteal tu sung ah numei 5 kihel a, khat ahi Sm Ciang Khai in upa 25 sung bek hi ngawlin EC 12 sung dongin mee nga to hi.

Special Thanks Rev Vum(YSBC)

UNHCR SPF Panh SOM Hongvil

UNHCR ii Social Protection Fund panh officer Isaac se tusia panh sawlna tawh, Siyin Organization of Malaysia(SOM) ah December 20 in hong vil hi.

UNHCR ii SPF unit panh huuna hong piak sa te vaitaw kisai in, receipt theampo, SOM computer sin te tawh kisai leh Patangte laihilna vai tawh kisai in, khanto zia, kiam suk zia leh computer sin sa teng ii haksatna tatuam te athu cing tatak in dongh siat tiuteu hi.

Z I M Aw Nging ( Malaysia )

ZIM Awging 36

UNHCR Panh Kikan

UNHCR pan ii IOM , medical checkup vawt na panh anuai aa, pa ki kakan in, kikan zo ngawl hi. ahe ih om thaa leh aman lang in UNHCR in ama te tung ah katkik tu in, zasak hi.

Min: Pau Lian Thang
UNHCR Ref.: 354-07C06496
Phone lui: 014-643 3650

Europe Ngam Khuahun Minus 25 Theng

Tusung-teng Europe ngam teng ah, Vuk huiham nasia mama in, mawtaw pailai zang, Traffic te nawng kaisak in Vanleang te khualhaw na vai tam tatak nawngkai sak tuam hi.

Italy ngam bangh se, Vuk in khuh cip in, China news sung ah kison in, Vuktaak nasia in, leipanh in asanna 25 cm saangto liang in, khuahun votzia degrees Celsius - 15 theng in kison hi.

1910 kumh zawk ciang khuahun votbel hong suak ci hi. Hi Vuktaak nasiat hang in, mi tam mama Christmas sung khualhaw na Inlamcia na nawngkai sak mama ci hi.

Tg Zam Tual In USA Panh B.Sc Degree Ngaa

Dear all

Tg Zam Tual (s/o Pa Ngo Cin Thawng and Nu Kok ) in Dec 19 ni in Maryland University pan B.Sc degree hong ngah thei a lungdam na lian mamah hi .

Big Congratulation

Itt Cin Do Thawng

Uapsan Kithakna