SCC Megazine Atu Nongtenpui Ngawl Tuh Po

Maj.Tuang Za KhaiThu Tatuam News
Hongthak Sya Nangkhai Tung Ah Lungdamh Thu Ih Ciamtee Hi.

Thu Tatuam Laihawm Angaa Nuamte

Thu Tatuam panh nisim hong kisua sak news angaa nuamte in facebook tung pan bek hong kithak in, angaa nuamte in, facebook account nei kul hi.

Tua ahikom account (facebook) neite in, tuangpu@gmail.com ah zasak po le teh hong ki forward tawntung tu hi. Ih zomi pau taw mailing group tatuam om in kicing zo aa, kisamh kisa nawn ngawl in, yahoogroup le google group se vawt kisawm ngawl hi. Tua ahikodam facebook group bekma taw email sung direct adei pai te in facebook account nei kul hi.

Lungdam

Thuklai Hydro Atu Sum Ngaana

(1) Sma Ciang Za Dim te unau (Aus) pan Ks-200,000/-

(2) Dr Huat Za Mang & Family (US) pan Ks-803,000/- (USD-1000)

(3) Kam Za Pau (Aus) Ks-129,000/-($ 150 )

(4) Kam Cin Tual (Aus) Ks-129,000/- ($ 150 )

(5) Pau Lamh Cin (Aus) Ks-215,000/- ($250 )

(6) Thawng Mang (Aus) Ks-258,000/- ($300)

(7) Dim Saan Cing (Aus) Ks-258,000/-($300)

(8) Dim Huai Cing (Aus) Ks-258,000/-($300)

(9) Man Suan Huai (Aus) Ks-258,000/- ($300)

(10) Hau Khan Huai (Aus) Ks-430,000/-($500)

(11) En Za Pum (Aus) Ks-430,000/-($500)

(12) Zam Man Huai (Aus) Ks-250,000/-($300)

Tuteng ci phot tawng, Topa thu pha,

Hong phawk,

(Suakzanang-Secretary)

Siyin Hydro Uplift Committee luang

P.S

Maisang ah Committee min sia Siyin Region Hydro-Electric Project Implementing Committee ( S.R.H.P.I.C) ci-in ki zangh zaw tu hi.

News In Picture Sizaang Ngam Panh Limte

Rev. Nang Khai (SRBA) ih lungdamh thu ih ciamte hi.

Ngamngi Sangthu Etkakna

India ngam, ngii-cing Border Security Force te in, 2011 July, tha sung, Kawlngam leh India ngii zul ah, Meitei thautoai te 73 man in, 12 that lumh aa, India ngalkap, Manipur ngalkap te 12 in anuntak suplaw hi.
Meitei thautoai kipawlna sung ah Prepak, UNLF le RPF te hi in, kiciamtee hi. Kawl kumhpi in, hi hiamtoai kipawlna India kumhpi langpan te Tonzaang leh, Cikha khawk sung ah tual tasak ahikom,India kumhpi lungkim ngawl hi.

India kumhpi in, Kawl kumhpi langpan saang patang kipawlna te, ngambeal kipawlna te huuna apiak teng atawlngah ciang Kawl kumhpi in zongh Meitei te ahuuna tawl ngah sawm dan in, kimu hi.

Bangbangh ahi zong, India sung teang Kawl kumhpi langpan te anan natu in, Kawl kumhpi in, Meitei te ngii cing ui khawi in khawi ahikom mailam sang ah, Kawl kumhpi-India Kumhpi-Meitei Hiamtoai te thu se ol vazeang tat thei ngawl in, Zomi te zongh hong nawkkha nanaak tu hun se hong nai mama zo aa kimu hi.

2008 In, Kawl kumhpi in ngetna tawh, CNF te main camp Saiha nisua nang sang panh aphiat sak tu kawl kumhpi ii ngetna tawh, India kumhpi in, Mizongam thunei te sawl aa, Mizo CID te in, CNF lampuite thu zasak khol ahikom CNF te in, camp mealpua tu khat amanlaang in saa aa, India Airforce te in, vawttawm camp khat sim sak ngei hi. CNF lampui te in, Zomi ci min se pom thei ngawl ahikom, tua zawk ahai ngawl in, amate main camp akisiat ngawl hun lam ahe India centreal kumhpi deina zui in, Mizo (Zo crazy pawl) thunei te in phiat mai sak laleau hi.

Thu Tatuam

Ngamngi Sangthu Etkakna

India ngam, ngii-cing Border Security Force te in, 2011 July, tha sung, Kawlngam leh India ngii zul ah, Meitei thautoai te 73 man in, 12 that lumh aa, India ngalkap, Manipur ngalkap te 12 in anuntak suplaw hi.
Meitei thautoai kipawlna sung ah Prepak, UNLF le RPF te hi in, kiciamtee hi. Kawl kumhpi in, hi hiamtoai kipawlna India kumhpi langpan te Tonzaang leh, Cikha khawk sung ah tual tasak ahikom,India kumhpi lungkim ngawl hi.

India kumhpi in, Kawl kumhpi langpan saang patang kipawlna te, ngambeal kipawlna te huuna apiak teng atawlngah ciang Kawl kumhpi in zongh Meitei te ahuuna tawl ngah sawm dan in, kimu hi.

Bangbangh ahi zong, India sung teang Kawl kumhpi langpan te anan natu in, Kawl kumhpi in, Meitei te ngii cing ui khawi in khawi ahikom mailam sang ah, Kawl kumhpi-India Kumhpi-Meitei Hiamtoai te thu se ol vazeang tat thei ngawl in, Zomi te zongh hong nawkkha nanaak tu hun se hong nai mama zo aa kimu hi.

2008 In, Kawl kumhpi in ngetna tawh, CNF te main camp Saiha nisua nang sang panh aphiat sak tu kawl kumhpi ii ngetna tawh, India kumhpi in, Mizongam thunei te sawl aa, Mizo CID te in, CNF lampuite thu zasak khol ahikom CNF te in, camp mealpua tu khat amanlaang in saa aa, India Airforce te in, vawttawm camp khat sim sak ngei hi. CNF lampui te in, Zomi ci min se pom thei ngawl ahikom, tua zawk ahai ngawl in, amate main camp akisiat ngawl hun lam ahe India centreal kumhpi deina zui in, Mizo (Zo crazy pawl) thunei te in phiat mai sak laleau hi.

Thu Tatuam

Nagate Kilem Zo, Zomite Banghunciang Kilemtuh

India leh, Kawlngam ngii ah om Naga minam kampau kibang ngawlte kilaklaw ah, Tualngal achip natu in, Forum for Naga Reconciliation (FNR) te ii lampui na tawh, July 26-28 sung Nagaland Dimapur khuapi ah vawt hi.

FNR in, Naga mi akici theampo sam in, mailam sang ah, Tapidaw hi na leh, laizomh suapui khat hi na tawh mailam sang ah phuu kilaak ngawl natu Nam lampui te tung ah ngetna nei aa, Nam lampui teng zongh thukim na letmatthoe ci hi. Hi kimukhopna ah, Naga National Council (NNC), NNC-Federal Government of Nagaland, leh Hiamtoai kipawlna ahi NSCN (IM) leh NSCN (K) zong kihel hi.

Thu Tatuam
Source Ref: Arunachal News, Dimapur Post, Morung express

SBCM TE TUI-AWNA SUNG PANH AHOIBEL PHOTO TENG

YCBC-YF Bawlung Kidemna

Yangon Chin Baptist Churches Youuth Fellowship (YCBC-YF) te ii bawlung kidemna se hongpai tu nilaini August 3, 2011 ciang Yangon Insein, Khawaichan ah anuai ateng in kidemna nei sawm cithu ki zaa hi.

FBCY Vs LBC te a thumna kituu tu aa,
TBC Vs CBC te akhatna kituu tu hi.

thutatuam

Limkhai Mincipna Puakik Laitak

Limkhai Bungh khua ii Tuimei laakna Lampi tung ah, July 8, 2011 zing nai 8:00 pawl in mincimh in, Phai khua om sya Nangkalok hi mincip nataw kisai in pua kik natu vai honghawm hi.

Mincipna sia se, Thuanglui leh Limkhai Bungh kilaklaw hi in, apua kik natu vai akikat ciang, kawlsum 550,000/- kyats bo tu ahikom Sya Nangkalok in avekpi sisiat in, pua kik aa man dadek zo hi. Sya Nangkalok in puakik na aboza sum se, ngamsung ngampua panh akidon kik laitak ahikom akua mapo in hanciam pui tek tawng.

Thu Tatuam

Topa Taw Maangkhawm

Kawlpi panh Thuklai ah July 30 nitak sang, vanh pua in aciato Lophei Pu Lian Za Cin tapa Ngo Lian Khup ii mawtaw se, Taikua saksang tai 1 na khawng panh suakkhial in, lamthang ah taak in, mawtaw hawlpa Pa Lian Za Pum 58 in thilaw in, adang 5 liamlaw hi.

Mawtaw tung ah mi 15 to in, kison aa, lam kiingkawi na munh khat panh mawtaw engine sung kisiat na khat nei in, lamthang pial suk aa, lamthang atak zawk mawtaw hawlpa Pa Lian Za Pum se khuaphawk ngawl ahikom, Kawlpi zato ah apuak hang in, azunhbuu tamh in, dam zo ngawl aa, nitak nai 8:00 pawl in hong nusia hi. Aliam dangteng ii liamma se anasia in kison ngawl hi.

Aluanghawm se July 31 zingsang in, Kawlpi zato panh kilaa aa, nitak nai 3:30 in, Thuklai khua kithenh aa, August 1, 2011 ciang Thuklai thaan ah hui tu hi.

Thu Tatuam

Australia Theng Peuma Malaysia Puakkik Tuh

Australia ngam ah, Afghanistan, Iraq le Iran panh apeam sawm mi 47 se, Australia ngam thu nei te in, Malaysia ngam ah puak kik tu ci hi. Mai lamsang zongh tubangh ma kipuak lai tu hi.

Christmas tuikulh ah tua miteng ii cidam zia ki en in, detention center sung ah om sak in, palikte in nasia tak in, kicing sak in athet zawk nai 72 sung Malaysia ngam ah puak kik hamtang tu hi.

Malaysia ngam ah akipuak kik tua mi teng se, ngambeal in, kisaang ngawl ahi hang, amate ii taangthu etkak na sia nei pui hamtang tu in kison hi.

Hi Christmas tuikul panh ngambeal taw kisai thukun thak vaihawm sawm lai hi.

Source AP

Malaysia Panh ACR Laihawm

Thu Tatuam News

Kawl Tadensa Panh Kawlpi Thu

Malaysia ACR Laihawm

ACR News: July 31, 2011

Malaysia Om Computer Leinuamte

Malaysia ngam om in, computer leinuam Zomi suapui akua mapo in, computer ih leinuam leh aphatak ma kanphot zawk ciang lei leang hoi bel tu hi.

Kuala Lumpur khuapi sung, computer babek kizuakna Lawyat Palaza ah zongh, eimi naseam hon khat zongh ki om zo ahikom, ih lei leh, amate tung ah huu nget masak tuh thupi hi.

Lawyat palaza panh computer (Laptop) ih lei leh, computer taw akikop in vanh naneng (computer accessories) se nam 8 pha hamtang hi. (Thung, USB cable 1, Mouse Pad, Pangka 1, head phone 1, Keyboard pad, cleaner 1, tawbu 1, ) ci bangh teng kingaa hamtang hi.

Lawyat palaza panh naseam te in, hong piak tuteng hong pia ngawl in, adang teng se, leilot thu taw hong piak thong dan in theam thei lai hi. Memory Stick khawng zongh se, computer nam zui in hong piak tu list sung kihel lai hi.

Mumung akici pa in, Computer nidang lai second hand akipua kik 300 RM manh khat se 2,400 RM taw theam thuak ngei ahikom, Computer aleinuam Zomi suapui akua mapo in, ih heak ngawl nate ahe te tung ah hoitak in, kancian zawk ciang leipheang tu hoi hi.

thu tatuam

Ngamngii Daikai Tu Vai Mizongam Ministerpa Lung Kim Ngawl

India le Kawlngam ngii ah, India Central kumhpi le Kawl Naypyidaw kumhpi in, ngamngii dai ( Border Fence) kai sawm ahikom, Mizongam chief minister Pu Lal Thanhawla in, July 25, 2011 in, hi bang in ngii avawt ngawl natu khaam ci hi.

Hi bang in , ngii vawt leh, Zo (Mizo-Chin) pumkhat suana hong bo va-ial tu hi, Nisua na sang(Kawlpi omte sonna) Mizo te Mizote ii bulpi in hi aa, Tahan (Kawlpi) khua se Mizo te ii khualui hi in, Mizote ii pianna khua khat in, Aizawl newspaper sung son hi.

Khat vei ciang, Zo suan teng se pumkhat in hong suak kik tu in Ministerpa in son aa, Leitung ngam tatuam Zomi kipawlna te non-governmental organizations of Mizoram , Mizo Zirlaipawl (MZP) (student association) and Zo Re-unification Organization (ZORO) in, Ministerpa ii thuson se, sang khu hi ci'n thusuak ngeingai pai hi.

India le Kawlngam ngii se 1,643-kiolmetre sau aa, 2009 July tha in, Thanshwe India ngam ahaw lai in, ngam 2 thukimna aneisa ci hi. Tonzaang ngam ngii ah, AD 2000 kumh khawng in, ZRA te in, ngam ngii khuam tam tatak bomb leh, thau tawh kap in siasak ngawp aa, ngam 2 te in, 2005, 2008 ciang in ngamngii zul en kik hi.

Thu Tatuam
(Ref: Khonumthung, Zogam)

UNHCR In Kidop Tektu In Hong Zasak

Malaysia Kumpi in Malay ngam ah ngamdang mi naseam teng avekpi in, khutzung meak in, nasep permit piakkik nataw kisai in, UNHCR in, tuni Phone le Email taw Sizaang zumh upate tung ah hong zasak hi.

Malaysia ngam permit piakkik nataw kisai in, Agent pawlkhat le company boss pawlkhat in UN register ngaa sate zongh amate phattuam natu ngaisut nataw 6P programmed (Khutzung meak sakna) sung ah zol in, Khutzung meaksak ahikom, UNHCR in, tua khutzung meak te peuma UNHCR taw akisai nawn ngawl natu nasia tatak hanthot nahong nei hi.

Agent khat papo in, Min, UN register nambat, Omna (Ih Personal Data) khat papo hong ngen zazen leh zongh piak vet ngawl tu in hong khaam ahi kom Malaysia om Zomi suapui akua mapo in kidawm tek tawng.

Thu Tatuam

Pa Thian Piang Nusiat Hang In Topuina

Tulaitak Khuasak khua om, Pa Thian Piang 58 w/o Nu Neam Ngo in, July 27 2011 nitak nai 10:00 pawl in, TB natna taw a it suapui mealheak te hong nusia hi. July 29, 2011 ciang, Khuasak ah huina nei tu cithu kizaa hi.

Atanu Thang Khan Dim le Ciang Pum Cing te Malaysia ngam om in, MSCCF pawlpi in topuina July 29, 2011 nitak nai 3:00 pawl in kinei hi.

Malaysia Ah Refugee Saangte Ongletmat Kipia

Malaysia ngam United Nation Khutnuai UNHCR le Hartford academy saang te ii vaihawm na tawh, July 29, 2011 zing nai 10: 12:00 dong Refugee saang patang te certificate piakna nei hi.

Refugee saang ciciang Malaysia ngam ah om minam/ kampau bulphu refugee community 60 val te panh pilna sinnuam saang patang te se, UNHCR le Hartford academy te in, huuna computer te pia in, saang hong sak aa, tua computer saangte panh aa saang patangte Hartford academy in, qualification etna in laihuan sak hi.

Saang 60 val panh saang patang 229 in ong aa, Information Technology subject panh a ong 57 pha aa, adang te se computer basic Microsoft Word, Excel, Power Point le Publisher a ong te ci hi.

Sizaang kipawlna SOM saang panh saang patang 5 in huan aa, 4 in ong ahi kom lungdamh huai hi. Aong teng se, Limkhai pan Rev Philip Khai tapate 2 Micheal, Gabriel, le Pa Ngo Tualpau tapa Lianpu. Hiangzing pan Pa Tual Cin Khai tapa Mangtoih te hi.

2010 kumh cilsawng panh akipanh hi programmed tung tawn in aong te batch sung panh tutung ate 229 pha ahikom tam bel in kison hi.

July 28 Kawl Kumhpi Laihawm

Thu Tatuam News

Thuklai Zato Kipuakik Nuam

Dear all

Thuklai Zato ki puapha kik nuamta nah huu hong ngen nah kakhat a piak sang akician vet pia zoleng khuamin tawh bang pia thei leng ci ngaisutna hi.Piakzaw tu a nei tenah Pa Bawk Suangh Za lian Mun ah ngawmtua thei leng pha tu hi.
Pa Bawk sia tu laitak pawlpi a tu sumkeam le khuasang inn atu zong sumkeam ma hi hi ta nah tawm tek ngawm tua leng a khua min tawh akician khat pia thei leng ci ngaisut khu hi. Noma nai na tek ah na ki son sawn un maw.

Lametna lian pi tawh,

Esther
Siyin

Thu Tatuam News

Topa Taw Maangkhawm

Tulaitak Khuasak khua om, Pa Thian Piang 58 w/o Nu Neam Ngo in, July 27 2011 nitak nai 10:00 pawl in, TB natna taw a it suapui mealheak te hong nusia hi. July 29, 2011 ciang, Khuasak ah huina nei tu cithu kizaa hi.

Thang Khan Dim le Ciang Pum Cing te Malaysia ngam om hi.

MRTV Kumh 7 Cinh Poai Vawtsawm

MRTV in Kumh 7 cinh poai ci'n Yangon National Theatre ah, U Cintawng (Cin Khan Pum) te Plus 3 music band tawh July 29, 2011 nitak nai 6:00 pawl in, concert khat Yangon ah kivawt sawm hi.

Hi poai ah, Khing Htoo, Song Oo Hlaing, Myo Kyaut Myaing, Si Tu Lwin, Moe Moe, Phyu Phyu Kyaw Thein & Chan Chan te kihel tu aa, Ama te poai atu in, Lasinna zongh Khin Sabea Oo Music recording ah vawt ci thu U Cintawng tung tawn in kizaa hi.

Thu Tatuam

Ethiopia, Kenya Le Somalia Ah Kialpi Tung

Somalia, Kenya le Ethiopia ngam ah kialpi tung aa, mi tam tatak in, ngimh ngaa hi. Hi anuai aa photo se, Dr. Mihag Gedi Farah in, July 26 Kenya ngam Dadaab panh patang tha 7 apha khat azai photo hi in, 7.5lbs (3.4kg) pha ci hi. UN te thuthiam na tawh Refugee camp kivawt sak in, mihing tulsawm simh tu khawng, Kenya le Ethiopia ngamngi ah keam phot ci hi.

Mi million 11 se hi kialpi hang in ngimhngaa ci hi.

Source AP

Somalia, Kenya Le Ethiopia Ah Kialpi Tung

Visit msnbc.com for breaking news, world news, and news about the economy

Shillong Sizaang Saang Patangte Picnic

India om Sizaang suapui (Vaiphei Kampau) Shillong om 2011 Fresher Tour ci'n, July 31, 2011 ciang, meghalaya huam Shillong khua taw akinaina cherrapunji akici tuiteau tuak (Water Fall) ah picnic paisawm hi.

Shillong ah Vaiphei kam pau Sizaang mi Saang patang 300 bangh pha tu in kison aa, Tua sung panh BA, B.Sc, tam zaw aa, Master level akaa zongh 30 tukhawng om ci hi.

Thu Tatuam

Malaysia Ah Zomi Khat Thi In, Apu In Hui Paih

Malaysia ngam, Salangor State Cheras Mualtung ah, mawtaw hawl in, akuan zomi khat se, athet zawk azing ciang in suakkhial in, Apu in hui paih cithu kizaa hi.

2011 July tha nipi masa sung Cheras Mualtung Mr. Apeng (Zomi Mawtaw hawlte in, Penglam ci'n sam) ah mawtaw hawl tu in akuan, Mualpi khuami Pasal khat se, Nitak sang khat zan thet in, azingsang ciang, Amawtaw hawl tusia tawh, Mualnuai atuakna panh suakkhial in, thi pai ci hi.

Apu Penglam in, amealheak te akat hang kikan thei ngawl ahikom, athi zawk nipi khat zawk ciang, meisung hal zeau ci thu kizaa ahikom, thu tatuam tua thu taw kisai Apeng phone taw apau pui hang, lem thei ngawl lai hi.

Ama se Mualpi khuami kici in, Theizaang Mualpi ziam? Tonzaang Mualpi ziam? kihe ngawl lai hi, Azi se Teizaang Kampau khat in kison aa, Ama ii nasepna site sung ah a nasep pui tu te se, Zomi hi ngawl in, kison hi.

Mai nipi sung athu cing in, hong kisua sak lai tu hi.

Thu Tatuam

Nau Nei Lungdamh Puina

Australia ngam om Sya Hang Za Pome tapa ahi Tulaitak Malaysia ngam om Pa Cin Mun Mang & Nu Neam Khan Uap te nupa in, Topa ii tel piak ahi nau tanu khat July 25 (Nipi Khuavak) nitak nai 3:30 pawl in, nei hi.

Anau zongh anu zongh dam in, July 26 in anuta in, Zato panh tuak hi. Api Rita Ciang Khua Neam w/o Hang Za Pome zongh tulai tak Malaysia ngam ah hong haw laitak taw kisi hi.

July 27, Kawl Kyaymong Tadinsar

Thu Tatuam News (27.7.11)

Malaysia Ah Zomi Khat Thi In, Apu In Hui Paih

Malaysia ngam, Salangor State Cheras Mualtung ah, mawtaw hawl in, akuan zomi khat se, athet zawk azing ciang in suakkhial in, Apu in hui paih cithu kizaa hi.

2011 July tha nipi masa sung Cheras Mualtung Mr. Apeng (Zomi Mawtaw hawlte in, Penglam ci'n sam) ah mawtaw hawl tu in akuan, Mualpi khuami Pasal khat se, Nitak sang khat zan thet in, azingsang ciang, Amawtaw hawl tusia tawh, Mualnuai atuakna panh suakkhial in, thi pai ci hi.

Apu Penglam in, amealheak te akat hang kikan thei ngawl ahikom, athi zawk nipi khat zawk ciang, meisung hal zeau ci thu kizaa ahikom, thu tatuam tua thu taw kisai Apeng phone taw apau pui hang, lem thei ngawl lai hi.

Mai nipi sung athu cing in, hong kisua sak lai tu hi.

Thu Tatuam

Yangon Ah Chin Baptist Churches Teng Bawlung Kidem

Yangon Chin Baptist pawlpi 16 teng in, July 19, 2011 pan kipanh bawlung sui kidemna nei in, July 29 ciang, simi final asui tu hi zo ci hi.
Simi final asuitu teng se
* LBC Vs TBC
* FBC Vs CBC
Ani: 29.07.2011 (Nipizawk Ningani)
Ahun: Sun 2:00
Amun: Mingaladon

Thu Tatuam

Deisak Leihlam Thatlumh Liang

India ngam, Manipur, Lamka khua ah, Nung nipi ni July 24, 2011 nitak nai 5:00 pawl in, Zatui zangh te kepna Inn (Rehabilitation Center) atai sawm khat se mipi in, man in, vel ahi kom thilaw ci hi.

Ataisawm pa se T. Gobiakthuam 27 s/o (L)Khamkhankap, Ngo Cin Khup Veang, New Lamka, Churachanpur teang hi in, akikepna inn Bethesda panh pusuak sawm in tai aa, anung panh mipi in ahon in delh aa, vel ngawp in, vellumh ci hi.

Ref : Lamka Times & Zogam.com (The Sangai Express)

Kawl Kumhpi Avawt Kawl News JUly 26

Thu Tatuam News (July 26,2011)

Ni Kong Hong Laihawm

Thu Tatuam News (July 26,2011)


From: PSBC groups Mail

Blogger Pawlkhat Tung Ah Hesuak Ngetna

Dear Blogger Pawlkhat le Tedim Vangkhua Blog

Zomi kam tatuam taw ih post tek se lungdamh huai peuma hi, thu tatuam source pawlkhat se, kua mama tung panh source en-kak in, aki - at hi vet ngawl hi, reporter te zongh ama te kom laak na tatuam panh hong thak hi. Reporter te nop tuam zongh aki pia va cin zo zongh hi ngawl in, Ama te ii hong puak news te amate min ma at tu in, pha kasa uh hi.

Source atam zaw se, mun dang panh kilaa hi taleh, a kilak na source te ii min vo reference in ki-at hamtang hi.

Mai lamsang ah a source te ih mak ngil ngawl natu leh, thu tatuam panh aki-at reporter te ii min te nong mangil ngawl natu kong ngen uh hi. Aki at ba leh, zong thutatuam ma hong at sak tan ci'n hesuak kong ngen hi

thu tatuam

Ngambeal Card Toai Sate Zongh Khutzung Meaksak Tha Tuh

Malaysia ngam ah, UNHCR card toai te zongh, khutzung teng meak sak kik tu ci'n UNHCR officer khat tung panh thutatuam in, July 25, 2011 in thu kingaa hi.

Bang hun ciang meaksak tu cisia ki-he ngawl lai in, August tha sung peuma UNHCR panh ngambeal card toai teng zongh, Malaysia ngam sung workpermit taw a om te taw akibang in, khut zung hong meak sak nanaak tu ci'n UNHCR lampui te leh, Malaysia kumhpi te thusonna kinei zo ci hi.

UNHCR in, malaysia ngam om minam tatuam community lampuite July 22, 2011 in, 6P programmee taw kisai in, meeting sam hi ka leh, tuani ma in, Malaysia thunei te sang panh UNHCR officerte meeting sam in, tua thu taw kisai kikumh ci hi.

Malaysia ngam ah, Ngambeal aseau 93,000 sung ah Kawlngam panh 75 % bangh hi tu aa, tua sung panh Zomte se 65 % hi nanaak tu kimuang maw ci'n UNHCR ah naseam Siyin Organization of Malaysia lampui lui khat in son hi.

thutatuam

Lungdamhko Ankuang

Malaysia ngam Kuantan panh July 20 in tuitaa in hong nusia Pa Kim Khua Hau hong nusiat na tung tawn in, Thihui natu vai hong sai pui, ACR Lampuite leh, SOM lampui te tung ah, lungdamhko ankuang uumkhopna se, Pa Kim Khua Hau ii suapuipa KL, Maluri ah om Pa Lamhnang inn ah July 25 nitak nai 6:00 in nei hi.

ACR panh Chairman, Simon, Coordinator, James Thang Deih, Information Zoii, One Stop Trainning lampui Thang Thuah Kim leh, Midical In-charge Steven Naing Swe te hong pai thei hi.

Australia, Malaysia le Refugeete Vai

Australia ngam ah ngambeal aseau sawm athengsa mi 800 se Malaysia ngam puak in, Malaysia ngam panh mi 4,000 se, Australia ngam ah puak kik tu vai taw kisai in, Australia le Malaysia ngam lampuite in, July 25, 2011 (Nipi Khuavakni) in, Malaysia ngam Kuala Lumpur khuapi Hotel khat ah, thukimna Letmat-thoe ci hi.

Malaysia ngam in, ngambeal taw kisai in, UN ah, meeting khat papo ah letmat thoe na nei ngawl ahi ta zong, hi ngam 2 in, hi bangh avaihawm se, Human Right taw kisai naseam pawlte in, phunsan aa, Malaysia ngam ah mi 93,000 se ngambeal aa a om hun lam he ngawl uh ziam ci'n nawnsan thu son hi.

Tu nipi sung Australia ngam panh Malay ngam ah puak kik tu ahi kom, hi meeting neina Hotel puasang ah, mi 15 se signboard toai in asignboard toai na tung ah " Ausralia Minister Gillard le Immegration officer Bowen awng, no ma zongh refugee te ii a om tu ahoi ngawl bel na ngam Malaysia ah hong pai vet ka ven" ci in au kheu kho hi.

Malaysia ngam ah akipuak tu tu mi 8,00 te se, nipi 6 sung camp khat sung ah koi phot tu aa, tua zawk ciang, KL sung khawng ah vaksak pheang tu ci hi.

Australia ngam ah 2010 sung ngunkuang taw atum-kuu mi 6,200 tum zo aa, hi bang in, ngun-kuang taw atum te tutum sak leh, Australia ngam se ngunkuang taw atum theampo kingaa ci'n akua mapo in ngaisun tu ahikom tua adei ngawl na in, Mi 800 se Australia ngam panh Malaysia ngam ah puaksak kik aa, ngambeal te tung ah khualna alakna in, mi 4,000 se saang kik hi tu in, thutatuam panh kimuang maw hi.

Thado Ngam Ngetna

India Manipur ngam ii sungteang suapui zomi Thado kampau (Amate na hi leh Zomi dei ngawl in Kuki kici) Kuki te in, India Central Government thunei te tung ah, Kuki Land hong vaihawm sak tu vun ci'n nget na lai pia in kiphin na vawt ci hi.

India kumhpi ii chepte nasung ah, Manipur sung om, Thado, Vaiphei, Paite, Tedim Chin, Hmar, Gangte, Simte, Zou (Zo kampaute) teng theampo se, Kuki ci'n ciamte aa, Ahi hang, Kuki ci kammal se, Thado kampau suapui te uang zak zaw hi.

July 21 nitak nai 6:00 - July 22 sun nai 12:00 dong nai 18 sung, Manipur (Kuki Land Akicina teng) sung ah, Mawtaw , leang banghma tai sak ngawl in, Sumzonna sumbuk theampo khaak siat hi.

Hi Kuki Land atu in, Kuki Land Committee om aa, India cetreal Government te taw mailam sang ah kalsuan sawm lai ci hi.

Hi vai taw kisai in, Thado thau toai, KNF(MC)(P), ZRO, UPF ci te pawl in, panhpui na pia ci thu New Lamka Dorcas veang teang, Mr. Pau akici pa in, thutatuam ah phone taw hong zasak hi.

July 25 Kawl Kumhpi Laihawm

Thu Tatuam News (25.7.11)

Malaysia ACR Laihawm

Thu Tatuam News (24.7.11)

Dollar 101,000 Taw Tawmvei Suakta

Iran ngam ah, tapidaw thuhilsya pastor khat se, Tapidaw upna hang in, kiman aa, tawmvei asuak taak natu in, US 101,000 (Tengkhat Val) tukhawng se Iran sum in leau sak ci hi.

Pastor Masoud Delijani hi in, JUly 9 in suaktak aa, asuaktaak zawk ciang asuam se leau sak in, July 22,ciang man kik laleau ci hi.

Ama se Iranian thukan te pawl in alawmte 9 tawh man hi.

worthy news

Pumkhat Suana Mopoai

Tulaitak Malaysia ngam om Limkhai Khua
Pa Cin Za Hang le Nu Thian Khan Cingte ii tapa
Cin Thian Kam le
Buanman khua pa Hung Za Pau le Nu Neam Dim Pau te ii tanu
Lia Lian San Huai
te ii tanu te pumkhat suana mopoai se
Malaysia ngam KL, Cheras Pandan Jaya ah,
July 24, 2011 nitak
nai 4:00 pawl in vawtsawm hi.

Pastor Cing Dim Huai Dam Kik

Malaysia Sizaang Pawlpi (MSCCF-Malaysia Siyin Chin Christian Fellowship) ii assistant pastor Cing Dim Huai D/o Thang Kaang Thawng (Lophei) se, ngawng ah sameang khat om in, zoto ah, ki-aat hi.
Ama se Kawlngam panhpek alongtawl ah, sameang khat om in, ki-at sawm hi kaleh, Malaysia hong thet zawk dong ki-bawlna nei ngawl ahikom, SOM panh UNHCR ah lai ki-at sak in, Zatote leh UNHCR te thuthiam natawh, zato ah ki-at thei hi.
UNHCR panh ngambeal cheptena lai zongh pia aa, ahai ngawl in, UNHCR card zongh ngaa tu hi.

Pastor Cing Dim Huai Dam Kik

Malaysia Sizaang Pawlpi (MSCCF-Malaysia Siyin Chin Christian Fellowship) ii assistant pastor Cing Dim Huai D/o Thang Kaang Thawng (Lophei) se, ngawng ah sameang khat om in, zoto ah, ki-aat hi.
Ama se Kawlngam panhpek alongtawl ah, sameang khat om in, ki-at sawm hi kaleh, Malaysia hong thet zawk dong ki-bawlna nei ngawl ahikom, SOM panh UNHCR ah lai ki-at sak in, Zatote leh UNHCR te thuthiam natawh, zato ah ki-at thei hi.
UNHCR panh ngambeal cheptena lai zongh pia aa, ahai ngawl in, UNHCR card zongh ngaa tu hi.

Norway Ngam Ah Khangno 80 Thalup Thuak

Norway ngam Oslo ngamsung ah Labor Party panh khongnote picnic pai honpi te se, July 22, 2011 in, palik puansil pasal khat in, thautawh kaapzial ahikom Picnic pai khangno 80 tukhawng thilaw hi.

Palik puansil tualthat pa in, thautawh baan kaa ahikom khangno te zongh taai theethaang aa, atai nasasan, tuisung ah a opte tuisung ah kaaplumh in, akibute akibuh nana ah kaaplumh ci hi.

Haupu Nusiatna Photo

Tulaitak Malaysia ngam om Pa Kim Khaw Hau 26 S/o ( Pu Khai Khaw Thang ) Limkhai Leihdaw in, July 20 nitak in hong nusia hi.
Hong nusiatna ahang se, Kuantan Sungai Lapit ah anasepna (mawtaw hawl) pan atawl ngak zawk nitak 6:00 pawl in, kibual in tui op aa, tui zong thuk ngawl kasap tuisung ah bo vingvengh thong ci hi. Amila kimu ngawl , aluang la kimu ngawl in a om ciang, a nasep pui te in, Palikte sam in, aluang azon ciang nitak nai 11:30 ciang mupheang ci hi.
Malaysia Sizaang pawlpi MSCCF in phum hi.

India Ah Tapidaw Pastor 3 Kiman Suakta Kik

India ngam Bighapur ah Tapidaw thuhil (Gospel Messengers Team pan) sya 3 in, Hindu biakna biate Tapidaw sung zawthawkthu taw tumsak ci'n Hindu biakna lampuite in, ngaw aa, kumhpi zumh ah thu kivawt nuam in, July 22, 2011 in man hi.
Tapidaw 150 kikaikhop na nipisim thunget inn ah Pastor AB Singh, Ganga Prasad le Robert (GMT) te in, in, Hindu biakna lampui te, Naingngan yii seam Bharatiya Janata Party te lampui in zawkthawk thu taw, Tapidaw piangsak man hi.
Palikte in, akibuaina mun athet ciang, Pastor Prakkash le azi, le pastor dang 3 se Hindu biakna biate in, zawthaw thu taw man hi.
Mizaval tu khawng in, Pastor akimante se mawnei ngawl te hi ci'n Palik zumh ah ngen ahi kom anitak sang ciang thaa kik pai ci hi.

Sizaangmi, Sizaang Ngam Taw Kisai Kikupna

A Ni 23rd July 2011 (Sat)
A Mun Pa Hang Za Pome te inn 11 Stepler St Beechboro
A Hun 18:00 PM ( Nitak Nai 6:00)

Athu Sizang mi,Sizang Ngam taw kisai Thu kikup na

A tung a,thu taw ki zui in,ih Sizang ngam sia pua ngawl pha maw zo a hi man,ngamdang om Sizang mite in bang bang in pua tu ci thu,a thupi bel in ki kup tu a hi hi.A ki khawm thei peuma in,thuson na khat tek nong nei na tu zongh kong he khol sak hi.Perthkhua om Sizang mi te bek hi ngawlin,Melbounre khua om te taw zongin,kikhop sung,Phone taw thu vai hawmkhop tu zongh ki ngeal hi.Perthkhua om Sizang mi khat zong ki khe ngawlin nong pai na tu,thu nong ki kup pui na tu in hi lai taw kong sam hi

1. Hang Za Pome
2. Pau Mung
3. Cin Pum Khai
4. Pau Do Kim
5. Nang Khan Khai
6. Dim Uap Mang
7. Kam Za Pau
8. Awn Cin Lian
9. Tuang Khua Ngin
10. Tual Lian Dal
11. Thang Za Ngo
12. Tual Nang
13. Kam Cin Khai
14. Vung Cin Ciang
15. Zam Man Huai
16. Thang Dal
17. Ngin Suan Huai
18. Niang Khua Huai
19. Mang Cin Nang
20. Pau Lamh Cin
21. Pau Za Pum
22. Ngo Khan Cing
23. Cin Khan Hang
24. Cin Khan Kap
25. Pau Mang
26. Thang Lamh Thawng
27. Thang Do Dal
28. Kam Cin Tual
29. Mang Cin Dal
30. Kapp Cin
31. Lian Za Mung
32. Thawng Mang
33. Dim San Cing
34. Dim Huai Cing
35. Man Suan Huai
36. Cing Khan Neam
37. Zam Thian Mung
38. Hau Pum Pau
39. Cin Dongh Khai
40. En Za Pum

Ka maakngil thaak a om le hongmai sak ta vun.Khat le khat na kihil sawn na tu in,hesuak kong ngen thua hi.

It na taw

En Za Pum

Topa Taw Maangkhawm

Tulaitak Malaysia ngam om Pa Kim Khaw Hau 26 S/o ( Pu Khai Khaw Thang ) Limkhai Leihdaw in, July 20 nitak in hong nusia hi.
Hong nusiatna ahang se, Kuantan Sungai Lapit ah anasepna (mawtaw hawl) pan atawl ngak zawk nitak 6:00 pawl in, kibual in tui op aa, tui zong thuk ngawl kasap tuisung ah bo vingvengh thong ci hi. Amila kimu ngawl , aluang la kimu ngawl in a om ciang, a nasep pui te in, Palikte sam in, aluang azon ciang nitak nai 11:30 ciang mupheang ci hi.
Alliance of Chin Refugee ah member tum ahikom ACR in luanghawm phum tu vai buaipui aa, July 22 ciang phum tu hi.
Ama se Malaysia panh zi nei in, azi nau apaai ciang, Kawlpi a inn ah nausuak in ciasak aa, anau suak zawk tha 1 val tukhawng pha pheang hi.

August 24 Ciang Isreal Ngam Ah Kiphinna Omtu

Isreal ngam ah Isreal minam te ii thunei na thu taw kisai mipi 40,000 in August 24, 2011 ciang, Olive Mual sang panh saksang paito a, Jerusalem thangsang khongkha panh tum in, Biakinnpi ah, Isrealte ii mungtup pulaakna neisawm hi.

Hi bangh vai hong pian tu se, Muslim te zongh lungkim ngawl aa, ama te sang panh zongh mi 40,000 in biakinn tung panh pang in, suangtaw deang tu ci thu khawng om ahi kom, Fox News commentator Glenn Beck in, hi bangh hong piang leh, Leitung ngaalpi III na hong kipanh natu thu ahikom, lauhuai peuma thu ci'n son hi.

Source: Worthy News

a

Pawlbeam Ngilo Khat Kithat

India ngam West Bangal state Siliguri ah, July 19, 2011 in, Pawlbeam khat in, khuano khat sim ahikom Ngamcingte (Forestry officer) te in, thau taw kaalup kul ci hi.

Hi Pawlbeam in, mi 11 sim in, tuasung panh 4 ii liamma nasia thilaw dadek hi. Ngamcingte in, hi Pawlbeam hawlkeak sawm hi ka leh ama ii naina aneak masa phuai papai ci hi.

Source & Photo: AP

Malaysia Ah Permit Kinusia Zaw

Malaysia ngam kumhpi te ii vaihawm 6P Programmee se Permit toai Zomite in, kilunglut ngawl in kimu hi.

Factory khat ah naseam Haupi in, " Ei naseam tu aa akipai hi ngawl aa, Ih UN deiman po ve" " khutpi meak tu uk ngawl aa, ka nasep nusia mai khi ze" ci'n thutatuam panh akidong ciang hong son hi.

Thian Langh in, " kei hi leh, UN ka seau lai ka case se Yangon case hi thong aa, tu laidal katoai zawk kumh 2 tukhawng pha zo aa, ka laibu nusia tu khi ziam maw? nusia ngawl tu khi ziam maw ngai sun zo ba lai ing, UN ka ngaa ba tu leh, 6P hong kivawt sak sia seau in, khutpi meak ma kul tu ve" ci hi.

Neam pi " Kei ka nasep na panh lam et ngawl pui ka pute le khutpi meak tu hong ci vut thong na, kei zong he khol pipi aa, khutpi meak thong khi ve" ci hi.

Mumung " kei hi leh zeini ka pute na khutpi meak tu ci na meak zo meak veang, uk taw uk ngawl taw kisai ngawl aa hong meak sak zo ve, UN ka ngaa lai katawm maw? , UN te na interview hong sam zazen in, hong kisit na khat om leh, kei Kawl ngam panh passport laibu keima ahi ngawl hong zangh in atai khi hi, ci sawm mai ing" ci hi.

Hi Malaysia 6P programmse Malaysia kumhpi tung ah UNHCR ii phuut ahi hi. Bang hang ziam ci leh,
1- Ngambeal aseau ukmawk sang in tamzaw.
2- Permit neite permit nusia in, UNHCR aseau huu aa, Ngambeal aseau tam hi tu umh.
3- Visit visa taw tum in, acia kik tawm aa, UN aseau hi tu umh.
4- Aphei vavaa theampo zongh in, ngambeal aseau hi tu umh.
5- Kumhpi sang panh Malaysia ngam ah ngamdang mi bangza tatak pha ziam ? ci'n he nuam hi.

Thu Tatuam

Indonesia Ngam Mi 4,541 Mopoaipi

Indonesia ngam Jakata Senayan Sports Palace ah, July 19, 2011 in nupa kop 4,541 te mopoai vawt in, mi 15,000 se poai siim ci hi. Hi mopoai ah akiteang teng, Kitenna Laidal zongh athong in pia tu ci hi.

Indonesia kumhpi in , ahon in, kitenna te bekma athong in kivaihawm sak aa, Hi ahon in akiteang te sung akihel ngawl te atu Kitenna laidal (Kumhpi Cheptee) se ol vazeang in kingaa ngawl ci hi.

Hi kiteenna sung mi 3,112 se Muslims, 1,248 se Christians, 96 se Catholics le 85 Buddhists, hi in Hindus te le Sen minam te zong kihel sawm ci hi.
Tuma tha 3 lai zongh Innkuan 200 se kitenna vawt ci hi.

AP

Apianna Pa Le Nu That In, Poai Vawt Lalawm

USA ngam Florida PORT ST. LUCIE akici na ah, Maangkang tangval Tyler Hadley 17 akici pa in, apianna Nu le Pa Sek(hammer) taw a Inn ah aseak-lup zawk ciang, Facebook tung panh alawm le ngual te 40 val khawng sam in, A inn ah poai (party) vawt lai ci hi.

July 16, Ninoni in, alawmte 40 - 60 khawng taw party avawt ma in , Apa le nu that lumh in, alupna Master Bed room ah aseal na thu se, poai asiim alawmte khat in, Palikte Nipini zing in, thu puak aa, Palik te apai leh, Aluanghawm na omlai in, Dial, le puanvan tawh nakituam aa, Lim (picture) khawng taw seal vawt ci hi.

Tyler Hadley se, tualtha lup huu in, thusit thuak tu aa, thudok na tam mama zongh zo ngawl in om bikbek lai ci hi.



Source: People, UPI