India ngam Mumbai ah Lusei ngaknu 4 khawng se "nasep kong zon sak tu" ci'n leilot thu taw pai pui in, Numei pha ngawl nasep asep sak sawm Gopal Dhokal Mandal (33) s/o Dhokal Mandal se Kiman in, Kolasib Police Station in Kolasib district, Mizoram ah July 9, 2011 in kipuak kik ci hi.Lusei ngaknu 4 se tuma tha 4 khawng in, Munbai ah nasep kong zon sak tu ci'n kamciam pia aa Mumbai ah paipui in, June tha 2011 ciang, Numei pha ngawl nasep te asep tu in sawl hi.
Palik te ii son dan hi leh, Gopal Dhokal Mandal se numei nam dang tatuam te zongh Mumbai vo ah pai pui in, Ngamdang mi te tung ah zuak ci hi. Hi thu bek hi ngawl in, thu dang taw ki ngui aw na nei ahikom Palik te ii matsawm khat hi nginge hi.
Ama se Kalkota khuami khat hi in, Mumbai ah apeam zawk kumh 12 cing zo in kison aa, azi kumh 30 , atanu kumh 5 le tapa kumh 3 khat nei in, numei pha ngawl hon khat zongh khawi nei nginge in kison hi.
Ama man tu in, Mizongam pan Palik CID(Crime) panh Zosangliana se Mumbai pai in, man phei ci hi.
Photo:vanglaini
Source:The Sangai Express
No comments:
Post a Comment