Isreal Mivomte Kidoidan Huu In Lungkim Ngawl

Isreal ngam Jerusalem ah etheopia pan hong peam mivom (Isreal) te se, Isreal mikaang te in, doidan ci'n mivom te lungkim ngawl aa, lungphona nilaini in nei uh hi.

Mipi 5,000 pha in, "civom, cingo , akibang hi siat, Ih chisante sia kihau na tuh bek pha" ci'n vom le kaan kidoidan nathu pulaak uh hi.

Ethiopia Isrealte se Ethiopia ngam saksang khua 100 khawng pan Isreal ah Beta(Ethiopia Isreal) cite ii vaihawm na taw hong peam hi'n amate sung ah Muslim le Tapidaw kihel niknek ci hi.

Isreal news

Saang Sya Khat Mihau Suak

India ngam Balurghat ah, Saang sya khat ii bank account sung ah $ 200 khawng bek nei in muan mawk ngawl pi in dollar billion 9.8 /- se sum thukna ATM set sung ah hong ki leulou ci hi.

Muanmawk ngawl pi in billioner khat suak ahikom Bank ah adoh ciang Bank ate in banghma zo thei ngawl aa, zo kik ngawl in, midang te ii sum neizaa se ama ii computer sung atum ci dan kison hi.

Source: Upi

Malaysia UNHCR Register Piak Tuh Dan (Muanmawk)

Ngam 3na painuam tek in, Malaysia ah, ngambeal register vo kidel ngeei ngaai a, pianai tuh in, Kawlngam, Thai ngam le India sang pan zongh thang ci'n kiza kik hi.

Tulaitak dinmun bangh hi le Malaysia UNHCR in mithak laak sawm ngawl lai in kimu hi. Bang hang ziam ci leh,
1- Angaa sate na a innkuan puite Kawlngam pan sam kikik aa, innkuan file sung ngawm ahi kom,
2- Kumkhat ami laak se 10,000 bangh ahi hang, apai se 10,000 pha ngawl dan in kimu hi.
3- Ngam alom atangh in pia leh Ngambeal del aa, hong tum nuam illegal migrant tam saseam tuh aa, lau in kimu hi.
4- Register ngaa sate zongh alang tamzaw pai siat thei ngawl lai in,
5- Malay kumpi in UNHCR te tung ah thuneina limit khat ciaciang nei ci'n kimu hi.

.........................................................................................

Register ngaa natuh bangba hi tuh
1- Tulaitak register anga ngaa te sia se, Dam ngawl le Thongtaak te bek hi.

Tute zawk ciang, Khanghamte zawk ciang kum cing ngawl te zawk ciang, Khutzung meak vai pai kik tuh aa, tua zawk ciang, mithak lapheang tuh kimuang maw hi.

thutatuam

Australia Ngam Peam Tuh

UNHCR te thuthiamna tawh, Tulaitak Malaysia ngam om suapui Pum Thawn (Khuasak) le Pa Hen Khup (Voklak) te innkuan 4 se Australia ngam ah peam thei tuh hi.

Suapui Pum Thawn se, Feb 8 ni hi in, Pa Henkhup te innkuan se Feb 9, 2012 ciang hi tuh hi. Pa Hen Khup se, zomi te sung praise & worship lampui khat in aki zangh mama khat hi aa, suapui Pum thawn sia se, Laa khumna stereo ah khat seam ahi kom Zomi laasa te atuh mi zak mama khat hi.

Topa in amte thupha piak sak ta hen.

ttt

USA Peam Tuh

Tulaitak Malaysia ngam om Pi Ngul Man (Limkhai Zongal) le Pa Mangpuite s/o Ngin Thawng (Limakhai Zongal) innkuan se UNHCR te thuthiamna tawh USA ngam ah peam thei tuh hi.

Pi Ngul Man se Texas atanu Huaikaangte omna ah peam tuh hi. Pa Mangpuite innkuan se athet natuh mun kihe ngawl lai hi.

ttt

MCCU Annual Meeting

Malaysia Chin Christian Union (MCCU) in Jan 16,2012 in kumcin kikhoppi Kuala Lumpur, Pudu, Mizo Community hall ah zing nai 11:00-2:30 PM dong vawt hi.

Kalsuan zia tatuam/ abosa hunte etkak na te kikum thei aa, meeting kaa mi 150 val bangh se pawlpi 17 pan kihel thei hi.



2012 atu lampui thak kiteal kik in
Chairman : Rev Za Mang
Vice Chairman : Rev Lal Iap
Vice Chairman 2 : Rev Kiam Tin Uk
Secretary : Rev Win Tin
Treasurer : Rev Pum Khat Khai
Accountant : Tisk Man

ttt

MSCCF Pawlpi Kumhcin Kikhop

MSCCF pawlpi ii 2011 sung nasepzia etkikna leh mailaisang kalsuan zia tu kikupna meeting se Jan 15,2012 in, biakinn ah kivawt aa, Meeting kipat natuh in Upa Thang Kaang Thawng ii thungetna taw kipan masa hi.

2011 sung sum zakna sazian teng et-kakna kinei in, tua zawk ciang kikupna te kikum hi. Nitak nai 2:30 pan 9:30 kikum aa, nitak an neak zawk ciang kiman pheang hi.

Dokzu Piaksa Monu Ahingtang Phumsawm

UK ngam ah pasal khat in amo dawksa alawmnu se lei sung phum sawm ahi kom thong kum 20 taak tuh in UK Leeds Crown Court in thu kikhen hi.

Marcin Kasprzak, 26 hi in, computer koina thingkuang sung ah koi aa, leisung phumsawm hi ka leh, alawmnu se Mo khutzung buu taw akihen na khau tat sak in taai kik thei ci hi.

Mopa in hi bang angam tat sia se, ciamui avawt in kison hi.

Source ABC

Khin Nyunt Le Min Ko Naing Le Adang Pawlkhat Suaktaa

Kawl kumpi in Jan 13, 2011 in Thongtaak Khin Nyunt le saang patangte lampuipi pa Min Ko Naing le adang alawmte honkhat suakta sak hi.

Karen le Kawlte Kilem Kik

Karen National Union (KNU) lampui Saw Jawni - Johnny - (veisang) le Ziatsang Kawl kumpi te in Hpa-an, ah Jan 12, 2012. in kilemna letmat thoe laitak. PHOTO: AFP

Malaysia Om Numeite Atuh

Tu lai tak maleysia om lai SOM nu mei pawl te in khut thiam ta tuam sin na sia a bo sa hun sung saang a lim ci zaw in nei suak thei ci thu ka zak ciang ka lung dam ma ma hi.

Puankhui sia a pha tak ma hong sin ta vun.ka vai thak nop bel sia moter set pui te zak dan hong thiam lo te US nong thet u ciang na sep ki nga pal bel hi.company sung veu hi zaw a nai 1 $ 9 toh ki pan hi.

Nu mei pawl te na moter set pui te 1 peu ma nei zo lai leang a i vet pi in a tiam sa hi leng i thet na po ah na sep tu sia chin ngim om tu um va van ngol khi hi.

Tua a hi ciang a kua ma po hong han ciam tek ta vun.company sung veu hi ta na ei set no te ki zang ngol hi.

Cingh.
washington WA.

MALAYSIA NGAM AH PHA-LAAK (DA-MYAH) TAWK

Malaysia nagm om PA /Khai Hen Cin Pau @PauPu (San pa) Limkhai (Leidaw)in,
Tu zing sang in, ana sep na, akuan lam in, lampi ah Pha-laak (Da-Myah) te-in,A pumpi vel zazaan in,A handphone leh A nei sa theampo zongh lak sak ci hi. Zato Taxi taw puak sawm in ahi leh Apumpi tung liam maa tam mama a hi man taxi te in pua nuam ngawl ci hi.

Ahi zong ( Emergency Car ) ki sam a, nai-10:15am hun in AMPANG zato pi ah puak thei zo hi.ci-in ki za hi.


Thu nget na tawh phawk tek tawng

MALAYSIA NAGM AH PHALAAK (DAMYAH) TAWK

Malaysia ngam ah tu zingsang in, PA/KHAI HEN CIN PAU @PAUPU (san pa)
Limkhai(leidaw) in, a nasep na akuan lam- lampi pan in, Phalaak(Damyah) tawk in,
A pumpi tung ah vel zazan aa,liam maa tawh aki dim zawk ciang , A handphone leh, a UN card leh a neisa theampo zong lak sak lai hi. Ama sia lam zong pai thei nawn ngawl ahiman Taxi saap in zato puak sawm hi kaleh,apumpi tung ah, liam ma tam lalawm ahi man Taxi te in pua nuam ngawl hi,
Nai 10:15am hun in AMPANG zato pi ah emergency car taw ki puak hi. ci-in ki za hi.Thunget na taw phawk tek tawng...

Nausen Nguksawm Matthuak

New Zealand ngam ah Kalate kum 24 khat in, leilot thu taw nau paai zawk tha 9 cing ci'n theam aa, Zato ah nau sen Kalate khat nguuk sawm ci'n AFP news sung kisua hi.

Nausen (ni 2 upa) khat nguuk sak zawk ciang, nausen ii anu kung ah nau ka awi ci'n theam aa, Zato puasang pusua pui in, car parking athet ciang nurse te leh, nausen nu le pate in man kik ci hi.

Leilot thu taw apasal mun nau ka paai ci aa, nung nipi in apasal na zato ah thasak hi.

Naunei Lungdamh Puina

Oo Thawngno le Sm Awi Khawm te tungtawn in tano 4:30 p,m hun in Lia Niang Thian Cing Tunngo cidam in Maryland ,USA pan hong nei thei ci good news na za ing .A nu le ta dam ci hi .Ta numei hi .

Sya Cinno

Kawl Thuneite Jew Sumleang Khat Thato(Challenge)

Leitung ah mihau mamate sung ah khat in akihel George Soros se Hungarian Jew te hi in, August 12, 1930 suak aa kum 81 pha zo hi.

Ama se 1992 in Engaland bank linglawng sak ahi kom "The Man Who Broke the Bank of England" ci'n kihe hon aa, 1997 kum in South East Asia ngam teng le Malaysia ngam ii economic taw kisai abuai sak pipa hi in, Malay prime minister Mahathir ii mihing ngaimawk mama khat hi.

2011 Dec 26 pa Jan 3, 2012 sung Yangon le Naypyidaw ah hong baang aa, Kawl thu neite leh, Daw Suh Kyi taw kimu hi. Ama ii ngiimna pi se democracy taw kisai huuna tatuam piak sawm ahi kom Yangon ah zumh zongh hong tuh aa, kawl kumhpi ii awina permit zongh pia ci hi.

Ref: AFP, Wikipedia,

USA Pai Tuhte Sim Hamtang Vun.

Dear Tuangpu

Lai tawm hong at ing.US ngam hong pai tu te ki sap ka sak ma ma pawl 1 hong at ing.

Ih thet na tu state i heak zawk te i thet na tu mun khua city.a bang agency ci sia zong heak tu ki sam sa ing.agency sia ko kung IRCagency volulvie agency luterian agency catolicagency ci te hi.ko kung a om teng.a dang ka heak x zong 2 bang om tu um khi.

Ih thet natu mun he leang a om sa te na ki kat na nuam ka ci na hi.meal heak om nginge na pi ki he vet x om thei ka ci na hi.i thet na tu mun sia a cing a na dong thei ba le blood pressure ni ciang lai dal khat nga tu a ta sia i a tung king sang ah na thet na tu khua min .na caseworker pa min le na agency min address te om tu hi.

Ta teng na heak zawk u ciang ta sung mun ah kua teng om ci zong heak tu ki sam sa ing.US na thet u ciang sia i agency te in inn sap tha3 tha 4 hong sap sak a tua zawk ciang DSH ci a kum pi te in na sep i nga dong hong sap sak kik tu hi.

An neak tu sia mi hing 1 200 veu hong pia a foodstamp card toh hong pia a inn kuan tam te bang ki khawng zo peu ma x hi.wellcome money sia mi 1 $1000 bang veu hi thei a hi hang a lom a ki nga x.van hong lei ak teng dawk kik hitha 4 sung tha 3 sung bang case money hong pia hi.na sep sia a tam zaw agency te in zon sak hi.US sia mun theam po na sep ol ci om bo.na sep tam ma ma ci zong om bo.a hi hang neak le dawn sia na sep full time i nga ma teng foodstamp sia hong pia top lel hi.tu bang at tong. topa thu pha.

hong it pino.

Coffee Mix Taak-Tawm-Ne, 1thi, 2 Zato Theng

Irrawaddy , Ma-u-bin ah, Jan 5, nitak sang in, a innmai ah atak coffee mix thuk khat ane tha patang numei no kum 8, khat thi in, anau kum 6 le pano kum 2 khat zato thet law ci'n Jan 9, 12 Kawl kyaymong news sung kisua hi.

A u kum 8 sia in, a coffeemix mu sia ne in anaute 2 atuh tui taw sawsak in pia aa, a unu thi pai in, anau te ni lua aa, zato thet law hi.

ttt

Pawlbeam (Leopard) Khat Khuapi Sung Theng

India saksang/ nisuana sang khuapi Guwahati ah, Jan 7, 12 in Pawlbeam khat ngam sung pan khuasung theng aa, mihing amu theampo baan puai in, mi 4 nasia tatak liamlaw hi.

Khatna innkhat sung khaa khum in, Tittawte sam aa, tittaw te in, Khuaphawk ngawlna thautang taw hing mat in, ngan khawina ah koi hi.

source :AFP

TOPA TAW MAANGKHAWM

3,jan 2012 ni -in, limkhai khua teang Pa/paupi leh Nu/ ciangpawng te ii tanu lianbelh , Nu/ Hung Thian Neam in leitung hong nusia hi ci-in ki za hi,A tano siakum khat khawng pha pheang a hi man a tano a tu thu nget na ah phawk tek tawng..
lungdam

SEN KUMTHAK THUSINNA

Dear All

Sen kumthak maleap le sen kumthak sung, thusinsak na MSCCF pawlpi in vaihawm hi.

Jan 20 nitak kikhop nai 8:00
Jan 21-24 dong thusinna

hi aa, India pan, Rev Dr, JM Paupu te nupa in thuhilna hong nei tuh hi.

thutatuam

MEETING HUN KHIIN

Malaysia ngam community (refugee) te taw 6P taw kisai in, Jan 10 in meeting vawt sawm UNHCR in meeting hun ahun phiat kik aa, bang ni vawt tuh ci sia kihe ngawl lai ci hi.

thutatuam

MALAYSIA SIZAANG PASTOR PHONE KI-NGUUK SAK

Malaysia KL, khua sung Jan 7, sun hun in, azotsawm MSCCF pawlpi senior pastor Rev Philip Khai khai se, "U" passenger bus line tung ah nguta te khat in, ahand set (Phone) nguuk sak hi.

Mawtaw tung ah, ahui atopa adin lian zawk ciang ngutapa in, aphone nguuk sak in. Ngutapa nguk hun lam aheak lian sia ngutapa sia bus stop zongh theng ngawl lai , mawtaw tung pa tuak pai hi.

Syapa in mawtaw tung pan atuak malian phawk in he man ahi hang, mawtaw hawlpa in, mawtaw tawlngah nuam ngawl in taisuak ci hi.

Tua ahikom Sya Khai ii phone nambat lui sia kizangh thei nawn ngawl tuh hi. Athak sia zasak kik tong

thutatuam

Sabawk Pong 198 Kikheih Keak Sak

Vietnam ngam ah Pasal khat ii pumpi tung ah Sabawk (Tumour) KG 90 (198 pounds) angit khat se Jan 5, 2012 in doctor te in at sak hi.

Nguyen Duy Hai 32 hi in, kum 4 aphak pan Sabawk kipan ci aa, Kum 17 khawng aphak pa kipan lian va ial in ama pumpi sang in ngitzaw sabawk hong nei suak a, awngbuk paina, vakna ciana le alup tudan ngangawn nop-maw peuma ci hi.

Doctor te'n nai 13 sung akhei kul ci hi.

Ref:Hanoi news, AFP

6P Vai Extension Nawn Ngawl Tuh

Malaysia ngam ah permit ngawl permit taw nasep thei natuh company te leh thunei vai hawm na programmee se Jan 10, 2012 zawk kumpi te in vaihawm pui nawn ngawl tuh ci'n Home Ministry deputy secretary general Datuk Alwi Ibrhim in son ci aa, Jan 6 thSun news ah kisua hi.

Tua ahikom company te tung ah thuneite in, laithak aa, Jan 10 maa permit nei ngawl te avai hawm pui tuh ngen ci hi.

thutatuam
(Photo: Putra Immigration zumhpi ah 6P registration vawt lai)

Tualthat Ahihang Mimaw Tang-Ngawl

USA Oklahoma ah, Apasal cancer taw athi zawk nau sen tha 3 taw a om nupi khat abuan sawm pa se Nupi nu in thau taw kaap lum ci hi.

Apasal thi zawk nipi khat zongh hi ngawl lai in, Nausen tha 3 taw a inn sung om, Sarah McKinley se Aveangpa in, hiam tai in, alawmte khat taw a inn huang ngii sutham in tumsawm ahi ci hi.

Sarah in Palik te 911 ah phone set pai aa, Palik te ama kung athet ma Palik te kung ah kaalup thei tuh awina ngen in 911 (phone operator) in awi ahikom, kaaplum ci hi.

Eima hong susia nuam khat sia tung pan kidal thei natuh thukun US ngam ah om ahi kom, Sarah se tualthat ahi hang, Mimaw tang sak ngawl ci hi.

Source AP

Malaysia Thuneite Le Tapidaw Lampuite Kimu

Malaysia ngam Lampui Najib, Tan Sri Muhyiddin Yassin te in, Tapidaw kipawlna te Jan 4, 2012 in kimupui in Tapidaw te taw kisai thu kikupna nei thei hi.

Tapidaw kipawlna CFM (Christian Federation of Malaysia) in innteak seam in, Tapidaw laisin saang ah Laithiangtho sin tu vai, Tapidaw kipawlna te ii shia piak vai, te kikum hi.,

Malay ngam ii 2012 budget sung RM 100 million se Mission Saang te ah piak sawm in, abosa kum 4 sung million 240 se pia zo in kison hi.

Source : thesun, thestar, bernama, straitstimes, Nation

Philippine Ngam Mincimh 25 Thi

Philippine ngam thang sang (Mindanao akicina) ah Jan 5, 2012 ziingsang tuung in mincimh aa, mi 25 se leinuai ah huhnelh ci'n AP news sung kisua hi.

Hi Mindanao munh se ningkum april tha mincimh huu in mi 20 tukhawng thi aa, thu nei te ii zawkthawk thu taw atai sak na mun hi. Nungtha huisuang val huu in mi 1, 250 thilaw zo ci hi.

thutatuam

Mi 128, 000 Illegal Pan Legal Suak (Malaysia)

Malaysia thu nei te ii vaihawm na taw, tunung 6P programm ci in, Permit nei ngawl mi 128, 000 se Permit vawt sak ci in, Jan 5, 2012 ni thSun news sung kisua hi.

6P taw angam acia nuamte cia sak in, angam ah acia mi 73675 pha ci a, 54,696 se vanleang taw, 18788 se tuilam taw ciasak hi.

ttt

Thongtaakte Suakta

Kawl kumpi in, 64th cin ngam suaktak lungdam na in, Jan 3, 2012 zing in, Insein thong pan thongtaak 33 suataa aa, tuasung ah, ngamvai taw kisai te kihel ngawl in kison hi.

Ref: AFP

Naupeang, Ni Kibang-ngawl, Kum Kibang-ngawl Sua

USA ngam saksang MINNEAPOLIS, MN ah Naupeang kop khat se, Apeang ahi hang, Asuak ciang khat Dec 31, 2011 in suak aa, Khat se Jan 1, 2012 zing sang in suak ahi kom ani kibangh, Akum kibang ngawl naupeang unau hong suak ci'n AP news sung kisua hi.hi.

ttt

Kawl ngam Datsi manh khang

Kumthak ni Kawl thunei te in, ama teii Datsi sai panh azuak Datsi man se 2,500 kyats pa 3,350 in khanh ci aa, Reuters news le news dang tatuam sung kisua hi.

Datsi manh bek 34% khang sak aa, Gas le Diesel manh kiam tuan ngawl in ki son hi.

ttt

Kawl Kumpi Thongtaakte Hesuak

Kum 64 cin ngam suataakni lungdamna in, Kawl President Theinsein in Jan 2, 2012 in thongtaakte ataak kumh khep natu letmat thoe ci'n AP news sung kisua hi.

Mihing hina hesuak nataw Thidan tawkte, Khantawn taak tu aa, Khantawn taakte, kum 20 tak sak in, Kum 20-30 kilaklaw ataak te, se 4 sua se khat khepsak ci hi.

ttt

MALAYSIA AH PHA-LAAK (DA-MYAH) TAWK

Malaysia ngam Kuala Lumpur Khuapi ah Jan 1, 2012 zingsang tuung in, suapui Thang Do Mang Maa Mang le Suapui Pau Thawn Khai Paow Htun Khaing @ Aapu te 2 se, phalaak tawk ci hi.

Amate 2 se Dec 31 kumthak muakni MSCCF pawlpi khangnote taw zaan hak in zingsang kuan ciang SEVEN ELEVEN sai ah tui lei in atuak leh, Malayte minam 8 bangh PAJERO mawtaw tung pan tuak in, zawkthawk thu taw anei/ lamh / apuak theampo laak khawng sak siat hi.

suapui Maamang se Jan 11, 2012 in USA ngam ah peam tuh hi aa, A mobile phone se kisut in, sim card thak le phone nei nawn ngawl ahikom Ama contact nuam akua mapo le USA ah vanh thak nuam in contact ngaa zo ngawl suapui te in, C/o Tuangpu 016-9747679 ah hong zasak ta vun

ttt