APIAN PA KIPAN KHUAZA NGAWL KHAT KHUAZAA

Nung nipi sung US ngam Sloan Churman akici in ano pa kipanh khua za ngawl aa, Doctor te in, abawl sak dam kik ci hi.

Apasal in lamet ngawl bul in video zaih tha hi.


MSN

MAITANG 2 NEI NGEAU KUMH 12 NUNGTA

USA, Massachusetts ah Frank le Louie te khoai ngeaungaw se maitang 2, kam 2 , Naak 2 le mittang 3 nei aa tu Kumh 12 nungta ahikom kumh sau nungta bel ngeau in Guinness laibu sung ah kikhum sak hi.

Aneipa in, nisim nungta in ama atu in Pathian tung ah hi ngeau anuntaakna pia ahiman lungdamh ko ing ci hi. Ngeau hi bangh poma asuak leh ni 4 bekma nungta hi. Syavuan te na nungta ngawl tu ci hi ka le tuni ciang dong nungta hi.

AP

FIFA IN KAWLNGAM DAAN PIA

Wold cup 2014 atu tukumh July sung Tuwana Stadium ah, Mipi in, Bawlungpoai nawng kai sak ahikom, Fifa in 2018 World Cup kidemna taw kisai Kawlngam ii kihel tu khaam ci hi.

Kawl le Omen kidemna ah, Kawlte in, alel baan ah, Mipi in, Omen teamte tuithawl le peangdap taw deang ahikom Fifa in hi bang in Kawlngam daan pia ci hi.

Fifa in, Myanmar football federation te ii ngiinaat ngawl na ci in ngaw aa, 2014 sung Omen taw akidem Kawlngam in, 2018 ciang kihel tu awi nawn ngawl hi.

source AP

MYITSONE DAM VAWTSAWM NGAWL KIK

Kachin state sung Sente company te ii Kawl kumhpi taw thukimna nei in, avawt sawm hydroelectric dam se tawl nga kik tu ci'n President Thein Sein in Sep 30 Ninga-ni son hi.

$3.6 billion abotu hi dam taw kisai in, Ama ii ngam lampui asep term sung (2015 dong) Myitsone dam vawt sawm ngawl tuh ci'n, Theinsein na Shinhnay te mai ah (Khensatna lai) simh ci hi.

Hi Dam sia se, 2019 ciang man tu aa, pi 500 thuuk in, Leitung ah athuuk bel dam sung ah kihel tu hi.

Thu Tatuam

ISREAL TE KUMH THAK

Isreal te in Rosh Hashanah akumh thak muakna se, Sep 29, 2011 (Nilaini) in, Isreal ngam le Leitung ngam pawlkhat ah vawt hi.

Ni 10 zumh teng khaak in, hi ni 10 sung mawna kisiik-kik na in thungetna vo nei hi. Jerusalem khuapi leh, Khuapi kongpi hui teng ah, Isreal te in, poai nasia tatak in khaam in kison hi.

Zomite ii kumhthak hun Khuado poai se, tusia nitaw akipee in avawt zongh om aa, Sizaang kampau te in, Khuai-et ni se tusia ni hi in, Maikumh ah thupiang tuteng khuai en in, ai ki saan hi.

thu tatuam

OPE KAT TUDAN KILAIH TUH

Malaysia UNHCR ngaa sa, RSC (OPE) taw kisai akan nuamte in, Zumh ah pai aa, kikan thei nawn ngawl tu hi.

October 7, 2011 ciang pa kipanh Email : klinquiry@rescue.org le phone: 03-2141 5846 ah kikan thei ci thu kizaa hi.

Thu Tatuam

PALIKTE NA THUKHEN MAANG KHAT THAT

Brazil ngam ah Palic commander kihel palik 7 se, thukhen maangpi khat athalup huu in, Sep 27 (Nipi zawk ni 2ni) in matthuak ci hi.

Thalup thuak thukhen maangpi Patricia Acioli se Sao Goncalo khua ah August tha sung kaalup thuak hi. Ama se, Palik te ii mipi tetung ah asum-nguuk neakteng pholaak ahikom hi bang in, a innmai ah kaalup thuak hi.

Source: AP

SIYIN NEWS FROM SIYIN LAND

Hongthak Sya Nangkhai tung ah lungdam
Thu Tatuam News

MALAYSIA AH GAS PUAKTHAM

Malaysia ngam, KL naina Subang Jaya Empire Food Court Mall ah Sep 28 zingsang (Nilaini) in, Gas puaktham in vanh pawlkhat kaang ahikom mi 4 liamlaw hi.

Mi 300 bangh anneak laitak hi aa, athi kuama om man ngawl in kison hi.

Aliamte se Nepal security te 2 le adang 2 ci aa, ngammi ziam bang mi ziam kihe ngawl hi. Hi empire mall sia se ning kumh in ahonthak hi.

source:Bahasa News

ISAIAH AT LAITHIANGTHO

Isreal Museum le Google te kipawl in, Kamsaang Isaiah aat laithiangtho se Internet tung panh pulaakna nei hi.

ISREAL IN JERUSALEM NISUA NASANG INN 1,100 SAKSAWM

Isreal ngam in, Jerusalem nisua nasang Palestine te omna Gilo ah, Isreal te inn 1,100 apha veang khat sak sawm ci'n Sep 27 in thuzaaksak na nei hi.

Nung nipi sung ma in, Palestine te taw UN ah kinopmawna anei kawm panh hi project se tha 2 zawk ciang kipanh sawm dan in son hi. Leitung ngam lampui te in, phat son ngawl aa, atawlngah kik tuh ngen hi.

Palestine te in, Jerusalem nisua na sang se, Amate ii mailamsang khuapi tuh in ngealna nei ci hi. Isreal in hi project se angeal zawk ngei mama zo dan in kison hi.

AP

INDIA SILA NUMEI 3 KIHONH KHIA

Malaysia Perak ah India Kalate numei 3 se thasum/ nithaa kipia ngawl in, Innteang Sila in kumh 2 sung kisawl ci hi.

Kumh 20 le kumh 30 kilaklaw hi in, 2009 kumh in Malaysia hong theng aa, Velh thuak niknek in nisim zawkthawk thu taw Arnar naseam sak ci hi.

Amate taw kisai in mi 4 se (Section 13- Anti Trafficking In Persons Act) taw mat thuak hi.

Source:Indiatime

MALAYSIA SIZAANG PAWLPI BIAKINN THAK

MALAYSIA sizaang ki pawl na biak inn thak ah,27,sep,2011 ni-in pawlpi mi akom thei teng in, TOPA hesuak na taw biakinn sung zak tu tokhum 200/pcs ki lei -in ki ngual thei hi.Biakinn sung ah tokhum 200/pcs ki taa hi.

THAI NGAM TUIKHAN 166 THILAW

Thaingam ah tuikhan huu in, mi 2,014,166 tenna provinces 23 sung districts 149 ah mi 166 thilaw in, 3 ii luanghawm se kimu ngawllai hi.

Nung nipini Sep 25, 2011 pa kipanh nguazu tui khang aa, kiam nawn ngawl in kison hi.

Source: Bangkok Post

USA ZOMI - MIZO COMBINE SERVICE

Zomi Christian Fellowship te lampuina taw, MIzo-Chin combine kikhopna USA Maryland September 25, 2011 in nei aa, Pawl tatuam panh kihel thei tek ci hi.

INDONESIA BIAKINN KHAT AH BOMB PUAK

Indonesia ngam Java ah ah, Nung nipiSep 25, 2011 zing nai 10:55 in, Muslim paikhial te hi tu in upmawk khat in, Pentecostal biakinn bomb puak sak ahikom 2 thi in, mi 27 liamlaw hi.

Athi 2 sung panh 1 se , bomb kampa hi tuh in kimuangmaw aa, Biakinn kong ah puaktham sak hi.

Source ref: worthy

MALAYSIA AH NUPI RAMBO

Malaysia Jehor Baru ah, Sep 26, 2011 (Nung nipi khuavak ni) in, Nupi Mawtaw cycle tokhat se sumbawm suu thua ahihang asumbawm asutpa tung pan asumbawm leesut kik ci'n thestarnews sung ah Sep 27 sung kisua hi.

September 26 nitak nai 4: 15 in, Maju lampi (Jln) tung ah Meihtu kuu nuam in a om laitak, Anungpan Mawtaw cycle taw ngutapa in, asumbawm sut in tai aa, ama zongh thudang ngaisun ngawl in, anung panh zuidel in, munh khat panh taih-vawk aa anima puuk ci hi. Apuuk ciang, akiimle paam te tung ah huu ngen in a au leh Ngutapa kiman in Palik zumh ah puak ci hi.

Nupi nu se, aman Cindy Tan ci aa, tuma kumh 6 lai hi bang in kisut ngei ci hi.

THUTATUAM

ISAIAH LAITHIANGTHO PULAAKNA NEI

Isreal Taangthukan Dr. Adolfo Roitman in September 26, 2011 (Nipi Khuavak) in, Isaiah Laithiangtho bu a en nuam te atu in lakkhiatna Isreal Museum Jerusalem ah nei hi.

Topa Jesu pianma (Ci-le-sa-in) kumh 700 lai in, Kamsang pa Isaiah ii Topa Jesu taw kisai a atna thu in kison aa, Tuipi thi naina kulh sung ah kimu ci hi. Internet tung panh zongh Isaiah Laithiangbu pawlkhat simh thei tu in kivawt hi.

Source: AP, Isreal Online

SEPTEMBER BUAI KUMH 4 CINH THUNGET VAWT

September Phonggyite Kiphin kumh 4 cinh thunget na se, Yangon Sule pagoda ah September 26, 2011 in Khangno 30 in nei hi.

Kumhpi te sang panh nasia tatak in khaam ahikom, mi 100 val akihel thei tu sung panh mi 30 val khawng bek kihel thei hi. Sule pagoda puasang panh Palik 300 val in cing ci thu kizaa hi.

Momakha, AP

TOPA TAW MAANGKHAWM

Khuasak khua Bo Suan Pum tapa Pa Vubfg Do Nang Kum ( 46 ) sia, Thikhang natna taw,24 Sep 2011 ni,11:00 pm hunin Leipi a inn pan hong nusia a, 26 Sep 2011 niin Leipi Pawlpi-in thaantang sak tuhi.

Ama sia LSKU kipawlna-ah tu nidongciang makaai khatin pang ahi man kipawlna le,i minam khat asumh ihhi na hangin ainn kuan pui tetaw a kibangin kikhuangai tekhi.

Pa Donghlian

SCC CONCERT 2011 SUM ZAKNATU NGEALNA

NAU NEI LUNGDAMH PUINA

Tulaitak Malaysia ngam om UNHCR ah Sizaang kamphen Voklak Khuami Pa Noel Cin le Nu Glady Nemnu Mangthuam te nupa in, September 24 zing nai 9:00 pawl in HUKM zato ah, Topa ii piak tel Tapa khat nei hi.

Nau min Enoch Kaam Thian Muan Mang Thuam ci'n vaw sawm hi. Topa in, hi nau thupha hong piaksak suak ta hen

thu tatuam

CHIN STATE DEPARTMENT THAK

Kawl kumhpi thukun taw kizui in, Chin State sung atu, Chin State Luatdaw te ii thukimna taw kizui in, Electric & Industrial Minister tu in, Pu Cin Lian Pau president Thein Sein in kisee hi.

State Luatdaw panh Pu Zo Zam in " Mi teng 3 om Kaya State ngangawn in, Department 9 nei aa, Ei mi teng 5 val apha te in, banghang department 8 bekma kinei ziam?" ci'n apulaak ciang, Minister Hung Ngai in atungsia ah seau kik ci'n Khonumthung news sung kisua hi.

Source:The Miorror, Khonunthung

NASA SATELLITE LEITUNG HONG TAAK TU DAN

SRBA BRANCH OFFICE 2

Dear All,

SRBA taw kisai thu tawmno cilik khat hong son nuam ing. Tahan Siyin Baptist Church te in SRBA Branch Office-2 tu in Inn mun Acres-2 hong pia a, tusung ah SRBA Delegate mipi thukimna om bang in Bulding sa tu hi ci in, Rev. Vum Khat Pau ii GS sephun pan in thukimna kinei hi.

Foundation a kivawt zawk ciangin sum om ngawl ahikom kiitawlnga zii a, tu in Fund tawm hong tumkik ahiman, a kisam babang zoptato tu in thukimna om sa bangin na kiseam nuam ahikom, 04. 09. 2011 ni in, Rev. Vum Khat Pau, SRBA former General Secretary, Rev. D. Cin Za Dal, Current SRBA General Secretary, Dr. Pau Za Nang, SRBA Vice-President-2 le Rev. Langh Go Laang, E&M Secretary te in lampui in, Tahan Siyin Baptist Church member ahi thei zaza taw in, thungetna taw ki-apna nei thei uh hi.

A Omsa taw na kiseam hi ngawl a, Pathian upna le muanna taw hi zaw ahikom, akuamatek in thungetna taw ma pangkhawmtek tawng.

Topa' minthanna tu le A ngam zainatu hi tahen.

Christ sungah,
Rev. Langh Go Laang(Laangpu)

PR MAN ZA CING NUSIATNA PHOTO

Hongthak: Sm Esther (siyin) tung ah lungdamh thu ih ciamtee hi.

NASA TE SATELLITE LEITUNG HONG TAAK TUH CI ZEI

U. S space agency NASA ii neisa Satelllite khat se, Leitung ah September 23, 2011 (nipizawk ni 5ni) ciang hong taak suk tu ci hi.

Ataak natu munlian kician ngawllai in, leitung athet nai ciang kihe pheang tu ci hi. Metric ton 5.4 ngit in Leitung ah akaang neen sa in hong theng tu aa, mihing te ten ngawlna munh ahi bua le tuipi sung taak tha tu lam en hi.

1991 in thatung ah akaa sak hi in, ni 7,300 kizangh aa, leitung ah ataak sukna sun hun ahihang kimu thei tu ci hi. ataak natuh mun se kilometer 800 huam sung hi tu hi.

VOA

Facebook Facebook Facebook

Leitung buppi mihing million 500 val in, facebook zangh ci in kison aa, mai lam sang zongh hi sang in azangh hong tam lai tu hi.

Kawl maange (U Thein Sein) te ngangawn na LUATDAW sung thuson laizang Facebook zangh nuam aa honsa in koi lai cileang, Facebook ii zak cinna hi leh, son kul tuh zongh umh nawn bong.

Khang/ kumh taw kisai nawn ngawl in, ih vekpi in, Facebook zangh kim leang uk huai sa ing. 2015 zawk ciang ih groupmail zakte azangh tawmcip tu in kison meak hi.

deisak na taw
tuangpu

NEAK-NGUUK KHAAM KIPAWLNA ULIAN 3 KIMAN

Malaysia ngam Neak-nguuk khaam kipawlna (Malaysian Anti-Corruption Commission (MACC)) panh ulian 3 in, september 15 ni, KL vanleang leen ah sumleang te kung panh US$ 30,000 zawthawk thu taw asuu sawmna panh mat thuak hi.

Sumtheak naseap aseam te in KL vanleang leen KLIA panh Singapore ah US$600,000 (RM1,883,399.27) puak sawm na ah, hi MACC ulian 3 te in, " hi sum te sia sum vom hi aa, koma alang nong pia uh leh hong thaa tu khu hi" ci hi.

Sumleang te in, apiak sawm ngawl ciang, zawthawk thu tawh Eakbuuk pai sak in, Eakbuuk sung panh tua sum ii alang laaksak ci hi. Sumleang te lungkim ngawl aa, Palikte kung ah khia in, Palikte man ci hi.

Tulaitak se, ar-mah-khan (bail) taw suakta sak phot ci hi.

source:thestar

VOK KHAWI TU KIKHAAM

USA Ngam Missouri city ah, September 22, 2011 thukhen zumh panh in, innsung ah vok khawi tu awi ngawlna thukun khat vawt hi.

The St. Charles City Council ah vote taw thukhenna vawt in, 7-1 taw zo ci hi. Tua thukhen na ah, Innsung ngankhawi khat se, Pound 50 sang in angit-zaw ngan khat papo se khawi ngawl tu cihi.

Thu Tatuam
Source ref:UPI

ANNEAK KIDEM AKHATNA NGAA / AHIHANG THILAW

Ukarain ngam, Zaporizhya region thangsang Tokmak khua anneak kidemna poai ah, Nung nipi September 18 in akhatna ngaa puhuai khat se, a anneak hang in thilaw thong ci hi.

Amase Ivan Mendel akicipa hi in, Sekan 30 sung, dumpling 10 (Sa namcing lomh ngawm in akihuan sangawm lomh=dumpling) le liter khat dim cream ne in akhatna ngaa hi. Ahi hang a om nuam ngawl aa, a anneak teng ngui aa, thilaw ci'n Fakty I Kommentarii News paper sung kisua hi.

thu tatuam

DAW SUH KYI INTERNET PANH CONFERENCE KAA

New York khuapi ah avawt Clinton Global Initiative (CGI) akici conference ah, Daw Aung San Suh Kyi zongh Internet tung panh thuson na nei in, Conference Moderator taw thuson na nei hi.

Daw Suh Kyi in Kawlngam taw kisai Sen le India te in kumhpi tetek bek hi ngawl, ngam mipi te zongh ki-it tuh thupi in son hi.

South Afican Anglican Ponggyi Archbishop Desmond Tutu zongh kihel in, Daw Suh Kyi ii tung ah, Na nasepna te thupi mama sa ung, Hong It Tuam ung ci'n son aa, Akikhawm mipi te zongh lungdam in au va neau ci hi.

Bishop Tu Tu in abelap na panh "Kawl ngam lampui na suak ni ciang hong pai nuam khi hi" ci hi.

Source:VOA, Reuter

DAW SUH KYI INTERNET PANH CONFERENCE KAA

New York khuapi ah avawt Clinton Global Initiative (CGI) akici conference ah, Daw Aung San Suh Kyi zongh Internet tung panh thuson na nei in, Conference Moderator taw thuson na nei hi.

Daw Suh Kyi in Kawlngam taw kisai Sen le India te in kumhpi tetek bek hi ngawl, ngam mipi te zongh ki-it tuh thupi in son hi.

South Afican Anglican Ponggyi Archbishop Desmond Tutu zongh kihel in, Daw Suh Kyi ii tung ah, Na nasepna te thupi mama sa ung, Hong It Tuam ung ci'n son aa, Akikhawm mipi te zongh lungdam in au va neau ci hi.

Bishop Tu Tu in abelap na panh "Kawl ngam lampui na suak ni ciang hong pai nuam khi hi" ci hi.

Source:VOA, Reuter

GROUND ZERO NAINA AH MUSLIM CENTER THAK KIHONG

Muslim paikhial te ii 2001 Sep 11 in asuam World Trade Center , Tulaitak Ground Zero kicina ii naina ah, Mulsim center khat se, 2011 september 21 in honna nei hi.

Amun se 51, Park Place hi in, Ground Zero panh block 2 kikhua la aa, ahonna poai zongh Middle East Kalate ngeina laa hong in, datpung pawlkhat lakna zongh nei hi, Center thu neipa Sharif El-Gamal in "Ko Muslimte in, akipua zo nawn ngawl mawna nei ung" ci hi.

Ref: AP

SEN EMBASSY KONG AH KIPHINNA OM TUH

Sen kumhpi ii Kachin state sung Dam aliam mama (Myitsong Dam) avawt sawm na taw kisai in, lungkim ngawl nathu lungpho tu in, Malaysia ngam Kachin kipawlna te ii lampui na tawh, Malaysia Sen Embassy le Kawl Embassy ah September 22, 2011 in, kiphinna om tu ci hi.

Hi kiphin na sung ah, NLD (LA), Arakhan, Kachin Refugee Organization le Zomi National Congress (LA) te lampui in lunglut akua mapo kihel thei ci hi. Malay thunei te sang panh permit laakkhol sa hi in, kimat kiheen na zongh om ngawl tuh ci'n ZNC lampui Sya Piang in, thutatuam ah zasak hi.

thu tatuam

NAU NEI LUNGDAMH PUINA

Tulaitak malasia ngam om Limkhai Khuami Pa Cin Thawn le Nu Neam Neam te nupa in, Topa tung panh tel ahi nau tanu khat September 21 sun hun in KL khuapi UKM zato ah nei hi.

Nausia asua tu hun cing zo aa suak thei pak ngawl ahi kom operation kivawt aa suak kul ci hi.

thu tatuam

YANGON AH GOSPEL MUSIC FESTIVAL

Kawlngam bup AG kipawlna te lampui na taw avawt, A 2veina Gospel Music Festival (GMF) se tukumh Yangon Tuwana Stadium ah Ocotber 14- 16 sung vawt sawm hi.

Hi GMF min taw akivawt se, tukumh taw akumh 2na hi in, ning kumh Myanmar Convention Center (MCC) ah vawt in mi 4000 val pha aa, tu kumh mi 10,000 val tu in lam en ci hi.

Lasa minthang Chaw Suh Khin, Chit Tuh Wai, M Sai, Nadi Htike, Nanda, Phyu Phyu Kyaw Thein, Sangpi, Saw Phu Khua, Sung Tin Par, le Zamnu te sam ci hi.

Ni dang Kawl kumhpi in hi bangh aa, Gospel concert se munh thupi na ci thada, amun thupi ngawl na zongh hong vawtsak tu hamsa kawm panh hi bangh in permit hong piak theina se, Pathian in thuumh mite atu in lampi khat hong honsak na ci thei hi.

Thu Tatuam

MEXICO CATEL GANG LAMPUIPA KIMAT NI IN, MI 35 LUANG KHUAPI SUNG KIVAWK

Mexico Ngalkap te in, Leitung ah mingilo minthang Catel Gang lampuipa Saul Solis Solis akici pa se, Ngalkap te in, September 20 (nipizawk ni 2ni) in man hi.

Saul Solis Solis se, Nidang in, Palik officer khat hi ngei bek domh ngawl in, Ngam lampui Minister of Parliament (MP) atu zongh kidem ngei khat hi.

Ama kimat nima in, Mexico khuapi Gulf coastal city (Mexico City) khuapi laizang mihing tamh mama na munh ah, Mingilo te in, truck mawtaw tawh, mihing luang 35 se, vawk ci hi.

Source : AP

NAU LU KIPEE TE OPERATION VAWT TUH

UK ngam London khuapi ah Leitung bup aminthang bel in akison Great Ormond Street zato ah nipi khuavak ni ciang, Doctor te in hi naupeang akizomh te 2 se Operation vawt aa khenh sawm ci hi.

Nauno te min se, Rital le Ritag Gaboura hi in, Sudan ngam panh ci hi. Hi bang lutang kipee asuak se mu vang peuma in kison hi.

Source: AFP

SUM THEAK KHANG

Dim: tuang pu
$ zay ka deap ve
Tuang: aw bangzaa zia

Dim: 865/875
Malay sum theak bangza zia
Tuang: 250
good news ci tu hi,.

Dim: hi ve
Euro sia 1120 ci

Sent at 5:40 PM on Tuesday