MALAYSIA AH HENEP TOPUINA

Dear all,

Tuni in Malaysia ah Pu Ngin Za Pau inn kuan pui te henep topui na Thuk Lai / Pum Va ki pawl na min taw ki nei a, mi 30 val khawng hong pai thei uh hi. Apai theampo Azi le ata te in nitak an vak in, acia kik na tu uh lamsap sik siat hi.

tPu Ngin Za Pau sia kei atu in ka Pu tatak la hii, ka nuphal tatak la ahihi. Pu Ngin Za Pau in tapa 7 le tanu 5 nei hi. Tua sung pan in a tanu khat US theng zo hi. Atapa lian bel te inn kuan zong Australia pai na tu, avai theampo man zo uh a, Australia ZUM pi pan in zong Australia apai na tu uh a LAI teng zong pia zo hi. Apai ni tu uh aki tel ngawl lai bek ahihi. Malaysia ah ata te 7 om uh a avekpi ma in, ngam thum pai na tu uh anga siat zo uh hi. Atapa teng in zong mawtaw hawl uh a, senpi mama uh hi.

Pu Ngin Za Pau sia Leitung ah thupha sang mama khat ahihi. Sial khuai le la Pung, Khui khuai le la Pung hi mai hi. Savai le la mantan hilai hi.Thuk Lai ah aki vui ni in zong aSial tal khat le aKhui tal khat taw zin le leang teng do lai hi. Malaysia ah atateteng in Video zaisak in a THAN Ukkhe taw vawt sak lai hi.

Pu Ngin Za Pau taw kisai in Malaysia henep topui na HUN vawt nasung ah Sya John Thang Khat Pum in Hun uk a, keima Thang Za Kap in hun zah na ka nei hi. Topa in nuam tak in hong om pui hi. A dadiak in Thuk Lai / Pumva mi teng ahi thei za hong pai uh a, hii Thuk Lai Pum Va ki pawl na sia thupi mama limcii mama ka sa hi.

Thang Za Kap