Monday, February 28, 2011

Malaysia Ah Refugeete Khuapisung Thingthosak

Malaysia ngam ah ngambeal in a om, kawlngam mipawlkhat se, refugee kipawlna CRC panh lampui in, Kuala Lumpur khuapi sung ah thianthosakna nei ci'n "The Straight Time" news sung ah kisua hi.

Thianthosakna tu akisamh vanhte se Malaysia thunei te leh, UNHCR te in vaihawm pui hi.


Karen Mipi UN Tetung Ah Laithak

Karen ngam Kawlkumhpi in, zawkthawk thu tawh asisimh huu in, thautoai kipawlna KNU in lampui in, Karen mipi 84,000 in, UN zumhpi ah, huu ngetna lai thak ci hi.

Karen mipi 84,000 in letmat thoe sak in, Kawlkumhpi ii tualngaal nasep tawh kisai in, UN ii panpui tu ngen hi. Tualngaal huu in, Karen ngam sung ah khua 3,600 tukhawng kisia in, mipi tamtatak ma thi law aa, ngamsung nuntak sumzonh na haksa ahikom hi bang in, UN zumhpi general secretary tung leh, EU (European Union) zongh ah laitak ci hi.


Sunday, February 27, 2011

Malaysia Ah Pumkhat Suana Mopoai Omtu

Khuasak Khua
(Pa Khai Khua Mang le Nu Mang Zo Neam)
te ii Tapa
Tg. Thawng Min Thang
le
Lia Vung Ngaih Lian
Pa Cin Za Hau (Haupi) le (Nu Ciang Ngin - limkhai)
te Tanu te ii
pumkhat-suana Mopoai se
Malaysia ngam Sizaang Biakinn MSCCF ah
March 13, 2011 (Nipini) in vawtsawm ahi man akua mapo in uaptek tawng.


Bolivia Ah Mincimh

Bolivia ngam La Paz ah, ngua nasia tatak in zuu ahikom, Feb 27, 2011 in, Mualpawlkhat panh mincimh in, mual naina ateang inn 400 tukhawng se, leisung ah phuumsa suak aa, mihing tam tatak bo hi.

Mi 5,000 tukhawng ngimh nga in kison aa, Leitang 200 to 250 acres (80 to 100 hectares), bangh siatlaw in kison hi. Mincipna mual La Paz, se 11,900 feet (3,640 meters) sang in sang zaw aa, nung nipi sung zongh tubangh ma khat vei cimh ahikom inn 20 tukhawng hukngei zo hi.

Source: AP News

Khaingai Thu

Hamburg om Pa Thawng Do Nang in a itt a Zi (Nu Ciang Khan Dim) a ta 2 leh a tanu 3 leh eima teng zeini (27 Feb) zan nai 8pm leh mid-night ki laklaw khawng a aom na inn pan hogn nusia hi. Ko ma Hamburg om Zomi leh Kawlmi teng in zing sang nai 4 dong thunget na toh ka na to pui uh hi.A tanu no bel Deih Nu sia USA a exchange student in sang a ka lai tak hi a thu zong ki za sak pai hi.

A luang sia Zato a ki koi tuni khua vak ciang RC Church ah thu ki za sak ta a hui tu vai sia Zato leh Church te toh ki vai hawm toto pheang tu hi.
A sam nuam te in 0049-40-71370 507 ah kisam theih hi.Pa Thawng Do Nang topa toh mang khawm ta hen.

Itt,
Salai Kipp

Kawlpi Ah Kikhoppi Munh Tatuam Ah Vawt

1. Kalay Velley Baptist Churches (KVBC) in Tahan Tuiphum Pawlpite' innteaksepna tawh Tahan bawlung tualpi ah a vawt laitak hi. Hi KVBA, NKVBA, SKVBA huamsungteng kipawlna hi a, mizom tam mama, madat zong alianhial khat vawt a, nopci-in munop-huai peuma hi.
MBC panin Rev.Saw Mar Gay Gyi (Chairman, MBC) leh Rev.Dr.Zaw Win (General Secretary, MBC) te zong kihel thei uh a, hunzatna zong nei hi.

2. Tuhun sung mahin Kalay Zomi Baptist Association (KZBA-ZBCM) te in zong akhawmpi uh Kalay Baptist Church ah nasiatakin vawt uh a, nopcit
tuak mama hi. Uniform ma silin la-kidemna zong nei zizia, ci kiza hi.

3. U.P.C te'n zong Munlai UPC biakinn huangsungah tuhun sung mahin vawt hi.

4. A bosa nipi sungin zong Kawlgambup E.B.C ngambup Delegate Meeting se Tamu khua-ah nei hi. Yangon delegate bekbek 350 bang leh kikhawm vekpi a tulval bangin kipha den cih siate khat in gen hi.

5. Feb 27 Munlai New Apostolic Church (N.A.C) te in zong a baikinn thak uh pucca building khat honna leh biakna pawi nei uh hi.

From: Peter Khampu's Zozum Groups mail report

Yangon Insein ah Bomb Puak

Yangon Insein Aung Zay Yah leih ah, Feb 27, nitak sang in, bomb puak ahikom mi 1 khat thi in, adang 4 liam ci hi.

Kumhpi te ii thusua sak na sung aliamte sung ah, bomb pua hi tu in muanmawk khat leh, patang numeino kumh 3 khat zongh kihel ci hi. News pawlkhat ii muanmawk thu ason na ah aliam se 8 pha in kison hi.

Tunidong hi bang in bomb puak in a om ciang, Kawl kumhpi in, NLD , leh kumhpi langpanh te pawl vo ngaw aa, tutung zongh ngaw kik laleau hi.


Saturday, February 26, 2011

Pu Pausuan Tupa Zinei Zeh !

Tulaitak Malaysia om Pu Vum Za Lian (S/o Pu Pausuan) & Pi Awi Cing
te ii tapa lianbel
Tg. Suan Langh Mung
le
Yin Min Htet
D/o Kawlte
ii pumkhat suana mopoai se
Bahan Township Adventist biakinn ah vawt cithu kizaa hi.

Yangon Adventist Biakinn

Thuklai Tan 10 Te Laihuantu Time Table

  • March 7 Kawllai
  • March 8 Eng
  • March 9 Math
  • March 10 Geography
  • March 11 Chamistry
Ni 2 tawl nga tu
  • March 14 Phisic
  • March 15 Bio
  • March 16 History
Report: VZ Vai

Rev Dr. Do Kham Thusinsakna

Rev Dr. Cin Do Kham in Feb 26-27 sung USA , Frederick, MD ah thusinsakna nei hi.

Photo: Kampu



Thursday, February 24, 2011

Khuangai Thu

Tulaitak Leidaw Khua om Pa Suan Khan Tual tanu Dim Thian Pum (32) se, anaubu sung ah dam ngawl in Tahan Wesley zato panh Feb 23 2011 nitak in, hong nusia hi.
Aluanghawm se, Leidaw ah, Feb 24 in kipuakto aa, Feb 25 , 2011 ciang Leidaw ah leisung aapna nei tu ci thu kizaa hi.

report:Neampum

Cancer Natna Napian Ngawl Natu Kidawm In

1. Na thau ngawl natu kidawm hi.
2. Sathau zak/ neak kidawm in.
3. Mul anei thingngaa, atee khawng neak sawm tawntung in.
4. Vitamin A le C akihel antee babek neak sawm in.
5. Vitamin "C" anei athuuk le athum thingngaa te neetu.
6. Gawpi, Pan gawpi, te netu
7. Kuanzaa, Zaa le Zuudawn ngawl tu.
8. A allei neak thei, Cii taw akidia neak thei tatuam (Stn: Ngasako le Haithuuk) ci khawng ne ngawl tu. 9. Excercise vawt tawntung in.

From : Ministery of Health Dept


Chin Champion Show

Malaysia ngam Kuala Lumpur khuapi Kuala Lumpur Baptish Church (KBC) ah, Falam khangno kipawlna panh lampui na tawh, Chin Champion Show ci'n Zomi nam tatuam panh laasa thiam pawlkhat sam in, Feb 24, nitak Laasakpoai vawt hi.

Music tumtu in, Falam khangno pawlkhat kikai khawm in, Tapidawlaa babek sa in, VCD zongh vawt sawm hi. Sizaang sung panh Laasathiam Thangboi zongh Sizaang kam tawh, tuangpu ii phua "Mathew 6" ci laa khat saksawm hi.

Theizang Tuiphum Pawlpi Kumh 100 Cing

Siyin Region Baptist Association (SRBA ) in 24-27 Feb, 2011. hunsung Theizaang Baptist Church ah SRBA Annual Delegate meeting leh Theizaang Baptist Church (TBC) ii Centenary poai vawt hi.

Theizang khua ah 1905 kum in Pu Tun Lian te nupa le Pu Lam Suan te nupa Tapizaw na suak masa hi. Amate 1 Feb 1906 ni in tui kiphum hi. Hi Tapidaw suak masa te Khuasak Tuiphum Pawlpi sungah om phot a, Tapidaw suak a kicin zaw hiat 1911 kum ciang Khuasak panin inntuan in, Theizang Tuiphum Pawlpi hong piang hi. Tua hi a, Theizang Tuiphum Pawlpi sia TBA pan SRBA inn tuan hun 1976 kumin Pawalpi kip khat in a ding sa hi zo hi.
Theizang Tuiphum Pawlpi Keam seam ngei sya teng a nuai a bang ahi hi.
1.Rev. Thuam Hang 1911-1915
2.Sya Lam Suan 1915-1932
3.Sya Thang Lian 1932-1950
4.Husya Nangzakap1950-1964
5.Husya Vai Thang 1964-1972
6.Rev. Pau Thian Thang1972-1979
7.Husya Vai Thang 1979-1989
8.Rev. Ngo Khan Thang 1989-
9.Pr. W. Khai Tual

Theizang Tuiphum Pawlpi Kumh 100 Cing

Zapzaang Laabu Aniveina

Malaysia Sizaang Biakinn MSCCF pawlpi ii vaihawm natawh akivawt Zapzaang Sizaang Laabu se aniveina kithuk kik a, February 27 ciang MSCCF biakinn panh kizuak tu hi.

January 2011 tha nipi masa lai in, hi zapzaang laabu se, akhat veina kithuk aa tua Laabu teng sia bo khawng siat zo ahikom, akisamh lai te ii ngetna tawh akivawt thua hi. Asung ah, Lungdamh vawt laa, Vanngam itna laa, Pokna Laa, Henepna laa, ngam itna laa acing dildel in, Hymn laabu sung leh, Zomi laphuak thiam pawlkhat ii phua khanlawna latomno te zong kihel siat hi. Bukhat ciang Malaysia RM 5/- bekma manh hi.

Rose Kunley Tawh Kisai

Nidang lai Myanmar Time ii Editor khat hi in, Kawl numei kumh 24 khat in ama se,Rose Kunley in a inn ah ciapui in, khamh thei nguithei zaakaang nam khat hong pia in, ka taisawm leh, zawkthawk thu tawh, a inn sung hong om sak ci'n Palik zumh ah then ahikom thukhen zumh theng hi.

Wednesday, February 23, 2011

Theizaang Khua Centenary

Siyin Region Baptist Association (SRBA ) in 24-27 Feb., 2011, hunsung Theizaang Baptist Church ah SRBA Annual Delegate meeting leh Theizaang Baptist Church (TBC) ii Centenary poai neikhop sawm ci hi.

Yangon YSBC panh Rev Vum Khat Pau leh, Pastor Mang Lamh Khai te zong cia to hi. Malaysia Sizaang pawlpi MSCCF ii SRBA mission fund atu 200,000/- kyats zongh Feb 24, 2011 in Pastor Langh Go Laang in Kawlpi Yoma Bank panh thuk thei aa, tutung Annual delegate meeting sung ah pualakna nei tu hi.

Tutung Annual delegate meeting Cum Theizaang Biakinn Centenary ah Pastor Langh Go Laang @ Laangpu (Mualpi pastor) leh Pastor JM Kam Khen Pau @ Sya Khen (LSBC Senior pastor) te se Ordain piatha tu in, thutatuam news group panh ki muangmaw hi.

Isreal Ngalkapmaangpa Pathian Helei

Israel Defense Forces Deputy Chief of Staff Mr Yair Naveh in, Tulaitak Arab ngam teng se Pathian ii vaihawm na hang sosaang kheukho in son hi. Tabangh laitak Isreal ngam in, " Ih ngam hiam nei Tank le Planning " te tung ah ih muan tusang in, Pathian ma muang zaw leang hoizaw ci'n Pathian naseam thiampi rabbis, Rabbi Yona Metzger ( Mr Yair Naveh Alai ah)
and Rabbi Shlomo Amar tung tawn in son hi.

Tulaitak se, Middle East ngam teng ii ngam vai / ki-uk na vai tawh abuai laitak Isreal se omh khiikhee ma hoizaw tu cin son aa, "Tung sang panh ei se hong len nginge" ci hi.

Source:http://www.worthynews.com/top/haaretz-com-print-edition-news-idf-deputy-chief-israel-s-army-needs-faith-in-god-more-than-tanks-1-344702/

Isrealte Kinan Natu Ngalhiam Thak

Isreal ngam in, ngalte te ii kaa thaulawng lian (Missile) se leekaa kik theina tu ngalhiam(Missile) khat lawcing tak in vawt aa Arrow 2 ci 'n min phua aa, Feb 22 zingsang in , USA ngam California tuipi mong khat sinna nei hi.


Hi ngalte ii kaa Missile tang se a 18 vei asinna hi in, Iran te in Ballistic missile tawh hong kaap tha leh, athuk kik pai thei tu in ngiimna ci hi.

Source from: Jerusalem Post

Feb 23 Yangon Insein Nanhtagone Ah Innkaang

2 Vei Asuakkhial Zawkte Malaysiangam Painuam Nawn Ngawl

Senngam panh Malaysia ngam ah khualhaw aa hong pai Sen Numei Zhu Li in Malaysia ngam kong pai ngei nawn batu hi ci'n amale ama kiciam ci hi.

Akiciamna ahang se, tutuungse a 2veina hi in, akhatveina hong pai lai aa, acomputer laptop khat vanleang leen panh bosua hi, a2veina hong pai kikciang laleau Kawlngammi te tona mawtaw cycle khat in phutha ahikom suakkhial kisa peuma in, Malaysia ngam bang ma hunkhua kong pai nawn batu ci'n kiciam ci hi.

Source: http://thestar.com.my/news/story.asp?file=/2011/2/24/nation/8125623&sec=nation

Tuesday, February 22, 2011

Kawlngam Ah Polio Lungno Mukik


Kawlngam kumhpi in, 2007 kumh in, Kawlngam sung Polio natna piang omnawn ngawl tu ci hi ka leh, nung december tha in, UNICEF Panh in Mandalay ah tha 6 apha patangno khat tung panh Polio lungno mukik ci hi.

Mon state sung ah zongh patang 2 tung panh mu kik ahikom kawl ngam buppi patang million 2 se Polio tawh kisai zatui zahaa or zaa sut kul tu in, Unicef panh information secretary Ms Zaphrin Choudhry in son hi.


Source:AFP,BBC,WHO

Dolluang Khua


Dolluang khua se geographical coordinates 23� 20' 0" North, 93� 54' 0" ah om in, Tedim township Kawlpi ii nitumh nasang Zozaang lam tawn in thet thei na khua hi in, Tulaitak Khua sung ah mi 200 kiim bangh teang hi.

Khuasung ah Tuiphum, AG pawlpi te om in, Sizaang mi ahisiat ngawl hang Sizaang kam kizangh hi. Middle school khat om in, khua veang panh zongh saang kaa zongh om ahikom saang patang, 150 bangh pha hi.




Photo : Sya Laangpu Feb 19, 20, 2011/ Micheal Suantak

Angaak Zote Thupha Ngaa

Tulaitak Dolluang khua om Pa Tual Khua Pau le Nu Luan Ngaih Neam, Zato peon te in tanu '6' a nei zawk ciang tu in 17.2.2011 ni 07:00 A.M. in tapa thupha khat nei uh hi.

Dr Do Kham In Thusinsakna Lampuitu

Dr. Do Kham taw vawt tu Seminar sia, leitung nuntakna sungah ii heak tu, ii zaktu thu le la tam mama om tu hi. Amanah leibuu

Hoi mama khat a at laitak hi in, tua laibuu sung ah a at thu le la pawl khat zong seminar sungah hong son tu hi. Apicing nuntakna ii nei theina tu,

Ama nuntakna sungah aphul tha

HAHSATNA, LUNGDAMNA, NGUALZAWNA, NGUALLELNA, MAIZUMNA, LUNGZUANNA, PAKTOAINA,

theampo

taw thusinna hong nei pui tu hi. Atom in son tu ci leang, laibuu sungpan aheakte taw hi ngawl in, ama nuntakna sungpan anga thu le la te taw hi.

Amanpha mama thusinna hi tu ahikom, akuamapo paikiim tek tawng. Thungetna ah zong hong phawk tek tavun.

Zongam Panh New Generation Te Movement

All,

Mun tatuam a om Zomipui te'n zanuam henuam tek tuh nahih man in kongtang ko hi. 20.2.2011 hun in Tedim ah zong Zomi Nam Ni Kamhau Stadium ah, a hi thei zain kivawt aa, tua mun ah Sticker tuamtuam kisuang zizia hi.

Hih Sticker-te hangin Kawl Kumpite pautau in nitak nai 3:30 hun panin Khangno lampui(5)te ngilbeam ah thudotna nasiatak hong nei-aa, Pawipi sungah Khangno lampui a om ngawl tak ciangin mipi-te-in Ngilbeam hong thet hunlam aheak uh ciang Mipi(300) in Palik leen uumci in "Nung Sian Tuang leh a lawmte hong suakta sak un" ci-in mipi kiko zizia in, Haka aa a om General Hung Ngai(Mindat) panin thakik vun a ciciang kisuakta sak kik pheang hi.

Ka Camera sungaa Zomi Nam Ni tawh kisai-in Foto tuamtuam a kizai theampo zong hong phiat saksiat uh hi. Hih Sticker se Tedim-Tonzang-Cikha-Kawlpi-Falam-Haka ah kisuang ziziah hi.


Hi bangin Zomite ii kipumkhat manin a kisuakta hi-aa, Tedim ah lungphona a masa phitbel ahi hi. Zomi leh Zongam atu mapang khawm lai tawng ci-in hong sam ing. Hih bangin a kua mapo in hong khuangaipui hong lhinngimpui aa, kathi kasa Kawl-te vawtsiat tu a dei ngawl manin lungphona a nei Tedim Taangdung Khangnote tungah lungdamna kongko hi.

Note tawh nasem khawm,

Nung Sian Tuang

President
Tedim Youth Fellowship

Monday, February 21, 2011

Zomi Namni ZRA Camp Ah Vawt

Zomi Revolutionary Army camp Muvanlai leh, Suangdaw khua (Lamkakhawk) ah, Zominamni zongh nopci peuma in, Miss Contest zongh om ci hi.

Zomisung Ah Innkuan Tambel Tuh

India, Mizoram State sung Baktawng khua ateang Pu Ziona Chana in Zi (39) nei-in tanu tapa 94 nei a, atanute' pasal (mak) 14 leh tu 33 nei hi. Innkuan mimal avekpi 181 pha in, innpi Dawl 4 sungah teang khawm ziizia uh hi. A inn se khan (room) 100 pha a, Baktawng khua sungah alianbel hipai hi.


A innkuan sung a zi a tate ngalkap bangin lampui in, a zite' sungah a ahuaibel ahi Pi Zathiangi in a lawm dangte anhuan, innphiat leh puansawp ci bangin vaipuak hawm sak dimdiam in, kihauh tengtong om ngawl ci hi. A innkuan bup nitak anneak khat ah Ak luang 30, Aluu 132 lb leh antang 122lb, huan tawntung uh hi. Pu Ziona Chana in tuni dong ma zi neih tu tawlngah sawm ngawllai hi. Pu Ziona Chana in , " Pathian in zi le ta hizatak hong pia bek tham ngawl in innkuan a vaak zo tu hong vawt ahi manin, ka lungdam mama ci hi.

A zi neihna tawh kisai-in,kum khat sungin zi 10 nei ngei a, akhangno lai zite leh a khangsate lupna tuam neih sak hi. A mase leikha mang bangin Khankhat nei tuam in, a luppui nop azite a ma lupna khanah abanban in pai sak hi. Ngeina hoih khat zangh thei ahi manin a zite lungkimsak zo mama ci hi. a zite sung ah khat ahi Pi Rinkimi (Kum-35) in asonna ah, " Ka pasal uh sia innkuan sung bek hi ngawl in, khua sung zongah VIP ahi manin, ko a zite in a kimkot ah ka om tawntung uh hi" ci hi.

A innkuan bupin pawlpi khat nei pai uh a, Pathian Innkuan Pawlpi " Family Church of God " min phuak hi. A zite sungah khat ahi Pi Huntharngaki in , " Innkuan sungah ki-itna le kizatakna thupibel in kikoih ahih manin, innkuan sung kalsuan zia nuam kasa mama" ci hi.

Pu Ziona Chana in USA sangah zi zong tu in zin sawm lai ci hi. Tuni ciaciang Sudan ngam ah Zi 76 anei pa zomah zi leh ta hau innkuan tampen tu in ki um hi.

Source by - Mailonline
From: Tongsan.org

New Zealand Zongh Zinhliing

Topa hong paikik tu nai zo ziam maw? Tunaiteng se nidang bang hi ngawl in leitung ii siatna hong tam va-ial hi. New Zealand ngam Christchurch Khuapi ah Feb 22, 2011 sunhun in, Hatna 6.3 anei zinhling ahikom innpawlkhat cimh in mi 65 thilaw cithu kizaa hi. Christchurch khua se khuapi lian anina ahikom thitha tu in a up zongh mi pawlkhat inncip te kilaklaw ah omlai ci hi. Muanmawk sang in zongh aliam zongh tampeuma tu ci hi.

Newzealand prime minister pa in, TV sung thusonna ah, 65 sang in tamzaw tu aa, Kumh 80 anivei zinhliinna in kison hi. Mihing 200 khawng tai-inn cipna kawm ah awk lai in kison hi. Hi New Zealand ngam ah 1931 kumh in, khat vei liing ngei aa mi 256 thi ngei hi.


Malaysia Zominamni Ah Akihawm Siallum Taangthu

Zomi suapui te sung ah, Siallumh thu tawh kisai in ahe ngawl lai tam tatak om lai ahikom, Penang khua om Sya On Lian Khai ( Voklak ) ii sponsor na tawh, Siallum taangthu dal 1,200 tu khawng kihawm thei hi.
Siallum

USA Ngam Ah Peamtuh

Tulaitak Hiangzing Khua teang Pa Ngo Za Cin (Thuklai) ii tapa Tg Nangno se UNHCR te thuthiamna tawh Malaysia ngam panh USA ngam ah Feb 28 , 2011 ciang pai thei tu ci thu kizaa hi.

Tg. Nangno

Dal Sen S/o Sawm Tun (Khua sak ) le Azi Cing Khan Lun te nupa le atapa te innkuan zongh se USA ngam ah peam thei tu hi. Tudong athet natu khua se, UNHCR te in son ngawl lai ci hi.


Newzealand Ah Zinhling

Newzealand ngam Christchurch Khuapi ah Feb 21, 2011 in, Hatna 6.3 anei zinhling ahikom innpawlkhat cimh ci thu kizaa hi.

Philipine Ah Meimual Puakthamh

Philipine ngam ah Feb 21, 2011 in Meimual Bulusan puak in, leisung panh apuakthapna thaa in, Pi 3,000 val asangto thengto aa, akiimleh paamte atu lauhuai ahikom, mitam tatak omna panh kikhin ci hi.


Lamka Zominamni

Tutuung Lamka Zomi namni poai ah alamdanzia khat se, Acii(colur) San - Ahing - le Vancii tesung ah Vaphuallim akihel dialkhaih kikhai nawn ngawl in, Zomi Revolutionary Army te ii dialkhai bekma kimu hi.

Photo from: zogam.com

Negro Numeikhat Apumnguak In Cheras Ah

Malaysia ngam Taman Cheras ah Feb 7, 2011 in Negro numei khat se khamhthei zatal tang 65 ne in, lampi tung ah apumnguak in au in pai kakawi ci hi.

Ama se South Afirican ngammi hi in, kumh 22 pha aa, Lampi laizang ah apum nguak in asak athang ausan in, vak kakawi ahikom palik te in man in, Zato ah puak in X-ray alaak leh angilpi sung ah zatang tang 65 muu ci hi.Palik zumh ah Feb 28 ni dong kikeam tu ci hi.

Source From: Feb 22, starnews Pg N3

Libia Ngam le Alampui Gadhafi

Libya Lampui pa Muammar Gadhafi se angam-mipi in deingawl ahikom atawl ngah tu ngen in ngam sung ah buaina piang hi.
Kumh 40 sung Libya ngam uk in, Asum nei zaa le ama ii hauna Wiki Leak panh kipholaak ahikom, Mipi ii itna kiam bek dom ngawl in, ama ii naseppui te in, ama tung ah muang ngam tatak nawn ngawl kici hi.
2009 kumh september 23, UN ii kumh 64th cinh general meeting sung ngam lampui khat ii ngamtat tu bangh ta ngawl in, hi-va-ap khat in, pau ahikom tuani panh kipanh zongh angam mipi in ama tung ah azaaktaakna zongh kiam tuam in kison hi.

USA le Alawmte tung ah UN Meetingsung Hi - va - ap khat in apau laitak

Malaysia Om Refugee Kipawlna ACR Laihawm

ACR News (20.2.11)

State Day Zongh Khial Bo

Chin National Day se Kawl kumhpi in, State Day ci'n hong laih sak thu tawh kisai in, aphalam in son leang Mailam sang ah Zongam buppi pumkhat sua natu in, Sign (Sonkholna) tawh kibang hi.

Bang hang ziam ci leh, Mizoram se India ii 23rd state asua ni se Feb 20, 1987 hi in, Mizoram state day ma hi. Chin State min ih ngaa tatak se January 3, 1974 hi ka leh Kumhpi sang panh National day sia State day ci in Feb 20, in zawkthawkthu tawh hong laih sak ahikom, Suapui Mizo te state day tawh kibang luilamh ahikom Chin national day kivawt ngawl aa, Mizoram te state day Chin State sung panh zongh akivawtlsak ma hi. Hi bang in ih vawtsak se Pumkhat sua natu sign hi.

tuangpu
Photo Kamthang's groups report

Sunday, February 20, 2011

Nau Tanu Nei Lungdamh Puina

Tulaitak Malaysia ngam Kuala lampui om, MMC pawlpi leh, Zomite kikhoppi ciang biakna laa lasak lampuipipa khat aa kizangh mama (worship leader) Pa Hen Khup Voklak & Nu Suancing te nupa in nau tanu khat Feb 21, 2011 in nei hi.

Tedim Ah Zominamni Vawt

Tedim ah ZO MINAM NI Munh 2 ah vawt in,

  • CCJ Hall ah CMBC Syate lampuina tawh Zingsang thungetna vawt msa in , mi 500 tukhawng pai ci hi.
  • BEHS-1 Hallpi ah ah zongh mipi 300 khawng pha aa, Zomite Emblem ahi
    Vaphual lim se Nik in tengnanwl ngawltu ci'n thusonpi aa kinei bul ci hi.

Photo Nungsiantuang(tedim)

Khuangai Thu

Siyin(thingunau) a teang Pi Cin Khaw Cing (kum75) na Feb 19 2011 {pm 4:55} hun in khang ham nat na taw (AGAPE clinic )pan hong nusia ci in, ki za hi......Hong nu siat a inn kuan pui teng a nuai a bang teng hi...
Pi Cin Khaw Cing sia ,Pu Thang khaw cin (nu sia)- ii zi hi,..
A it a ta te teng,,
Pu Mang Cin Nang- Pi Huai Za Cing(cing bawi, nusia)
Pa Dongh Pau
Pa Thang Pau
Pa Kam Cin( nusia)-Syama Mang Man Cing(nusia)
Pi Ciang khan Neam- Pu Taung Khan Pau(milwaukee,WI,USA)
pa Thang Thian Khai(nusia)- Nu Niang Za Mang
Pi Awi Khan Huai- Pu Cin Khan Tual
Tg.Thang khan Mang(nu sia)
Pa Hau Khan Nang (nusia)- Nu Lian Mun Vung(milwaukee,wi USA)
Nu Ciin Lamh Cing-Rve .Pau Lian Mung ,Te ii a it ma ma ,a Pian na Nu hi...

From: Zamno's Report (Sizaangnet)

Bahrain Ngam Zong Kawlngam Bangh Kikap

Saturday, February 19, 2011

Zomi Namni Akihau Te Palikte In Man

Malaysia ngam ah avawt 63 kumh cinh Zomi namni poai asiim khangno pawlkhat se, zukham in kihau ahikom security te in, lemtua aa, akihau te zongh kilem kik hi ta leh, Poai vawtna huang puasang ah akihau teng kam kitam laleau in kihau ahikom palik te in man ci thu kizaa hi.

Zominamni Vawtna Huangsung ah Akihau siasua laitak

Rev Thang Za Kap Doctorate Degree Ngaa

Tulaitak Malaysia ngam atheng Lophei khuami Rev Thang Za Kap se, 2011, Feb 20, Zomi namni in, Yangon Chin Baptist Church ah, Libing Center Theological Seminary panh in, Chepteena Doctorate Degree piakna programmee nei hi.

Ama se 1954Jan 2, in suak aa, 1976 kumh panh kipanh Pathian naseam hunbit in ki-aap hi.
1977 - 1979 Lophei khua ah AG pastor seam
1979 - 1984 Yangon AG Saanginnpi EBC ah Saangkaa
1984 - 2002 Tamu le aizawl ah Senior pastor seam in
2001 - 2009 dong Agape AG church ii mission fields teng ah seam hi.

Kumh 34 tu khawng sung in, Pathian naseam in, Topa Jesu ii Kumh 12-30 kilaklaw sung a omna thu tawh kisai in,Laibu aat aa, Tua laibu Kawlkumhpi in, Saang thei ngawl ahikom a inn ah man tu in apai te khut sung panh Pathian in alamdang tatak in suaataak ngei hi.

Budah te in, Topa Jesu Kumh 12 - 30 sung Budah pathian Gawdamah kung ah pilna sin ci thathong hi.


Report : Cinkhannang

Malaysia Zomi Innkuan Laihawm

Awging Lom 2, Hawm 45

Malaysia Ah Zominamni Poai Vawt

Malaysia ngam Kuala Lumpur khuapi ah, 63 kumhcin Zomi Namni muakna leh, Malaysia ngam ah ngambeal seau thei kumh 10 cinh poai se, Chinese Assembly Hall ah vawt in, Mipi 3,000 tukhawng pha hi.

Sizaang kipawlna SOM panh ngeina lap khat kinei in, Siallumh taangthu zongh Zomipui te ii hong heakpui thei tektu ngealna in, Taangthu tomno A4(laisal size) thep 3 thep in, kihawm hi(Voklak Khua Sya On Lian Khai sponsor)


USA Zomi Namni


Friday, February 18, 2011

Jeep Mawtaw Khat Tuasia

Chin state Thanhtlaang Khuapi naina Haileng khua hui ah Jeep khat se, February 16, 2011 in, tua sia in, Kumh 50 nupi khat se thilaw in adang mi 4 liam ci hi.

Sun 12:30 pawl in hi aa, Athi nupi se Nu Parbi ci hi. Tua lampi se NGO (Non-Governmental Organisation) le CAD (Country Agency for Rural Development) te in apualaitak ahi kom man ngawl lai ci hi.

Source: Chinland Guardian
Photo : Accident in chinland

Tunipi Atu RFA News

Newsletter 02-18-11

Japan Tokyo Baptist Church In Mualpi Atu Puanthak

Japan ngam Tokyo Baptist Church pawlpi pan Zongam Sizaangkual Mualpi khua atu in, Puan Percel letsong in thak ahikom Mualpi Tuiphum pawlpi pastor pa Sya Langh Go Laang in Khua mipui te tung hawmsawm kik hi.




Khuangai thu; Nu Lam Za Cing w/o Syapi Lam Za Cin

Nge Ngu khang Kiim Lel suanh Ton Kai tuu Hau Suang bawng a hi tu laitak Khaikam Khua a teang Nu Lam Za Cing w/o Syapi Lam Za Cin in a teen na Inn pan February 18 ,2011 ni hong nusia ci na za ingh.
Nu Lam Za Cing se Pu Thang Cin le Pi Thian Cing tanu hi Tamdeang a piang hi.
A Suapui a nungta lai teng:
Lam Tual ( Zangkung)
Son Pum Thang( Tamdeang)
Kam Huai ( Kawlpi)
( Hong nusia sa Pa Ngul Cin Khai se ngual heaksak mama a suapui laipee khat hi.)
A ta te:
Cingh Dim
Cing Za Pau
Thawng Ko Thang
Neam Kang
Ngiak Cingh Khai
Thawng Thian Mung

Thursday, February 17, 2011

Khuasak Panh Sakhi Khat Man

Khuasak khua a Biaken le Ngin te in 15.2.11 nitak nai 5 pawl in Sakhi lian mama khat kap in, SRBA Zumh naseam te zongh a sa hong puak uh a, ki lungdam mama hi.

Tulaitak Sakhisa toaikhat se 5,700/- manh hi. Ngansa se Zongam sung ah tawm va-ial tu bangh ahihang, Lungdamhvawt(Christmas) ciang le Kumhthak ciang ngamsa tawh lungdamh -vawt poai avawt zongh ki om lai hi.

Report:Pastor Laangpu


Handphone Sung Video/ Photo Hoingawl Te Phiattu

Malaysia ngam om Zomi suapui ulenau akua mapo in, ih phone zat te sung lim ahi ngawl nano khawng ih koi ngawl tu thupi peuma tu hi.

Bang hang ziam ci leh, Malaysia ngam ah Zomi atam zaw se Ngambeal(Assylum/Refugee) tawh ki om ahikom, Malaysia ngam ii thukun zui kul tu hi. Malaysia thukun ( Section 292 of the Penal Code for possession of obscene materials.) tawh thong hong taksak leh se Kumh 3 thong tak vanek kul tu hi.

February tha sung se Palikte in, Ngammi ngammi ngawl khen ngawl in Phone sung vo etsak ahi kom, UNHCR panh Refugee card ih ngaa hang in, UNHCR in Malaysia thukun ih zui ngawl hang in, Hong hun dektak ngawl tu hi. UNHCR panh OPI officer Mr Marvis in "No refugee te ii Malaysia thukun nazui ngawl hang in na kimat khawng kokung huu ngen ngam heak vun" ci hi.

Source Ref: http://themalaysianlife.blogspot.com/2008/07/3-years-jail-for-keeping-any-porn.html

Zaaksakna

Malaysia a om Pa Sawm Za Thang apa Dai Khaw Pau, lai poimawh ngaa tu om ahi man amanlang in Ph. 0178764911 ah hong zasak tahen ngam 3na thengzo ahi le zong ahe tha ih om le kizasak tawng.
Contact :

Minthang Nuam Ziam? Mamawtna Ziam? Sundeina Ziam?

Akhansung khansuang khat phut nuam ahikom Thailand ngam Pattaya ah Valintine's Day ni atu cheptee na in , Feb 14-15, 2011 sung ni 2 phial Nai 46 Minit 24 le setkan 9 sung kitawp(Ki-Kiss) in word record (guiness) sung kiciaptee sak hi.

Daimond khutzungbuu Thai sum baht 50,000 (1,606 U.S. dollars), manh leh 100,000 Baht (3,213 dollars) asum tang in saang ci hi.
Leitung ah aki-ciamtee mase sia se Germany ngam ah 2009 in nupa kop 7 in, nai 32 minit 7 le setkan 14 sung taw kiciamtee ngei hi.

Akinap(Kiss)laitak thukun se lupsa, le tosa in kinamh thei ngawl hi. Awnghaw le zunh hun zong ciangtat sak aa, tuasung teng se simsak ngawl hi.

Kawlngam Internet Taw Kisai

Connection Broadband Wireless Internet Access , aleinuam po in Yangon, Naypyidaw le Mandalay munh teng bek ah kileithei hi.
Yangon
No ( 617 ) Yadana Pong Telipost
Malarsaung Mai, Pyila

Mandalay
No 44B
Mandalay Suanho Hotel
26 street

NRC card copy, Innkuan lai copy le Passport Photo 2 tawh kiseau thei ci hi. ahatna se ePST 512 Kbit/s Unit ih dei leh Kawlsum 30,000/- CPE (WiFi) Unit ih dei leh 280,000 ci hi. Aset (machine) Yagi namte atu 40,000 kyats bothua tu hi.

Ahatna nam 4 in kikhen aa 128 Kbps, 256 Kbps, 512 Kbps le 1 Mbps ci hi.
128 Kbps te atu minitkhat 2 kyats , 256 Kbps te atu minit khat 3 kyats, 512 Kbps te atu minit khat pheak 6 le 1 Mbps te atu minit khat pheak 8 in ciangtan ci hi.

source : Snapshort News

Condom Nguu Mi 3 Kiman

Malaysia ngam IPOH ah mi 3 in, Nulepa omkhopna in zak Comdom bung 700,000 nguu ahikom palik te in February 16, 2011 man hi.

Ama te se hi Comdom teng Japan ngam ah puak sawm in, Japan ngam thenh zo leh, USD 1.7 million bangh ngaa tu ci hi.

Source: Malaysia Star News

Bahrain Ngam Zongh Buai Kipanh

Bahrain ngam mipi in, a kumhpi uk dan zia deingawl in February 17, 2011 in kiphin ahikom kumhpi sang panh akiphin mipi thautaw kaplumh in mi 5 thilaw ci hi.

Barain ngam se Saudi Arabia ngam le Iran ngam kilaklaw Pasian tuipi sung ah ngamno cik khat hi. Ngammi 1,200,000 val om in, Namngim le Parl pianna ngam in minthang hi.

Tunai teng Muslim ngam teng ii ki-uk zia se, Muslim mipi te khanglo kheukho ahikom lamkhat panh lungdam huai in, lamkhat panh thisan luanliang ahikom khuangai thu hi.
Source: VOA, AP

Muslimte In Budah Biakinn Sukthapsak

Kawl le Bangaladesh ngamngii Bangaladesh sang Cox Bazaar ah, Muslim mipi in, Budah biakinn khat sukthapsak ahikom, Buadah biakna panh lampui na tawh, Kumhpi tung ah huungetna(Pulaakna) nei hi.

Thunei kumhpi in, micitawm biakna te hungzo ngawl ahikom mailamsang ah hibangh thu apian ngawl natu Laiten ci hi. Budah biakna bek hi ngawl in, Hindu leh Christian pawlkhat te in zongh hi bang in, muslimte tatsiat se thukim pui ngawl in, Budah biakna te tawh, kumhpi sang thunei te tung ah laitin pui ci hi.

Cox bazaar sung ma in, January 1994 sung khat vei, 2001 kumh may tha leh july tha sung khatvei Muslimte in Budah biakna te sim ngei ci in, UNHCR report om ngei hi.

Source& Photo :Nrinjara, UNHCR report