MALAYSIA AH PUMKHAT SUANA MOPOAI

Limkhai khua Pa Thang Khat Pau le Nu Cingh Za Hung te ii tapa
Tg. Thian Khan Dongh le

Pumva khua, Pa Ngo Khat Pum le Nu Dim Lamh Ciang te ii tanu lianbel
Lia Pau Khan Cing

te ii pumkhat suana mopoai se

August 31, 2011 nitak nai 5:00 pawl in,
Malaysia ngam Kuala Lumpur Maluri,
Pa Kimnawn(Limkhai) inn ah vawt hi.

thu tatua

TOPA TAW MANGKHAWM

Tulaitak Thingunau khua ah khanghaam bel pawl ahi Buanman Pi Dim Ngo 88 Nusia sa Limkhai pu Suan Pum ii zii in, August 31 nitak nai 3:00 pawl in hong nusia hi.

Adam ngawl zawk ngei zo aa, khua zongh mu meal nawn ngawl in, kison hi. Anusiat a innkuan pui te tung ah Topa in thupha hong piaksak ta hen

thu tatuam

NIGERIA NGAM TAPIDAW 24 THALUP THUAK

Nigeria ngam ngalkap te leh, Muslim paikhial te kipawl in, tapidaw te 24 tu tha sung that lumh ci'n thalupthuak tapidaw innkuan khat in, worthy news sung ah son hi.

Plateau State, Abuja Khuapi ah hi in, amason bangh hi leh, "Ka-mittang taw muu khi hi, Anungta Pathian mintaw kiciam ing, ngalkaap te ameal ka heak zongh om hi, Ngalkap te leh Muslim te hong pai in thatlumh hi, Ngalkap te in panpui lai ci hi.

Chwelnyap akicipa ii sonna ah, tualthaana munh ah, ngalkap te ii puanmong bek, amate tawh kisai ID card te zongh kimu in son aa, tua ngalkap te se tua mun teng ahung tu in akikoite ci hi.

Nigeria National Assembly pawlpi panh Bitrus Kaze, ii sonna ah, ngalkap te ii ID card akimu phit na hi ci hi.

Plateau Governor Jonah Jang in ngalkap te sam kik siat aa, "ngalkap teng theampo kisam kik siat zo ci hi.

Muslim le Tapidaw te tualngaal hang in, Kumh 10 sung mi 10,000 val thilaw ci'n Anneofcarversville news sung ah kisua hi.

Nigeria ngam ii saksang se, Muslimte om aa, thangsang se, Tapidawte tam zaw ci hi. Angam mipha se 2010 akumhpi ii muanmawk 155,215,573 hi in, mi 100 sung panh 40 % se Tapidaw hi.

Thu Tatuam

ACCIDENT IN KHUAPHAWK NGAWL AHI-HANG DAMKIK

Malaysia ngam om Suapui Ngin Thian Lian S/o Ngin Cin sia se August 29 in, athet na kihe ngawl hi ka leh tu in, KL khuapi Ampang Zato ah theng ci in kiza hi.

Ama se, August 29 in, Paukok te unau khawng anu nusiat huu in, henep topui na ah apai hi in, zingsai ni 4:00 (August 30) ciang inn cia ci hi.

Ama ii son kik dan hi leh, suapui Paukok te inn panh acia lam, Taxi taw Pa Thangkhan inn ah cia in, Taxi tung panh atuak lian ciang, Mawtaw cycle khat na taih in, khuaphawk nawn ngawl aa, Zato theng ci hi.

Mealheak ule nau te in, athet na akiheak ngawl ciang, Taxi phalaak (Damyah) tawk kisa in, palik zumh khawng ah kikan in, Ampang zato ah akizon ciang kihe pheang hi. Mealheak te ii phone nambat khat zongh lotngaa ngawl ahikom inn sang suapui te hong contect thei ngawl ci hi.

Mawtaw cycle taih na in, akhut meleng nguu talh in, thiik kithua sak aa, zato panh tuak ngawl lai ci hi. Liam na munh dang nei ngawl ahikom Topa tung ah lungdamh ih ko hi.

thu tatuam

MOPOAI SAPNA

Kong / hong it Mealheak Ule Naute,

A nungta ih Hunpa le ih Topa Jesu min taw kong paupui hi...
September 3 ni in ka tanu Man Suan Huai (a) Manpi le Perth te, Rob Fischer te kiteenna mopoai kivawt tu ahikom, nong pai zo bua zongin, hong it hong ngaiteng, hi lai taw kong sam hi...

Kei zong mo aapna, thusonna le thungetsakna hun ka nga a, tua ni atu le amate nupa thupha asaan natu, Pathian vanzakte ahi natu in thungetna sungah nong phawk natu kong kunh hi....TOPA thupha maw...

Itna taw,
Lam Cin Thang
Camp: Perth, WA

SALANGOR NGAWLTENG II LIST UNHCR IN NGEN

UNHCR in, Malaysia ngam Salangor, Kuala Lumpur sim ngawl munh pawlkhat om community tatuam panh, minam tatuam sung panh UNHCR card ngaa sa leh ngaa ngawllai teng ii list ACR tung tawn in, August 29, 2011 in, urgent(aman laang theibel) in hong ngen hi.

Angetna khua teng sung ah
1. Perlis
2. Kedah
3. Penang
4. Perak
5. Kelantan
6. Terengganu
7. Pahang
8. Negeri Sembilan
9. Melaka
10. Johor teng kihel in, SOM panh August 29, hong nget, ni maa in, thaak kik paih hi.

Thu Tatuam

KHALHKHA KHUA AH SINSAK NA

SALAI ZA LIAN DAM NGAWL

Hunkhat lai in, Kawlngam ah music taw kisai pathianno khat zaa dongh in, musician te ii it Salai Za Lian@ Kam Za Lian (Thuklai) se, dam ngawl in, MCP (Myanmar Compassion Project) zato inn ah kilak hi.

Anatna sia se, athaa zawm in, athii tawm ci aa, MCP na seam khat in, thu tatuam ah son hi.

Ngambuai 1988 zawk ciang studio music sung ah kihel lei nawn ngawl in, dam mameal ngawl aa, 2006 Khaingthu ii laa dawng khat tumh sak ngei aa, tua zawk ciang hong kilawt mama nawn ngawl aa bo vingvengh hi.

Tulaitak ama se Azi, Atanu, leh atanu ii tate 2 tawh, Min Galar Dong , Kyaih-Ka-Loh acina ah om ci hi.

thu tatuam

KNU LAMPUI KHAT MATTHUAK

Karen hiam toai kipawlna ahi KNU lampui Maan Nyein Maung se Kawl kumhpi in man ci'n VOA news sung ah kisua hi.

Sen ngam ah, permit nei ngawl in, pai aa, Senkumhpi in man in, Kawl kumhpi tung ah aap kik ci hi.

Hi thu taw kisai, Kawl kumhpi sang ahi zong KNU sang ahi zong in banghma son na nei va cin ngawl lai hi.

Ama se 1960 kumh in, Kawl kumhpi te mat thuak ngei in, Ko Ko Tuikul ah kipuak ngei aa, Tai 200 bangh akikhuala tua munh panh alawm te 2 taw tai kik aa, Kawlngampi ah kilee kik thei hi.

Tulaitak kawlngam minam tatuam hiam toai te kipawlna ah lampui khat in ding aa, Kawl ngamsung apai kakawi dan hi tuak hi.

Thu Tatuam

CHIN STUDENTS CONCERT

Yangon Zomi Saang patang kipawlna Chin Education Network(CEN) in, fund khan natu in, concert khat Yangon Lion City ah ah September 17 ciang nitak nai 6:00 - 9:00 kilaklaw hun sung nei sawm ci hi.

Music tum tu in, Doron music band te cial aa, lasa tu in, Sung Tin Par, Chaw Suh Khin, Sangpi, Kyu Kyar, Cindi, N Khaiza, Zamnu, Van Dot Cing, Lin Lin, Chit Tuh Wai, J-me, Hutee, Khuppi, Sawbuar te sam ci hi.

Tum manh se mikhat ciang, 4,000 ks - 10,000 ks ciang tan ci hi,

Angaa sumteng tawh, Kawlpi ah, Learning Center khat kipatsawm hi.

Source: Khonumthung

KAWLNGAM TV LINE THAK

Kawlngam ii TV channel thak kaht ahi. mn tv (Myanmar National TV) se ahai ngawl in, line thak khat kipat sawm ci hi.

Tu le tu in bang thu piang, Thutatuam vai tatuam te tawh, acimhuai ngawl in, laksawm aa, amasa sawng se anai ciang tan in, laksak tu aa, tua zawk ciang, se 24 hours sung se ki en tawntung hi ci'n August 30 Kawl tadinsar sung kisua hi.

THU TATUAM

AUSTRALIA AH NGAMBEAL NGAA NGAWL TE SUM TAW CIA SAK

Australia ngam in, angam ah ngambeal seau pawlkhat se sum pia in, angam vo ah cia sak kik ci aa, August 29 , 2011 The (Sydney) Daily Telegraph sung ah kisua hi.

Ningkumh November tha pa kipanh Australia ngam ah pai aa, ngambeal(Assylum) aseau te sung panh case etsak dan in, hi tuak aa, a upngawl te sia se Auzi sum 4,000 - 10,000 vo pia in mi 77 sia pia zo in kison hi.

THUTATUAM

MRS AWN TUAL TATE HENEP TOPUINA

Nu Cin Za Ciang 65 W/o Mangpi (Awn Tual) Limkhai in, August 29,2011 sun nai 2:30 in Tahan omna inn panh hong nusiat huu in, Malaysia om atate henep topuina KL ah kinei hi.

MSCCF pawlpi panh lampui in, Khuapui, tuipui, mealheak ulenau tam ma in uap thei hi.

Nu Ciang ii luanghawm se, August 31 ciang huina nei tuh ci thu kizaa hi.

thutatuam

ISREAL AH MINGILO KHAT MATTHUAK

TOPA TAW MANGKHAWM

Cin Za Ciang 65 W/o Mangpi (Awn Tual) Limkhai in, August 29,2011 sun nai 2:30 in Tahan omna inn panh hong nusia hi.

Ama se natna hau peuma in, adam ngawl zawk ngei zo in kison hi.

Taa 8 nei in, Tulai tak Malaysia ah 3, Yangon ah 1 le Tahan 4 om hi.

Topa in, anusiat atate tung ah henepna hong piaksak ta hen.

thutatuam
Photo:cingcingpa's picasa (Australia)

KAWLNGAM YOUTUBE KIHONG KIK

Kawl ngam Internet line panh Youtube akingaa ngawl zawk kumh 7 bangh zawk te youtube khat vei hong hansak kik ci tu hi.

August 28 ni pan kipanh bang hun dong hong laleau katawm? kison thei ngawl lai aa, Yangon om suapui te khat in"Youtube beak uk babangh zak thei, et thei hi leh hoi tu ve. " ci hi.

Thu Tatuam

SUAPUI-NU CING DO KHAI SUAKTA ZO

2011 February tha in Malaysia palik te matthuak Suapuinu Cing Do Khai sia se, Ngin Khua Cin (Theizaang>Thingunau) se August 26 in, cidam in suakta ci hi.

Ama se anasepna ah Operacy (Operation) tum aa, mat thuak hi.UNHCR panh Malaysia ngam Lenggen Camp thongsung om ngambeal tuteng asuataak sung ah kihel ci thu kizaa hi.

thutatuam

USA NGAM AH PEAM TU

UNHCR te thuthiamna tawh, suapui James Dal s/o ???(Khuasak > Thingunau) se, September 8 ciang USA ngam ah peam thei tu hi.

NUTA IN DATLAIH A THI

Mandalay Meithilar ah Kumh 2 patang khat leh, anu (naupai) se Datlaih hang in thi ci'n Kawlngam Mirror news sung ah August 29, 2011 in kisua hi.

August 23, nitak in, anau kumh 2 pha sia in, alupna room sung ah, electric mei sawk in, Electric mei in, huup ahikom anu na ataa ahutsawm leh, anuta in, tua munh ah thi ci thi. anu se, August tha bo ciang, nausuak tu cin, Doctor te in due date pia ci hi.

KAWLPI MAWTAW SAAP KHANG

Kawlpi mawtaw Khargyi gate sang se nung hiatma in, mawtaw saap pawlkhat khanh ci thu kizaa hi.

Khuatuuk lamsiat paulap ahi hang, Kyant Khaing Yee te in, mawtaw khat tung panh 10,000 thasim kaat kawm ban ah, asum ngaa ii 2% se shia in apiaksak hang ci'n Kawl panh Yangon ah ading passenger khat in thutatuam ah son hi.

Kawlpi panh Yangon line om aa, 25,000/- kyats ngen in,
Kawlpi panh Mandalay ahi leh 11,500 /- kyats hi in,
Kawlpi panh Tamu 5,500/- ci hi.

Thu Tatuam

LOPHEI AH MINCIMH

Lophei panh Thuklai khua paina lampi , Lophei sang neak zaw nasang ah, Nung nipi sung mim cimh in, lampi pawl khat kisia ci hi.

Thu Tatuam
Photo(Sya Laangpu)

MALAYSIA AH NAU-AAPNA PROGRAMMEE

Tulaitak Malaysia ngam om (Hong nusia Limkhai Pu Ngin Khua Thang Tapa) Pa Hunghpu le Nu Cing Saan Neam te ii nau aapna programmee se Kuala Lumpur khuapi, Maluri a omna inn ah nitak nai 5;30 pawl in vawt hi.

Naumin se, Tg. Thang Khan Kim ci hi.

THU TATUAM

TOPATAW MAANG KHAWM

Nu Pau Kang Neam29 D/o Kam Khaw Thawng & Khai Huai (Buanman) in, August, 27, 2011 nitak nai 1:00 in, awmsung natna taw hong nusia hi.

Amate se Tedim CMBC pawlpi hi in, Nipikhuavak August 29 sun nai 3:00 pawl ciang huina nei tu hi.

Report Pa Dongh Lian

ZUNAM LIAN MAMA KIMAN

USA New York ah khuasung munhphiat khat in, Zunam alian mama khat niinteak kuihna taw man ci'n UPI news sung ah kisua hi.

Jose Rivera, 48 hi in, amat zunam sia se, anaak panh ameibul dong pi 3 sau aa, Khatvei sat aa thizo ngawl in, adang khatveima asaat thua kul ci hi.

Thu Tatuam

MALAYSIA ZAM LAIHAWM

Thu Tatuam News

MALAYSIA ACR LAIHAWM

Thu Tatuam News

PA AMH LUSEITE ISREAL NGAM AH PEAMSAWM

Mizongam om suapui Mizote apianna Apu le apate amh in, amate le amate Jewish kici aa, mi 7,500 khawng in, peamsawm in, apeamsa mi 1,700 bangh phazo ci in, Aizawlkhua , Bnei Menashe akici, pawl panh Jeremiah Hnamte in son hi. A mate se Isreal nam 10 sung panh abote kici hi.

Mizo Jews le Manipusung om mi 3,000 khawng in, amate se Pathian ii ciamsa ngam ah peamsawm ci hi. Bnei Menashes in, 2005 zawkciang, Isreal ngam panh biakna lampui Rabbi akicite zongh hong viltan hi ci hi.

Zaithanchhungi akici Mizo taangthu kan in, amate se Manasseh suan kici aa, Senngam apaina panh India ngam nisua na tawlnga kici hi.

Source ref: chin-land Guardian

TOPATAW MAANG KHAWM

August 26 ni sun 12"00 pawlin Voklaak Pa, Awn Za Pau (Bo Lian Ngin) Tapa,khuataw alo kuan napan(thikhang) natnataw luvaai-in puuk a khuaphawknawn ngawl ahiman Kawlpi Zato kipuak hi.

Syavuan te'n ciapui kiktavun ci, aciapui kik le Tahan(talaphu) tre innmaipan van ahen hun laitak hongnusia ahiman kipuato suakhi. 29 August ni thaantang sak tu ci thu kizaa hi.

Thu Tatuam

BUANMAN LE KHUASAK KILAKLAW MINCIMH

Nung nipi salawn sung Zongam nguaciing huu in, mun tam tatak ma kisia aa, tua sung ah, Khuasak le Buanman khua kilaklaw Lampi, Ak-awn lui kiim le paam mun pawlkhat mincimh hi.

Photo hong thak Rev: Laangpu tung ah lungdamh thu ih ciamtee hi.

Thu Tatuam

KHUASAK KHUATAW MINCIPNA

Tunung sung teng ngua nasia tatak zuh huu in, leite hong nip aa, leitang te akholet tu thingkung lopa te hat nawn ngawl ahikom Zongam sung mun tam tatak ah mincimh lia lua hi.

Anuai aaphoto se khuasak khuataw mincipna hi aa, hong thak rev.laangpu tung ah lungdamh thu ih ciamte hi. ama ii hong hanciam nate, noptuam apia nuam pia zo leang pha sa ing

tuangpu
thu tatuam

ZONGAM AH VAIMIIM TUNG EI

Dear all,

Inn sangah an tutung zo in, ahizong in abosa kum bang in an pha ngawl hi kale, Topa Pathian in an lak theina hunpha hong nga sak ahikom, Pathian tungah lungdam ih ko hi.

Khuasak pan a kilasa Vaimim lpawlkhat hi.

Sya Laangpu

Topa Taw Maangkhawm

Hiangzing Khua teang Nu Suangh Cingh 68 W/o Husya Lian Za Ngo in, August 24 in, kibawl tu in apai Tahan khua Wesley zato panh Athinkha tung ah suang om natna taw dam zo ngawl in hong nusia hi. A Innkuanpuite tung ah Topa in henepna hong piak sak ta hen.

thu tatuam

News In Picture (Malaysia Refugeete Tatzia)

Malaysia Khutzung Meaktu Vai Taw Kisai

Malaysia ngam ii Biomatric system taw khutzung meaktu vai taw kisai in, Refugee theampo in meak kul tu hi.

1. Ameak ngawl sia Malay kumhpi in, matna a om leh, UNHCR in hung zo ngawl tu hi.
2. Khutzung meak hang in, Ngam 3na pai natu vai hong ki nawng kaisak ngawl tu hi.
3. Khutzung meak hang in, ameak te a uk huhun in ciathei ahi hang, zawkthak thu taw hong kicia sak ngei ngawl tuh ci in, Immigration officer te in son.
   
4. Nidang permit taw hong pai in, khutzung meakte lauhuai kul ngawl bang hang ziam ci leh, Malay kumhpi ii system zak te se tha 6 zawk ciang , phiatkik papai
5. ACR / ZAM/ CRC card toaite UNHCR card toai teng manh zawk ciang azomh in, hong meak sak tu.
6. Refugee te taw kisai, Malay kumhpi in, UN ah thukimna letmat thoe ngawl ahikom, Malay kumhpi in, a uk bangh in ngamta thei.
7. Apasal UN card ngaa zo in, azi ngaa ngawl laite ahai ngawl in hong meak sak tu.
8. Tawmvei ahun ngaak zek in, khutzung meak le hoi thei zaw.
   
9. UNHCR officer te zongh khat le khat athu heak dan ki bang kim ngawl.
   

USA Life Insurance Agent-Pa Tual Kim le Zomi Innkuan USA te Holimna///

http://www.youtube.com/watch?v=5a0BiOiMdq4

Ngamthak USA sia Zomite atu khualhaw pakna, sum thalaw pakna hi non ngawl ahikom, Zomi theampp nah hiak atheak masa ngam mite bangma, life insurance nei kiim thei tu makaite nah nasia takin ngaisutna anei na dungzui, July 2011 Atlanta Zomi Innkuan USA khawmpi pan, ZIUSA nah USA om Zomite sung Life Insurance zuakna tu Pa Thomas Tual Kim le Zomi Primerica Team tungah official endorsements piakna nei hi.

Tuni ciang dong Zomi Primerica Team ah State 6 pan agent/ agent seamtu mi 25 bang ki pha zo hi. Mai sang USA om Zomi kamphen kulngawl mimal 6,000 kiim teng tung nah life insurance le investment thute sonpui tu ngealna nei uh hi. . Pathian nah amate ngealnate hong tangtung sak ahile, October tha pan kipan anuai a State tatuamte khat zawk ciang khat pai tu ZPT te nah ngealna nei uh hi.

1. Georgia 2. Indiana 3. Michigan 4. North Carolina 5. New York

6. Oklahoma 7. Pennsylvania 8. Tennessee 9. Texas 10. Virginia

11. Wisconsin 12. Maryland 13. Kansas 14. Arizona 15. Washington 16. Ohio

17. Iowa 18. Missouri 19. Louisiana 20. Oregon 21. Nebraska

Zomi Innkuan USA leh Zomi Primerica Teamte ii muna sia USA om Zomi theampo nah life insurance nei kiim tu ahi hi.

thomas tualkim

USA Life Insurance Agent-Pa Tual Kim le Zomi Innkuan USA

Ngamthak USA sia Zomite atu khualhaw pakna, sum thalaw pakna hi non ngawl ahikom, Zomi theampp nah hiak atheak masa ngam mite bangma, life insurance nei kiim thei tu makaite nah nasia takin ngaisutna anei na dungzui, July 2011 Atlanta Zomi Innkuan USA khawmpi pan, ZIUSA nah USA om Zomite sung Life Insurance zuakna tu Pa Thomas Tual Kim le Zomi Primerica Team tungah official endorsements piakna nei hi.

Tuni ciang dong Zomi Primerica Team ah State 6 pan agent/ agent seamtu mi 25 bang ki pha zo hi. Mai sang USA om Zomi kamphen kulngawl mimal 6,000 kiim teng tung nah life insurance le investment thute sonpui tu ngealna nei uh hi. . Pathian nah amate ngealnate hong tangtung sak ahile, October tha pan kipan anuai a State tatuamte khat zawk ciang khat pai tu ZPT te nah ngealna nei uh hi.

1. Georgia 2. Indiana 3. Michigan 4. North Carolina 5. New York 6. Oklahoma 7. Pennsylvania 8. Tennessee 9. Texas 10. Virginia 11. Wisconsin 12. Maryland

13. Kansas 14. Arizona 15. Washington 16. Ohio 17. Iowa 18. Missouri 19. Louisiana

20. Oregon

21. Nebraska

Zomi Innkuan USA leh Zomi Primerica Teamte ii muna sia USA om Zomi theampo nah life insurance nei kiim tu ahi hi.

Hiak Link pan ki en thei hi.

http://www.youtube.com/watch?v=5a0BiOiMdq4

WEB PAGE, BLOGGER, WORDPRESS TE TUNG AH LAITHAK

THU TATUAM NEWS PAWLKHAT TE SE, KUA MAMA II TUNG PANH SOURCE KILA KIK HI NGAWL HI. TUA BEK DOMH NGAWL , NEWS HONG PUAKTE II NOPTUAM ZONGH AKIPIA HI NGAWL HI.

NANGMA II WEB, BLOG LE WORDPRESS TUNG AH ATKIK THEI NI HI. A HI HANG IN, THU TATUAM PANH NALAAK AHIKOM, (SOURCE:THU TATUAM) NONG AT SAK TU KONG NGEN UH HI.

HI BANG IN A-AT BLOG, WEBPAGE TE TUNG AH LUNGDAM UNG, A AT NGAWL PAWLKHAT OM AA, THU TATUAM PANH HE ZO NGAWL TU KISA HI TUAK HI. HONG KI-HE NGINGE HI, REPORTER TE II NGETNA BANGH IN, THU TATUAM CISIA NONG AT HAMTANG TU HONG NGEN ING,

TUANGPU
THU TATUAM

August 25 (Tuni) SOM AH 6P VAI THUSONNA

Tulaitak malaysia ah thupiang biomatric system (Khutzung meak tuvai) taw kisai in,

1. khutzung meak tu maw.?
2. Meak ngawl tu maw?
3. bang hang hi thu piang?
4. bang hang UNHCR card toaite meak kul
5. Nasepna / vanleang leen ah nidang ameak ngeite bang tat tu?
6. Kipawlna pawlkhat na bang hang meak ngawl tu ci/ meak tu ci kik laleau bang hang zia?
7. NLD, BMC, ZAM, ZIM te bang hang kimeak sak ngawl zia?
8. ACR / CRC card toaite bang law tu?
9. Cia sak kik tusia bangbangh?
   

tua thu taw kisai athiang tel nuam te SOM (Siyiyn Organization of Malaysia ) ah August 25 nitak nai 7:00 in thuson na om tu hi.

thu tatuam

Yangon Thu Piang Khat

Dear All,

1 ) Eima Sizangmi khangno numei 4 ( Theizang 2, Siyin khua 2 ) te shya passport atheam(atuk) tawh Ygn pan kiman hi.

Theizang 2 shya akhua puite na tankikzo aa adang 2 shya akua tatak ci kiteltakngol lai,kikansan laitak hi.Akhua

puite zong in kansan laitak hi.

2 ) Ngamdang ah akizuaktu hi tuak aa, asam pan kipan puansil nikten dong kipuasak pai hi. Mizuakte zong kimanzo ci hi.

3) Mailamsang ah ngamdang paitu amuanhuai vacin ahi bale YSBC ma innpi in hongnei hen aa athu ala ahe zawhiat te ma

hongdong phot le pha kisa tek hi.

Deisakna tawh,

Bo Kamno

YSBC

KHUT ZUNG MEAK TU VAI TAWH KISAI

August 22 UNHCR in, Khutzung meak tu in, Refugee kiawpawlna te in son

August 23 zing nai 9:00 Refugee kipawlna te, Putra Immigration zumhpi ah pai mi 20,000 val pha ,

August 23 sun nai 2:00 UNHCR te in, a lamet mi 3,000 khawng bek hi aa, 20,000 avak ciang lamdang sa in, Facebook (UNHCR Group) tung ah, meak ngawl tu in, khaam,

August 23 nitak nai 4:00 UNHCR zumh OPI, IAD officer te in, Khutzung meak tu vai ka he bua uh ci thu piang

August 23 nitak minam tatuam kipawlnate COBEM in lampui aa, August 24, zingciang UNHCR lampuite taw kimu tuvai kison dokna nam 5 ngen

1. - Malaysia kumhpi ii khutzung meaksak sia vaitaw kisai meetna bang om ziam?
2. - Khutzung meak natu vai ah aki contact thei ngawl te bang law tu ziam?
3. - Refugee teampo ii alaubel siase (Ngam Cia kik tu) hi aa, tua kammal akizak sia se abang hang tatak ziam? Bang hang hi kammal "Ngam cia kik tu" kici ziam?
4. - Innkuan khat sung ah Sontena"a U in, angam cia kik tu ci aa, khutzung meak in, anau in, permit ngaklai cisia taw khutzung meak bangh hi le tute 2 se bang hang ki lamdang ziam?
5. - UNHCR ii Facebook tung ah khutzung meak ngawltu ci vai sia bangbangh ziam?

August 24 zing nai 8: 57 in, UNHCR officer Jose Alvin Gonzaga in, refugee kipawlnate tung ah laithak (anuai aa lai hi)

Thu Tatuam News

August 24 zing nai 11:00 pawl in, Putra Khutzung meakna ah, COBEM lampui te UNHCR officer Mikhel te kimu dokna theampo kizo siat in,

1-Khutzung meak te Operacy khat om le suakta tu

2-Akicontact thei ngawl te zongh meak kultu

3-Hi Lai hang in, banghma banghma nawngkaina om ngawl tu hi. sum ngaa na laidal khat in na ngaisun lel un ci

4. Ngam kipuak tu ci sia se thupoi in ngaisut kul ngawl hi, acia nuam om le cia thei hi.

5- August 23 ni mihing tam lei ahikom mihing khepsawm in, vaihawm na hi, august 24 ciang kipua kik zo hi ci hi.

August 24- 26 sung khutzung meaktung list teng

� CRC/ACR-400 individuals @ 8am

� BRO/MMWC--400 individuals @ 10am

� FRO/KAREN-400 individuals @ 12Pm

� KACHIN/KARENNIE-400 individuals @ 2Pm

� SHAN-200 individuals @ 3am

� DAI/MON-400 individuals @ 4pm

Atung ateng aman zawk ciang hi anuai ateng zongh aban aban in Malay kumhthak zawk September tha sung ani tu leh ahun tu kizak in, kimeak sak tu hi.

BMC, RSM, ERCA, STROM, NLD, ALD, ZAM, ZIM, FALAM AGAPE, ARAKAN

Thu Tatuam

ACR AH MEETING OM TUH

Malaysia ngam KL khuapi ah, tuni August 24, 2011 nitak nai 5:00 in, 6P (Khutzung meak) vai tawh kisai in, thu kikupna nei sawm hi.

ACR kipawlna panh mi nam tatuam kipawlna 17 teng hi phot tu aa, Kipawlna dang te kihel ngawl tu hi.Athu cing in, tunitak ciang hong kisua sak kik tu khu hi.

thu tatuam

TAI KUA AH CYCLE ACCIDENT

Voklak khua Pa Kam Pau Tapa Suapui Lian Khen Sing se alawmpa Vangteh Khua mi Suapui ????? se August, 22 nitak in, Phai panh Taikua ah, Mawtaw cycle taw apai suk lam, Kawlte saksang apai to khat taw Cycle tetek kiphu tha in, Kawlpa se thi pai ci hi.

Suapui Lian Khen Sing zongh khua phawk ngawl ahi hang, August 24 zingsang in, khua phawk kik aa, alawm Vaangteh suapuipa se, zongh banghma tat nawn ngawl ci hi.

Thu Tatuam

ZOMUS LAMPUI THAKTENG

ZOMUS in, August 22 , 2011 nitak in, meeting nei aa, anuai abangh naseam tu mi kisee na nei kik hi.

Advisor : Sya Hen Khup, Sya Huam, Sya Khampi, Sya Thawn Thang(KB)

Chairman: Tuangpu -MSCCF
V-Chairman: Tuangpi -Canaan
Secretary : Biaktung - Canaan
Join Secretary: Khaipi - UZO
Join Secretary: Suihlun - Canaan
Treasurer : Khual Tawng, Mangpi, Taapi
Accountant : Thawnpi, Maamang

Thu Tatuam

THU TATUAM SIMTE TUNG AH HESUAK NGETNA

Nisim hong ki at tawn tung thu tatuam news te se, computer kisap na tatuam leh, editing kisap huu in, Lai sentence man tatak in hong kisuak ngawl tam tatak om in kimu kik hi.

Laimal, Sentence ahi zongh akisap nate leh, khat vavei ciang, laikhetsa sentence te editting aphatak ka vawt ngawl uh man hi in, nong telthiam natu hesuak kong ngen hi.

Ahoizaw in kong hanciam lai tuh uh hi.

tuangpu
thu tatuam

KHUTZUNG MEAK VAITAW KISAI UPDATE (AUGUST 23 NITAK NAI 11:00)

To all UNHCR document holders in Malaysia: Please DO NOT go to the Putrajaya Immigration center for 6P registration, until further notification from UNHCR. UNHCR is currently in discussions with the Malaysian Government on this and we will provide you with information on what you need to do, as soon as we can.

UNHCR ii Facebook tung ah atung ah lai UNHCR in August 23 sun nai 2:00 pawl in, hong at luilamh hi, UNHCR in, Nipi Khuavakni August 22, 2011 sun nai 12:00 pawl in, community teng meeting sam in, Khutzung meaksiat kultu in son aa, Tuni (August 23) ciang meak ngawl phottu ci in, UNHCR ii facebook sung hong at laleau na ahang se, Khutzung meaksak ciang aki fill-up form tung ah Kawlngam ciasak kik tu ci thu a om hang in ki muang maw hi.

UNHCR in hi bangh in, "Kawlmang thu, Akpui in Pheetlet" ci bangh keak aa, thucian om ngawl aa, refugee kipawlnate tung ah, Malaysia kumhpi ii sawl ci aa, August 23-26 sung khutzung meak tu acise lamdang kisa hi.

August 23 nitak COMBEM Lampuina tawh, thukikupna vawt in, August 24 Malaysia kumhpi tung ah khutzung meak ciang alai tung ah

1. KAWLNGAM PUAK KIK TUH ci vai le
2. UNHCR ii facebook tung ah Immigration center ah khutzung meak ngawl tu acikik thu

taw kisai zinnai 10 : 00 or 11:00 pawl ciang, UNHCR lampuite tawh kikumh kik in, athu alaih kik bua in ahi leh, Ngambeal kipawlna te in, bangbangh bangbangh ahi zong, Meaksawm ngawl phot ci thu kizaa hi.

Amin akipualaak nuam ngawl UNHCR officer khat tung ah akidok ciang "Malaysia kumhpi te na, Ngambealte ii khutzung adeina se, mihing akithat khat a om ciang, refugee te zongh hi thei tu aa, hong muanmawk man hi" ci hi, Refugee khat athi ciang zongh athatpa ii khut mapawn se, athipa ii pumpi or vanh khat papo tung ah om aa, tua khut mapawn neipa vo mat hak peuma hi, tua hang in, hong meaksak hi" ci hi.

Thu Tatuam

LYBIA NGAM SUNG BUAINA VENGSIAT TU ZIAM

2011 sung leitung ah ngam buai bel ngam khat ahi, Lybia ngam sung vai se, tu in buaina teng vengsiat zo tudan khat hong suak hi.

Gaddafi langpang pawl in, nungpini sung panh Gaddafi pawlte zothal in, August 22 , 2011 ciang atapa 3 (tapa 7 nei) matsak aa, Gaddafi zongh ataai hong kul hi. Gaddafi langpang te alampui Mustafa Abdel Jali in, Tripoli khuapi ii 90% se amate khutsung theng zo aa, Gaddafi mama matzawk mateng, ngalzawna Dialkhaih khai ngawllai tu khu hi ci hi.

Ngam tatuam lampuite in, nipini in, Gaddafi tung ah, ki niamkhiat in, ki-aap tu ngen hi ka leh, ama uk ngawl hi. August, 23-26 , 2011 sung se, ngam tatuam Lybia embassy teng kikhaak siat tu ci hi.

source: all international news

ATHI NGEI NGAWL DOCTOR LE AKHIAL NGEI NGAWL MIHING OM NGAWL

Daredevil Todd Green akici Stunt vawt khat, August 22, 2011 in, a Stunt vawtna panh suakkhial in thilaw ci hi.

USA ngam Southern Michigan thangsang , Vanleang tung panh Helicopter tung ah akaa sawm na panh akhut kipeal tha in, pi 200 asang na munh panh taak suk ci hi. Apoai en mi 75,000 pha aa, hi bangh in suakkhial (accident) se lamdang sapeuma hi, Stunt alaak zawk kumh 25 cing zo hi.

Source: Mirror

SRBA EC Meeting Sapna

Anuai a hunngeal na ombangin SRBA EC Meeting te in, thu kikupna (meeting) neisawm hi.

• 6 Sept.2011 Women + Christian Edu. EC Meeting, SRBA Zum,At 10 AM- 3PM each day
• 7 Sept.2011 Youth + SCLD EC Meeting, SRBA Zum
• 8 Sept.2011 E&M + MF EC Meeting, SRBA Zum
• 9-10 Sept. 2011 MC Retreat + MC Meeting, SRBA Zum
• 26-27 Sept. 2011 Mission Conference, Tahan Siyin Baptist Church
• 27 Sept 2011 Mission Consultation, TSBC ma ah kivawt tu hi.
• 28 Sept.2011 Sia SRBA Main EC Meeting hitu a, TSBC ma ah ki vawt tu hi.

Hongthak Sya daltung ah lungdam

KHUTZUNG MEAK TU VAI

Khutzung meak tu vaitaw kisai in, Malaysia ngam om ngambeal kipawlna tatuam in, Immigration zumhpi Putra aa paisawm tek hi.

ZAM panh se, August 23 ciang pa kipanh ZAM zumh panh ding in, apai nuam theampo vaihawm pui sawm Mihing khat ciang RM 15, (Bus Saap) in laa hi.

ACR panh personal eima le eima apai te in, co-ordinator James Thang Deih Ph: 012-6339897 se Putra Immigration zumh thet ciang kipaupui thei tu hi.

Sizaang kipawlna SOM panh se Nipizawk ni4 August 25, Nipizawk ni5 August 26 zing nai 8:00 in, bus 2 kivaihawm hi. Mikhat ciang RM 10/- bekma bus manh kingen tu hi.

thu tatuam

THUKLAI HYDRO ATU SUMNGAA NA

(1) Sma Ciang Za Dim te unau (Aus) pan Ks-200,000/-

(2) Dr Huat Za Mang & Family (US) pan Ks-803,000/- (USD-1000)

(3) Kam Za Pau (Aus) Ks-129,000/-($ 150 )

(4) Kam Cin Tual (Aus) Ks-129,000/- ($ 150 )

(5) Pau Lamh Cin (Aus) Ks-215,000/- ($250 )

(6) Thawng Mang (Aus) Ks-258,000/- ($300)

(7) Dim Saan Cing (Aus) Ks-258,000/-($300)

(8) Dim Huai Cing (Aus) Ks-258,000/-($300)

(9) Man Suan Huai (Aus) Ks-258,000/- ($300)

(10) Hau Khan Huai (Aus) Ks-430,000/-($500)

(11) En Za Pum (Aus) Ks-430,000/-($500)

(12) Zam Man Huai (Aus) Ks-250,000/-($300)

(13) Pum Khat Suanh (Singapore) Ks.100000/-

Tuteng ci phot tawng, Topa thu pha,

Hong phawk,

(Suakzanang-Secretary)

UNHCR CARD NGAA SATE KHUTZUNG MEAK KUL TUH

Malaysia ngam om UNHCR card toai theampo zongh khutzung meak kultu ci in, August 22, 2011 UNHCR in, Community te tung ah son hi.

Malaysia ngam ah, ngambeal 90,000 om aa, tua sung panh Salangor ah a omteng se, August 23-26 (ni4 sungteng) meak kultuh ci hi. Ni 4 sung bek hun apiakna se, 6P programmed sung atum teng in, Nipi khat sung mi teng 1 bangh man ahikom, Ni 4 sung se UN ngaasa mi 90,000 val teng in manman lalawm tu in lam en ci hi.

UNHCR tung tawn in, Khut zung meak te se, 6P programmee taw kisai ngawl aa, Malaysia ngam sung om UN mi bangza pha ci'n chepteena bekma hi in, illegal se Legal in cheptee na hi ci'n ACR lampui Chairman Simon in son hi.

Salangor sung teng se, Putra Immigration zumhpi ah meak kul tu aa, community khat zawk ciang khat abaan abaan in, group in khen in meaksak tu ci in, kiza phot hi.

thu tatuam

ZOMUS LAMPUITE MEETING NEISAWM

Zomi Music Uplift Society (ZOMUS) Malaysia in, mailam sang kalsuan zia tu tawh kisai in, Lampuiteng meeting khat August 22, 2011 nitak nai 6:00 pawl in, Pa Hen Khup Chairman Inn ah neisawm ci thu kiza hi.

Tulaitak malaysia Zomus lampuiteng se

Advisor Sya En Khan Nang

Chairman: David Henkhup ( MMC )

Vice-Chairman: Tuangpi ( MMC )
Vice-Chairman 2: Khampu ( Cannan )
Secretary: Biaktung (Cannan )
Assistant- Secretary: Tuangpu (MSCCF )
Assistant-Secretary: Suihlun ( Cannan )
Treasurer : Khualtawng ( Cannan )
Treasurer : Taapi ( Cannan )
Accountant : Honpi ( MMC )
Accountat : Maamang ( MSCCF )

THU TATUAM

PA THUK KIM (NEW EDEN) DAM NGAWL

Kawlpi New Eden Hotel nei pa Thukkim se dam ngawl in, Yangon ah kibawl sawm hi ta leh, Yangon panh damh thei natu Zato vanh cing ngawl ahikom Kawlpi ah kipuato kik phot ci hi.

Ama se June tha bokuan khawng in, dam ngawl aa, June 29 in, Oxygen diik ngei in, Anatna se, Lungnat nei in, tua kawm panh Nauta(kidney) nei hi.

Nung nipi sung Yangon ah kibawl tu in, kipuaksuk hi ka leh, August 21, 2011 zing nai 8:00 Kawlpi ah thengto kik ci ahikom, akua mapo in, thunget na ah phawk tek tawng.

Thu Tatuam

Australia Ah SWA Te In A 2veina Meeting Nei

Australia ngam Perth ah, Sizaang khantona tu in, Siyin Welfare Association te in, a 2vei na meeting Pa Hang Za Pome te inn, August 15, 2011 nitak nai 7: 00 pawl in nei ci thu kizaa hi.

Thu Tatuam

ISREAL TE IRON DOME KIMANG THEI

Isreal te ii tukumh sung anei ngalhiam thak Iron Dome in, Isreal ngam akikaap Hamas te ii rocket tang 3 susia sak zo ci hi.

August 21 (nipini) zing rocket tang 6 taw Ashkelon khua hui ah Hamas te in kaap aa, tua sung panh tang 3 se, kikaap vawk kik ci hi.

Beer Shaba khuapi zongh nino nitak kikaap in, Saang patangte khaalsang khak laitak hi in, kuamama thi ngawl bilbel cihi.

source:isreal news

MOPOAI SAPNA

Limkhai khua Pa Kam Khua Pau le Nu Ciin Khan Huai te tapa
Thang Thian Mung@Mumung
le
Heilei khua pa Langh Do Dal le Nu Ngoih Khan Man te ii tanu
Man Ngaih Kim@Kim
te ii pumkhat suana mopoai se,
Malaysia ngam, Salangor, PJ (Sun Way)
Myanmar Christian Fellowship biakinn ah
September 4, 2011 (Nipini)
Sun nai 12:00 pawl in neisawm hi
Akua mapo in uap tawng.

thu tatuam