Guatemalan ngam ah ngalkap lui 4 se 1982 Guatemalan Tualngal lai in mi 201 athalup huu in, kumh 6,060 thong taak tu in thu kikhen hi.Amate se Lt. Carlos Antonio Carias le special ngalkap akici Manuel Pop Sun, Reyes Collin Gualip le Daniel Martinez hi in, Kumh tu zaza ataak theina ahang se mi khat athalup huu in, kumh 30 thongtaak sak aa, mi 201 ciang 6,030 hi in belap kumh 30 se mihing hingkhua cizaat nei ngawl in athaalup huu ci in, Los Angeles Times sung kisua hi.
Numei le patang te kihel in, mi 201 se ni 3 sung vawtsia zazan in tua zawk ciang, thatlumh ci hi.
Guatemalan ngam tualngaal se 1960-1990 dong kumh 30 sung hi in, Tualngal huu in mi 200,000 val thilaw hi.
Anungsang Thu Tawm
Hi Tualngal athaw na ahang se, US te in, Guatemala ngam leitangh te se, US ngam United Fruit Company in a uk bangh in, zeak sak nuam ahikom, Mayan minam te in lungkim ngawl in, langpanh aa tua panh tualngal tho hi.
1976 Feb 4 lai bangh Tualngal anei kawm panh Zinh liing lalai aa, Zinh liing huu in, mi 23,000 thilaw aa, 77,000 se liam in, mi 250, 000 in Inn le lo suplaw thathong hi.
Thu Tatuam
No comments:
Post a Comment