A '14' veina SRTE Camp nuamtak in hong kipan sakin, nuamtak in thupha taw hong zosak ih biak Topa Pathian tungah lungdam ih ko masa hi.
A pilna, a thiamna, a hun le, a tha le ngalte siitngawl in itna le lainatna taw eite hong vei man le Pathian a itna taw hong kipia Pastor Thomas Pau Lian Tuang le Team te tung zong ah kam taw a kison zongawl lungdamna lianpi ih nei a, ih Topa Pathian in Van hauna le lei hauna thupha namcin taw hong thukik sak tahen. 
Pathian a itna uh le a mipuite hong itna uh taw in toi kale zong toi khu hi ci ngamngawl in, sep le vawt tu theampo, zintunna le a kisam bangin vaipuak lianpi hong laksak innteak Kalay Siyin Baptist Church(KSBC) le a seam a vawtte tungah lungdam ih ko hi. 
Atuan in, Gospel Team te Motor taw hong muaksak Upa Bo Lian Khan Dal (Bo Dalpu) te innkuan tungah, Gospel te Aksa taw hong vaksak Nu Man Za Dim (Zo Mangnu) te innkuan, Syate Cool-drink le purified water taw hong zindalsak Nu Vung Man Cing (Thangpunu), Inn nuamtak in hong zangh sak Nu Cing Za Lian (lady wife of late Bo Taung), Gospel te le SRBA-OB te nuamtak in inn hong zanghsak, hong tungsak Nu Dim Khua Lian (Myomah Hotel) te, Camp sung tawntung hong uap in ngaihsut pha hong pia Rev. Lian Khua Hau, SRBA President, Camp sung tawntung Video record hong laksak Rev. Ngobeam te innkuan tung, naseppui OB te le tatsatngawl in thungetna taw hong mapanpui, ngamsung ngampua a om suapui u le nau akuama theampo tungah lungdam kong ko hi.
Hi Camp atu in ngaisut pha piakna a kipan, nei le lam piakkhiatna le tha le ngal pia in hong seppui, hong ngimpui a kuama theampo tung le naseppui a kuamapote tungah lungdamna kong ko hi. Note ii na piakkhiatna, na ngim na khamna theampo te hu in ih biak Topa Pathian in Athupha namcin taw hong thukkik tahen.
Hi hunsung tawntung, thumanna, citakna le kipiakkhiatna taw in Camp ong kaa a kuama theampote tung le thungetna, piakkhiatna le sepkhiatna taw ma a pang te theampo tungah ih Topa Pathian in Van thupha, Lei thupha taw hong tuam tawntung tahen. Amen!
Lungdamnalianpitaw, Christsungah;
Pastor H.S. Langh Go Laang (Laangpu)
Evangelism and Missions Department & Men's Fellowship
Siyin Region Baptist Association (SRBA)
No comments:
Post a Comment