Kawl kumhpi in, Kachin State Irrawaddy Dam construction site ah akhin sawm Thinglamte se, akhiin tu vai tawmvei tawlnga phot ci hi. Kachin Baptist le Roman Catholic pawlpi te in, Loiyang Bum mual ah thinglamte khat vavei phut in, Kachin Baptist pawlpi te ii thinglamte koi na munh se thunget mual ci'n thunget na inn zongh asak sa hi.Hi munh se, Myitkyina sak sang tai 27 na hi in, nung thawkik poai kikhop zongh KBC in hi munh ah vawt ci hi. Hi munh ah thinglamte akikoi se kumh 100 val zo in kison aa nung tatak in Ministry of Electric Power-1 le Asia World Company te in, Dam alian mama khat sak sawm aa, December, 2009 kumh panh akipat hi in, Thinglamte 2 se phuktan sawm ci hi.
Tua ahikom RC pawlpi le KBC pawlpi te Asia World company ii zumh ah April 6 and 8 in sam aa, tho ahi hang, KBC le RC pawlpite in nial in April 6, in, KBC pawlpi panh Upa 85 te in letmat thoe in , Thinglamte omna munh hui ah project anei ngawl natu thokik hi.
Myitkyina Zonal Kachin Baptist Convention in zongh emergency meeting khat Tang Hpre Baptist Church, Myitkyina, ah April 18 nei aa, Kumhpi te le Asia world companyte ii nasep te nialvawt tu khensat hi.
Tua ahikom Kawl kumhpi in, thinglamte phuktan tu vai tawm vei tawlnga phot ci thu Kachin news tung tawn kizaa hi.
No comments:
Post a Comment