SHS Thuklai (Sangpi) sia Topa ih,Sizang te hong piak tel(Letsong) sung pan a lian ma ma khat hi.1947 kum in,Tedim, Falam, Khalkha te nga ma sia in ki nga zo hi.Tua a hi man in,hong ki eang in,hong ki du ngawk tek hi.SHS dei in,a seau te in SHS khat ki sam ungh, hong pia ta vun ci ngawlin,SHS Thuklai sia a ma te a tu ki lawm ngawl a hi man in,ko khua ah hong tua ta vun ci bang in ki seau hi.Sang patang tawm lei Tan (10)ong tawm lei ci khawng a hi zong,Thuklai kiim le paam ah,Thuklai ah sangkaa thei tu khua aki naai tam bo ci khawngin,thu le la te lak in,ih sangpi hong sut nuam hi.
Thu thiam takpi ngawl napi,ih Thuklai Sangpi team thei na tu in,Khuasak khua le Liimkhai khua thu nei te tungah,Middle School kong pe tu uh ci-in kun zawsap a,Khuasak Upa te in a thin sung thupuak phat ngawl he a hi kom,sang ngawl hi.Thuklai Sang sangpatang kiamcip in hi le ih sang innpi hong sut zo tu in ki um hi.
Tu la leau ciangin,Tan (10) ong sazian a pha ba le (Sasit thanah) kong laaksak tu ci laleau hi.Thuklai ei ma sanginn sungh ah,lai ih vuan thei sia ka tengat na tu ka he bua hi. Tedim khua ah lai vuan ngei te in,mangil thei tu kong um bua hi.Kei Tan (10)vuan hun in,Tedim khua ah Sizang mi inn (2) bek ma om hi.A inn (2) ma in thu thiam hi.A hi zong Sizang mi takpi Tedim pai sia son thei hi ngawl a hi man,a ma te zong ngim zo hi.Lai vuan tu nai va ial zin tun na tu thin ngim in,ih lai et te zong thin sung tum nawn ngawl hi.Ih Zintun na tu te ki( aa-na) lei a hi man,Nipi khuavakni laivuan kipan tu sia,Nipi ni in,Thuklai pan peang in ki pai hi.Ih thet nai ciang khuangai,patau in ki lau va ial hi.Hi thei le ih zin te lup zawk hiat khawng ki theng nuam zen thong hi.Ih zin te mit ha en in nipikhat tawntung ki om in,a ma te mei mi hu hun in ih lai et a ki man hi pai hi.A ong ki tam ngawl pai hi.
Zintun na tu bek hi bo,Thu dang tam ma ma om lai hi.Ko hun zawk ciangin,Thuklai sang pan Tan(8) le Tan (10) vuan tu pai te Tedim tangval te in hongpang in,molpum naamsau taw hong del hi.Ngaknu no thaneam vadil te Tangval tha haat ma ma ungh a ci tein,vel vadeap zen thong hi.Zintun ah hong sim hi,Sanginn lam pan hong pang hi.Laivuan man ni vel ci tak hong vel hi.Tedim khuasung lampi tungah,Sizang kam ki pau ngam ngawl hi.Kua ma seam lai ki ong peu ma ngawl pai hi.
Minam thu,ngal le sa vai hong phuang hi ngawl khi hi.Hi za in hong ki ngaimawk zong,ei ma khial na zongh tam ma ma tu hi.Hi ka le ka son nop thu sia,ni dang hun in hi za in ham sa in,lai ki vuan hi.Tu ni ei ma sanginn sungah,lungmuang tak in ki vuan hi.A ong % a pha ba le ei ma saanginn ah ki vuan thei nawn ngawl tu a,mun dang ma ah pai laleau tu ci thu hi.Sizang te ong % tawm lei a hi ciang,mai ciang Thangnuai (or)Daakbung (or)Pangsak (sasit Tha-nah) ah laivuan in pai tu nu hi ci le ih nui zo tu ziam?
David Kumpipa Topa a up man in,a tu/a ta khang bek hi ngawl tu ni dong Israel te thu pha nga law hi.Sizang te Pu Thuam Hang/Pu Pau Suan te thu up man in,ih nga Thupha te ih Kamphatna (Lucky) khawng ih sak ngawl tu thupi ka sa hi.SHS Thuklai sia a min hi.Khuasak ah om le SHS Khuasak,Buanman ah kisa le SHS Buanman ,Lophei ah kiphut le SHS Lophei ki ci tu hi.Tua a hi man,a thupi bel sia a min hi ngawlin,Sizang mi peuma in,kei ma sanginn ih ci thei tu thupi hi.A thupi zaw lai khat sia,keima sanginn pan keima pan ki pan,ka tu/ka ta te pil na nga takpi ta hen ih ci thei tu thupi ka sa hi.
Ei minam a hi peuma ngawl, Kawl Syama khawng te Sasit tha-nah ih taan tu ei sang a patau zawk sia,maizum huai ka sa hi.Tua a hi man Thuklai Sanginn ah,2011 kum Tan(10) vuan tu (17) an ki vaak in ki khum cip hi.Ngamdang om Sizang mite in, ih nai khat tha man pia leang kicing val tu hi.Pu te up na hang in,ih luasuk ih nei/ih ngamh te keamthiam tawng.Sizang mite Topa in Thupha piak ta hen!
2011 Kum SHS Thuklai Boarder a tu hu na pia teng a nuai a bang hi.
Hang Za Pome $50
Kam Za Pau $100
Pau Mang $100
Pau Lamh Cin $50
Kam Cin Tual $20
Cin Khan Kap $20
Kap Cin $20
Thang Lamh Thawng $20
Mang Cin Dal $10
Thawng Mang $50
Dim San Cing $50
Dim Huai Cing $50
Man Suan Huai $50
Hau Khan Huai $50
En Za Pum $50
It na taw
En Za Pum
No comments:
Post a Comment