Cin Lua Pau Suakta Kik

Suapui Cin Lua Pau S/o Suak Za Nang Limkhai se Malaysia ngam ah 2010 September tha in kiman aa, June 30, 2011 in cidam in hong pusuak thei hi.

Hong suataak thei natu in UNHCR in panpui in, UNHCR ii cheptee na RSD laidal khat taw hong pusuak hi. Ama se nasepna akuan na panh kiman aa, tha 9 tu khawng thong taak man hi.

Pa Cin Thang Kihui Zo

Malaysia ngam KL Salayang ah setbing taw tuasiat in hong nusia Pa Cin Thangs/o Khup Ngo Limkhai ii luanghawm phumna se Salangor Batu Orang ah apawltum na Canaan pawlpi pastor Rev Lian Za Huam in July 1, 2011 in leisung aapna nei hi.

Daw Suh Kyi Khualhaw Tu

Kawlngam Opposition party lampui Daw Aung San Suh Kyi le atapa Kim Iris se, July 4, 2011 ciang Bagan ah Air Bagan banleang taw pai tu hi.

Tutuung akhualhaw natu se, ama Innkuan atapa taw, Innkuan picnic dan in, Bagan ah apai tu hi in, Ngamvai (Politic) taw banghma kisai ngawl ci in, Yangon NLD taw akinai huai khangno pawlkhat tung pan thu ki zaa hi.

Pa Thukkim (New Eden Hotel) Dam Ngawl

Tahan Pa Thuk Kim, New Eden Hotel neipa sia Lung le Nauta natna taw tulaitak a Inn ah Oxygen taw in om hi kici hi. Thungetna taw phawk tek tawng.

Delhi Ah Patang 17 Thi

India ngam Kolkata, (capital of West Bengal) ah June 30,2011 in nausen asua tu hun asuak ngawl oxgen diik nausen 14 se electric mei man ngawl in, Operation room sung mei kitat in, thilaw hi. Tubangh ma in 2006 kumh lai nausen 22 se thilaw ngei hi.

source Ref: AP, Kolkata Press

Malay Prime Ministerpa Ngeau It Ci Luilamh

Hi Malaysia prime minister pa Najib Razak na ngeau it thei peuma aa ning kumh june tha aa akhawi ngeau te pung sak saseam ci meak,

Dunkley Suatakik Zo

Myanmar Time Media lampuipi Ross Dunkley, se June 30, 2011 in Kawl kumhpi in suataak kik hi. Ama se anaseam Kawlte numei khat mutzaa pia in, buansawm ci in kingaw aa tha 6 thong taak tu in February 2011 thu kikhen in, sum 100,000/- (USD 147) leau sak hi.

Athu man tatak bangh hi leh ama se ngam vai taw kisai Kawl kumhpi in mu thei ngawl aa, Numei nu taw thaang asia in kison hi.

Chin State Lampuite Nailang Meeting

Akhat veina Chinstate Special Parliman meeting se, June 29, 2011 zing nai 10:00 pawl in Hakha khuapi ah vawt in, State lampui theampo kihel kim hi.

Delegate 24 tek kihel kim in, State sung thukun leh constitution taw kisai puaphat tute puaphat tu in thukimna nei in, zing nai 10:30 ciang thu kikupna man pai ci hi.

Chin State Government Quater

By: Rev Laangpu

Association dangte ii nasep dan le ei koibang ziam enkaak tawng.

Hi Building sia Dawl '4' pha in, Lairawn Baptist Association te in Kalay Myo Downtown ah a mate Zumpi atu in, a saksan laitak hi a, nasia mama hi. Sum tam mama bo tu hi kale midang te ii huuna kihel ngawl in, inn om, ngam om amate minamte hi hanciamna nguanguak hi, ci in kison
hi.

Ei zong mailam sangah ih ngam ih lei le ih Pathian itna ngamtatna taw mite bangin lak zo leang pha ngawl tu ziam?

Rev, Laangpu
Kalay Myo.

Zongam Sung Thing Namtui Kuung Kicing

Hakha khua, Matupi lampi sang ah Thingnamtui kungno a vawt khat om in, amasia Myitgyina ah Seminar kaa ngiat in a sin ahi hi. A kungno a lei nuamte in kung khat ciang in Ks. 4000 /- taw kilei thei hi.

Tutung Hakha ka om sungin a inn ah ka haw a, hong son ahi hi. Hi Thingnamtui te se Ngamdang company panh hong kilei lialua aa, Kawlngam sung ah Tuuk kipat ciang kiciing hon in, Nung Kawlnews Weekly Eleven sung zongh athu tawm ki aat ngei zo hi.

By: Rev. Laangpu
Weekly Eleven news sung ah asim nuamte: http://news-eleven.com/index.php?option=com_content&view=article&id=7175%3A2011-02-13-09-29-40&Itemid=157

Iran Pastor Khat Thunget Sak Tawng

Iran ngam pastor khat se thidan kipia tu in, Iran thukhen zumh in thu khen in, nai tawm vei sung ahi bua leh nitawm vei sung kithat lumh tu ci in, US base Christian ministry pan Jason DeMars, (Present Truth Ministries) in, son hi.

Jason DeMars,ii sonna ah " Ih suapui pa Youcef Nadarkhani se Iranian Supreme Court panh ama ii Muslim Biakna anusiat huu in, thidan kipia tu aa, athi sak tu hun kihe khol ngawl tu in, thukhen zumh panh ama te uk hun in, that lumh tu hi. Iran ngam sung panh se ama suaataak natu bangh ma na kiseam thei ngawl tu aa, International panh pressure bekma kipia thei tu hi" " tua ahi ciang, akua mapo Pathian in, nang ma se thunget sak tu in hong sak hi aa, Ih upna hang in thina kithuak tuh hi, Ih sep thei tu sia se, thunget sak na bekma hi" ci hi.

Youcef Nadarkhani se kumh 33-years-pha in, Iran ngam Gilan province Rasht panh hi. Ama se Tapidaw asuak zawk kumh 10 cing zo in Inn lakvak aa pastor aseam hi, 2006 kumh in, abiakna alaih huu in nipi 2 thong tak ngei hi.
Tapa 2 nei aa Kumh 8, le Kumh 6 cing zo in, asaangkaa na ah, Muslim ngeina zia le tong te sin sak va-ngaat ci hi.

Source:Worthy

Kawlpi Immigration Zumhte'n NRC Nambat Laihsak Sawm

Ngam tatuam om Zomi uleh-nau te atu in, THU TATUAM (Siyin News) tungtawn Inn sang thu zaaksak na hong nei tawn tung, Rev Laangpu se, June 29, 2011 in, Kawlpi Immegration te in sam in thudawhna nei hi.

Kawlpi Immigration department Incharge pa in, sam in athudokna ahang se, Yangon Passport zumhpi panh Hrang Khum akici min zangh khat in, Rev Laangpu ii NRC card nambat zangh in, Passport seau ahikom Yangon Passport zumhpi panh tua Hrang Khum akici pa se man ci hi.

Tua ahikom Immigration officer pa in, Rev Laangpu kung ah ama ii nambat laih tu ngen hi, Rev Laang pu in tua NRC nambat laih leh, a driving licen, Motor Cycle License, Bank Account Laibu le Passport Laibu te alak ciang, thu tam tato tu ahikom NRC nambat zongh lai sak kik ngawl suak hi.

Daw Suh Kyi Taw Akimute Sung Thutatuam Kihel Thei

Nung nipi sung Kawl ngam opposition party lampui Daw Aung San Suh Kyi in, Kawlngam sung zatui zaha taw kisai huuna apia Garuhna Hlah Yeih pan khangno pawlkhat, Ngam vai taw thongtak te tate pawlkhat taw thusonna nei in, Tua sung ah thutatuam yangon reporter Lia Esther D/o Nu Vung Za Vai (Suangdaw) zongh kihel thei hi.

Daw Suh Kyi in, Ih sepleh vawtte takkha tu in tha pia ah, mailam sang ah Khangno te hong ki lem en peuma ci hi. Garuhna Hlah Yeih pan Dr. Tin Myo Win in, Khat zawk ciang khat meihset na anei zawk ciang, Daw suh kyi in, Lia Esther tugn ah, Hi bang kipawlna sung ah, Zomi khat nong kihel thei lungdam huai peuma hi, Tapidaw ni ziam? Na biakinn koi sung ziam? ci ciang ki paupui man hi.

Malaysia Refugee Taw Kisai

YSBC Ah DOC Crusade Vawtsawm

Yangon Sizaang tuiphum pawlpi YSBC in DOC (Day of Challenge) se October 9-12, 2011 sung teng YSBC biakinn ah vawtsawm hi.

Hi thusinsak na ah thuhil tu main speakerpi in Rev Dr. JM Paupu sam aa, ngamsung ngam pua om suapuite akua mapo in Yangon Zomi sung ah Christ nungzui tatak Zomite ih hi natu thungetna ahi zong thatang taw ahi zong, sum le paai thaa taw ahi zong panpui tek tawng

report:bo kamno

Malay Ah Bengaladesh 500,000 Permit Ngaa Masa Tu

Malaysia ngam lampuite le Bangaladesh lampuite in , Malaysia ngam thengsa permit nei ngawl Bengaladesh ngammi 500,000 se khutpi meak in permit vawt sak kik tu vai taw thukimna letmat thoe ci in Home minister Hishammuddin Hussein in June 29, 2011 in son hi.

Malaysia ngam in nung nipi sung azaaksak na ah July 11 ciang pa kipanh nipi 2 sung permit nei ngawl malaysia sung a omkuu pawlkhat se anasep na ah seam suak sak tu in permit pia tu aa, pawlkhat se angam ah thong zong taak sak ngawl in, thin nuam tak in cia sak kik tu ci hi.

Source: AFP

US Mikhat Singapore Ngam Phunsan

Singapore ngam panh nasep taan in, USA ngam ah acia kik Singapore ngam tung ah athangpai US ngammi khat in New York khuapi Time Square ah Singapore and Prime Minister Lee Hsien Loong ahaw laitak in, Singapore ngam ii lipkhaphuai thu pawlkhat signboard toai in, Singapore ngam ii zaa-laak huai na thu pawlkhat pulaak ci in, Singapore ngam news "the straight Time" June 29, online news sung ah kisua hi.
Tua akiphin pa ii lai-at pawlkhat se mutu kilawm ngawl ci in phiat kik hi.

Source ref: the straight times

Philipine Ah Tuikhang Mi 25 Thi

Philipine ngam Davao khuapi thangsang Mindanao ah June 28, 2011 in nguazuu in hawktui hong khan huu aa, mi 25 thilaw in, adang 15 se a omna kihe ngawl ci hi. Ngalkap sang panh thunei te in "luang 25 kimuu in, tui se Pi 10 tukhawng khang ci hi.
Hi tuikhang huu in nguun hui ah teang Innkuan 15,000 se amun dang ah kiheam sak hi.

Source: AFP

Egypt Ngam Ah Tapidawte Vawtsiat Thuak

Egypt ngam Awlad Khalaf ah June 25, 2011 (nung nino-ni) in, Tapidaw te inn (Biakinn tu in akisak laitak) khat se, Muslim mipi te in halsak in mi 3 liamlaw hi.

Muslim te ii suksiat sak tua inn se 350 meter zai in, biakinn atu kisa tu in ngiimna nei ci in kingaw aa leitawna bulldozer taw susia ci hi.

Palikte in tua buai na apian na thu azaak zawh phet in delpai hi ka leh, abuai zawk angei dide ciang theng pheang hi. Egypt ngam ah se biakinn sak natu ngam president pa tung vo seau kul aa biakinn pawlkhat se, akumh sim in permit taak thei mama ngawl hi.

Anu In Atapeang Kopkhat That Kumh 5 Thongtak

Senngam thukhen zumh Dongguan No. 1 People's Court in southern Guangdong province in, Atapumlang zaw apeang(twin) unau 2 se athatlumh anu se kumh 5 thong tak sak tu in June 28, 2011 in thukhen hi.

Anu min se Han Qunfeng hi in, 2010 November tha in, atapeang te 2 se mutzaa (Sleeping Pill) pia in, Pumpi kidia kibualna bathtub ah koi in thisak hi.

Atate 2 se kumh 13 cingzong in, apian lai mama zong athacing ngawl in suak ci hi. Athalup zawk ciang ama le am azongh zunam zaa ne hi ka leh thizo ngawl in, hi bang in atha lup zongh se nuntak natu haksa lei sa ahi kom hi bang in ngamtaa ci hi.

AP News

Malaysia Ah Pumkhat Suana Mopoai

Tulaitak Malaysia ngam om Voklak khua Nu Cingh Huai ii tapa Tg Dal Bawk leh Lophei khua Pa Mang Do Kaang le Nu Mang Kaang Niang te ii tanu Lia Lia Cing Sial Lun te ii pumkhat suana mopoai se Malaysia ngam Kuala LUmpur khuapi Cheras Ulek veang ah June 28, 2011 nitak nai 5:00 - 7:00 sung nei hi.

Malaysia Ah Pumkhat Suana Mopoai

Senngam Meileang Thak USA Te Sang In Hatzaw

Senngam Beijing ah Naikhat tai 200 (300 Km) ataizao Thautang Meileang (Bullet Train) se Senkumhpi in vawtthak aa June 27, 2011 in tai kipan sak ci hi. Leitung ah Amanlaang bel meileangpawl hong suak aa, Tuzawk kumh 4 sung USD Billion 5 bangh zeak lai in, Leitung ah anasiabel meileang service vaihawmsawm hi.

Vanleangleen Pan Michelle Yeoh Ciasak Kik

Kawl kumhpi in, Hollywood Zillak Ciing (actress) Michelle Yeoh se Kawlngam sung tum sak ngawl angam Yangon Vanleang tualpi pan kilee sak kik ci hi.

Michelle Yeoh se Daw Aung San Suh Kyi taangthu "The Lady," filim kizaih ahikom (Black List aa koi ahikom), Kawl kumhpi in ama ii tat zia dei ngawl in June 22, 2011 in Yangon Vanleang leen panh kiklee sak kik ci hi.

"The Lady," ci film se tukumh bokuan khawng ciang, mipi ii et thei tu in, Hollywood in, Yokshin-zung panh kilak tu aa, Daw Suh Kyi ii Noble Peace tel(prize) ngaa na zongh kihel tu cihi.
Michelle Yeoh se 6 August 1962 Ipoh, Perak, Malaysia panh piang aa 1990 kumh ciang minthang hi.

Source:APnews

US Ngam Atumtuh Mi 80 Mi-ngilo Te'n Man

USA ngam sung tumna Mexico ngamngi ah, Mingilo thautoai te in, USA ngam atumsawm mi 80 tukhawng se amate naseam saltu in kaai ci hi.
Meileang khat Mexico saksang Veraruz sung ah atai kiim laitak maituam thau toai mi-ngilo te in, Meileang tung to mi 250 khawng zawkthawk thu tawk Meileang tung panh leang suksak ci hi.
Amate khutsung panh asuata pawlkhat se, Rev. Alejandro Solalinde akici pastor khat kung ah beal phot aa, amate suaktaak nathu acing se Pastor pa in, news sung ah June 27, 2011 in son kik hi.

Source: AP

Zomi Numeino Khat Ngamngi Pan Bo

Suangzang (Heilei/Kaptel khuaveng) khua suak, kum (15) a phapan Zomi nuneino khat, Thai ngam panh malaysia ngam tumna ngamngi pan bo hi. Ngamngi pan Malay ngam sung tumhna mawtaw laih natu sang ah peang taw apai laitak Palikte tawh kisi in, avekpi ngam sung ah taai mangn siat ua, Tua atai napanh Numei no nuse zongh alawmte in bosua ci hi.

Malaysia ngam ah amealheak te in, ama hong pai tuh thu zongh za ngawl in, alawmte Kuala Lumpur khuapi sung hong tum ciang abo na thu zongh zapheang ci hi. Malaysia Zomi kipawlna ZAM palai in abo nathu buaipui laitak hi.A zazen in, ngam ngi panh Palikte in, mansuak hileh, alungdam-huai thu hi in, Mingi lo tatuam zongh om ahikom, tua te in man leh, Khantawn ki ngeingawlna tu hi.

Source: ZAM report

Salai Tinmaung Oo Phawkna

Naywin khanlai in, ngui-awk in athaalup Salai Tin Maung Oo phawkna programmee se ngam tatuam vawt ci hi.

Photo:khonumthung

Australia Ah Damngawl Kivee-na

Australia ngam Perth ah, Sizaang pawlpi Perth Siyin Baptist Church pan lampui nataw, dam ngawl in a om suapui Pa Kam Cin Tual te pata te atu thu ngetsak veena nei hi.

Pa Kam Cin Tualte pata se tha khat sung bangh dam ngawl zo in, tudong dam ngawl ci in kizaa aa, thunget na ah phawk tek tawng.

Photo: Cingkhekpa's picasa

ZBC Lampuite HBA Te Kung Ah Pai

Pastor Za Hre Lian, Treasurer & Secretary of Zomi Baptist Convention, lampuina taw Man's Fellowship formation training at se Hakha Baptist Association, Kakha.ah neithei hi.

Tua thusinsakna ah
01. Rev. Thang Za Khum, President, ZBC-MF in (The Roles of the Fathers)
02. Rev. Langh Go Laang, V ice President, ZBC-MF (Fathers who are the Leaders of the Nation & The functions of SRBA Men's Fellowship)
03. Pastor Za Hre Lian ( The Importance of Men's Fellowship) pia thei cithu kizaa hi

Akiphum Natu Kuang Sung Ah Amale Ama Kimu In Thilaw Thong

Russia ngam Kazan ah numei khat se ama kiphum natu thaankuang sung panh ama le ama kimu ahikom anei lungnatna taw thilaw ci hi.

Fagilyu Mukhametzyanov, 49 hi in, ama se a omna inn panh khuaphawk ngawl in a om laitak apasal in Doctor khat sam in alak leh, Doctor in, thizo ci ahikom thaankuang (coffin) sung ah koi ci hi.

Akikoi zawk minit 12 zawkciang ama khuaphawk kik aa, Thaankuang sung ah ama le ama akimu ciang laulei in, Ciik-au liang aa amittangte vaal in, khuaphawk ngawl pai ci hi. Akhua phawk ngawl ciang Zato inn ah puak kik laleau ahi hang athisa in apuak suak thong laleau hi.



Source Ref : Korean Heral/ ANN / Daily Mail
Photo : Daily Mail Panh hi.