Topa Taw Maangkhawm

Cikha Khua sat Bu Captain Tun Za Dong tanu upa pen Nu Ciin Khaw Vung (68), Kawlpi, RTC Huang nung lianah teeng in tu zing June 10, 2011 (1:00 A.M. Kawlgam Hun) laitak in a it a tate 7, a tute 14, leh sanggam u leh nau, khua leh tui leh pawlpi mite nusia in a muan Topa kiang hong zuatsan hi. Amah Singapore a Pa Michael Hmun Hei pianna nu hi.

Vantung innpi kong khak a tun ciangin a paisa a it a pasal Pu Khen Thawn (L) in lungdam maitai in na muak dinga, gi bang khen cih om nawnlo in laitual lengkhawm ta ding uh hi.

Eite in ngai in kap mah ta le'ng, lungzuan khuangaih om nawnlohna, dahna khitui khempeuh a nulsak Honpa Topa kiangah sim leitung ngai nawnlo in mi siangtho pai masa te tawh "Siangtho, Siangtho, Siangtho" ciin Pasian tokhom mai ah nuamsa in phatna la sa in lamlam ta ding uh hi.

"Kei ngai in kap kei unla,

Kei omna ah hong pai un

I tun ding hong ngaklah

Van kongpi pan khut hong vaan"

Topa in Nu Vung hong nusiat hanga a dah a kapte khempeuh khitui hong nulsak hena, nopna, khamuanna Kha Siangtho ompihna hong tungta hen.

Nu Ciin Khaw Vung (68) Tangthu Tom:

Min: Nu Ciin Khaw Vung, Kum 68

Pasal: Pu Khen Thawn (L) (1988 in hong nusia)

A tate:

1. Pa Michael Hmun Hei, h/o Nu Betty Mang Huai, Singapore

2. Pa Biak Ceu (L)

3. Pa Sian Khan Mang, Kawlpi

4. Pa Dong Khan Pau (L)

5. Nu Cing Khan Lun

6. Nu Nem Suan Cing, w/o Pu Tongseal, Sweden

7. Nu Niang Lam Hau, w/o Pastor Kimpu, Lashio, Shan State, Myanmar

Nu Vung pen a pasal in a nusiat baih hangin citakna tawh a tate kemin pattaha mi picing suaksak in zi leh pasal a neih khit dong uh a kemtoto nu ahi hi. Hun sawtpi gilpi leh tuap natna a neih khit ciangin hospital pan a kibawl thei teng a kibawl khit ciang inn lam ah kikem dingin a ciah ahi hi. Inn lam ah sawtpi kikem manlo a hih banga hong nusiat vat ciangin lamdang kisa in kidah mahmah hi.

Singapore pan a tapa Michael Hmun Hei leh a zi Nu Betty Mang Huai in delhpah a, Lashio pan zong a tanu neu pen Hahau leh a pasal Pastor Kim in delhpah uh hi.

Nu Vung kha Topa kiangah tawldam takin khawlta hen.

Thupuak:

Note tawh a dah khawm,

Hau Za Cin leh Vung Deih Cing

June 10, 2011