Malaysia ngam UNHCR tung tawn in, ngambeal card toai Zomi khat in, Malaysia ngammi numei khat tenpui aa, Malaysia ngam mi hii na aseau hang ngaa ngawl ci'n Malaysia News (The Sun) June 9, 2011 in kisua hi.
Alawmpa min se David Sing Lian Pum 28 hi in, a Malay lawmnu min se, Amirah Ismail 25 hi. Alawmpa David Sing Lian Pum se, April 2010 in Muslim biakna sung ah tum in, amin zongh Mohd Daniel Abdullah ci'n laih liang hi.
Federal Territory Islamic A ffairs Department panh refugee te taw kiteang thei ahi hang, Refugee ahi huu in, ngam mi taw kiteang thei ngawl ci'n thukun om kici hi. Malaysia biakna sang kipawlna panh amate 2 ii kiteenna thu chepnate laipia ahi hang Danial se Kawlngam panh refugee ahihuu in piang sak thei mama ngawl hi.
Malaysia ngam in, UN ii vawt 1951 lai ngambeal taw kisai Letmat-thoe na banghma nei ngawl ahi hang, tuni hi bang ciaciang ngambeal te malaysia ngam ah a om sak se hong hesuak mama na in thunei te in son hi. Malaysia ngam ah ngambeal 90,000 val om in, Kawlngam panh se 92 % pha ci hi.
Amate 2 se, ansai khat ah nasep khopna panh akiheak zawk tha 4 zawk ciang akiten sawm hi.
No comments:
Post a Comment