Rev Dr. Lam Cin Thang

Kong it Ule Naute,

A nungta ih Hunpa le ih Topa Jesu min manpha taw kong paupui hi...

Aussie visa sia, nipi 3 bekma hong pia ahikom, Perth ah Kumthak ni thengin 21 ni ka cia kik tu hi...

January 1 ni sia Perth Siyin Baptist Church ah kumthak muana nei in sermon kapia thei hi...

SERMON

PSBC Biakinn ah 2 vei le pawlpi inn 11 ah thuhilna ka na pia thei hi...

ABCF (Australian Burmese Christian Fellowship) biakinn ah 2 vei le New Year Muana inn 2 ah thuhilna kapia thei hi...

THUSINNA

PSBC pawlpi sungah ni 3 (January 4-6) sung ngupna thusinna ka pia a, pawlpi bup hong ka thei hi...

PSBC pan tui kiphum tu khangno 4 thusinna ka pia tuam thei hi...

CAMPS

PSBC te sia January 11-13 sung camp kuan tu hi...

ABCF te sia January 15-22 sung camp kuan tu a, kei sia, cia nai tu kahikom, amasa ni 4 sung bekma ka kihel thei tu hi...

INNLAK VAKNA

PSBC sung hong kihel ngawl, ih mipuite inn teng zong ni khat sung hunla in thu ka na nget sak hi..

Topa in leitung bup aa om ih minam bup tungah vantung le leitung thupha a thak in hong buaksuk ta hen...

Hong it na naseppui,

Lam Cin Thang