Tunisia Ngam Buaina Thutawm

Tulaitak leitung ah abuai bel ngam ahi Tunisia ngam ii khuapi se Tunis khuapi hi. Official language in Arabic kam zangh in, second language in Pyintit kam (France) zangh hi. 1956 kumh March 20 in, Pyintit (France) te kung panh ngam suaktakna nga hi. Aminamte se Tunisian kici in, Mimal (Population ) July 1, 2009 estimate 10,432,500 pha hi.

Ngam lampui sung ki-uk na tawh kisai in kibuai aa, mipi in President pa tawlngah tuh kiphin ahikom January 14, 2011 zing nai 7:45 in Presidentpa Zine El Abidine Ben Ali se Sodi Arebia ngam ah tai hi. Ama tai zawk bek in, ngam sung Curfew puang hi. Ama taizawk bek in, ngalkap te in, Tunis vanleangtual leh munh pawlkhat uk in, President pa se, angam acia kik tu adei ngawl nathu zasak in mipi mai-et na nei hi.

Ngam lampuitu in, Lower Paliament panh Acting president in Fouad Mebazaa in seam aa, prime minister in Mohamed Ghannouchi in seam hi. Mipi in, ngam lampui kiteal kik tu ngen ahikom tulai tak thunei te in, ahai ngawl Parliament sap kik sawm ci thu kizaa hi.