Tahan Sizaang Tuiphum biakinn ii kumh 10 cinh Teen Jubilee se, March 11-13, 2011 (Ni 3 sung) vawtsawm hi.Tahan ah Sizaang mi a khom khat om ih hi hang biakna taw kisai in eima om nopna Pawlpi tek ah ki om hi. 1999 ciang Tahan Sizaang Dongtak Kipawlna kiphuan a, Sizaang teng kipawlna khat kinei hi. Tua kipawlna sungah President Dr. Pau Za Nang le Secretary U Tuang Za Thang ii sep hun laitak in amate ii lampuina taw a nawngkai tam mama a om kawmkaal ah 11.5.1999 ni in Tahan Siyin Baptist Fellowship Sizaang mi a uuk teng taw kiphuan hi.
Tahan Siyin Baptist Fellowship taw om hun sungin innmun, longam le vanh zak tu a tatuamte kitawm tato a, SRBA taw kipawl tu nget ciang 28 February-4 March 2001 hun sung Limkhai Zongal khua ah a kivawt A (8) veina SRBA Triennial Meeting ah SRBA in Tapidaw Innkuan khat in saang a, SRBA huam sung om Pawlpi khat suak hi. 11.3.2001 ni ciang Sizang Pawlpi in a om nuam innkuan (12) te puiding in Tahan Tuiphum Pawlpi pan inntuan a, Tahan Sizang Tuiphum Pawlpi hong piang hi.
Source: Khuavak megazine
Photo : Pastor Khaikhai's TSBCLivejournal
No comments:
Post a Comment